Blog Blog BB X'mas Party

係豬脾媽嘅悉心安排之下，我哋一眾Blog Blog BB又可以聚一聚啦﹗而豬脾媽除咗安排食物同遊戲之外，仲好細心咁佈置到現場好有聖誕氣紛，連親手製作嘅蛋糕仔都出動埋（食到燒腩仔舐舐脷呀﹗），真係辛苦晒啦﹗



上次見面嘅時候大家嘅BB都只係識爬，到今次絕大部份嘅BB都識行，而燒腩仔更加係滿場飛全程好hyper咁行來行去，想佢停低一秒影張相都有難度﹗

行行重行行＠香港動植物公園

聖誕節前席的星期日風和日麗又不太冷，絕對適宜帶燒腩仔去郊遊，於是跟他吃過午餐之後，我們便收拾行裝出發過海，向著香港動植物公園進發了﹗

出發前都掙扎了好一會兒到底要不要帶BB車，燒腩仔開始肯自己行，但頂多行十多分鐘便會扭抱，至於坐BB車可以在他午睡和不肯行時減輕我們的負擔，不過放他出來行的時候便要兼顧多樣東西，最後我們想到動植物公園都頗多樓梯，而且坐在車內都應該看不到動物，所以決定不用BB車只帶揹帶旁身。



既然不帶BB車同行少了一重顧慮，米高便建議由金鐘的香港公園做起點，再慢慢經纜車站步行上斜去香港動植物公園，我們讓燒腩仔看看公園入口的水池，再望望湖裡的錦鯉，基於全部都是他喜歡的東西（基本上只要D嘢會郁佢就有興趣望），不經不覺間已經步行到公園的另一個出口。

Merry X'mas

Merry X'mas!

轉眼又到2013年的尾聲，聖誕節是艾菲最喜歡的節日，不過這幾年都沒精力出街逼了，一家三口留在家裡齊齊整整開開心心地過已經心滿意足。

Yummy Yummy Food (12-14M)

不經不覺燒腩仔已經出了六隻牙，咀嚼的能力是越來越進步，自一歲開始艾菲已經沒再煮粥而改給他吃爛飯仔，配搭的餸菜也不用像之前般死板一概切粒打蓉，可以多一點花款越來越接近大人食物，但調味料是艾菲至今仍然堅持少落的，心態是他能夠keep到多一天清淡就健康多一天，而且有時單靠食材本身的鮮味都已經能夠煮出很美味的食物了﹗

正餐：



粟米除了可以配魚柳之外，粟米肉粒飯都是不錯的選擇，碰巧家裡也買了盒日本豆腐，切粒加進去便成了粟米肉碎豆腐爛飯。這菜式基本上可以說是零失敗，只要粟米夠鮮甜，製成品便一定OK，不過粟米是較難消化的食物，所以至今仍然要打碎才可給燒腩仔食。

食譜：

材料：
米1/4杯（兩餐份量）
粟米1/3條
豬肉適量
豆腐1/4盒

造法：
1. 豬肉切粒蒸熟再用攪拌機打成肉蓉備用
2. 粟米蒸熟起粒再用攪拌機打碎備用
3. 豆腐切粒備用
4. 用飯煲將米煮成爛飯備用
5. 加少許水將粟米蓉滾起，再放入肉蓉和豆腐粒
6. 將粟米肉碎豆腐汁鋪上爛飯上即成

Hi! My name is Monchhichi!

唔知大家仲記唔記得艾菲提過燒腩仔有個伍餐肉哥哥（即Monchhichi）呢？由於燒腩仔爸爸米高實在太似Monchhichi（艾菲D朋友個個都話佢似），所以艾菲想當日就愛屋及烏鐘意埋Monchhichi，之前睇雜誌見東港城有Monchhichi聖誕佈置已經好想帶燒腩仔去探「哥哥」，但要等埋前排忙到一頭煙嘅米高，一拖再拖就等到啱啱個星期日先成行。



講明係去探「哥哥」又點可以乜都唔帶呢？艾菲專登帶埋伍餐肉哥哥頂Monchhichi帽出發﹗:P

艾菲：燒腩Monchhichi，are you ready?
燒腩仔：大家好...我係真人版Monchhichi呀﹗

Happy Birthday@海洋公園

啱啱過咗嘅星期六係艾菲生日，無咩特別地方想去又帶住燒腩仔，艾菲就決定用生日免費入場優惠帶燒腩仔去海洋公園﹗其實之前米高生日已經想去，但佢生日咁啱又係星期六，再加上米高不停反問艾菲係唔係好想去同大陸人逼所以去唔成，不過事後艾菲睇月暦見出年大家生日都係星期日，咁即係米高更加唔會畀我哋去啦，於是艾菲今次一定要爭取最後機會go go go!



對上一次來海洋公園係2009年艾菲生日，當時嘅大門口裝修緊沙塵滾滾，今次來已經整好咗，門口仲多咗個好騎呢嘅噴水池，不過燒腩仔就睇得好開心，不停想撲去搞D水。




我哋十一點左右到，有人睇錯海洋劇場時間，所以一入去就拉我哋排咗半個鐘隊坐纜車上山開飯，不過錯有錯著我哋早咗到餐廳，遲半個鐘都已經排晒長龍等位，真係多人到好誇張﹗

14個月

嘩嘩嘩﹗我又大多一個月啦﹗媽媽話我呢個月有驚人嘅進步，學嘢學得快咗好多，已經識聽好多指令，尤其係講嘢方面有突飛猛進嘅表現添，當佢睇返我一年前影嘅相之後，就好堅持咁話我唔再係燒腩仔BB，話以後要叫我做燒腩仔小朋友喎﹗



今個月都係繼續一日五餐，早晚兩餐飲七安奶，午餐晚餐食一個大人碗嘅飯仔，下午茶就食生果加其他零食，平時同爸爸媽媽食嘢都會嘈住要佢哋畀D我食，有時緊張得滯仲會扯媽媽夾緊餸隻手埋來搶嘢食，基本上每次都成功呃到D嘢食㗎﹗而我宜家已經可以自己將叉或者匙羹入面D嘢食放入口（即艾菲幫佢叉好或者畢好，佢跟住就會自己放入口食），自己畢的話十次都會好簡中有一次成功畢到一兩粒飯嘅，雖然仲未可以自己食飯，但媽媽都已經勁讚我叻啦﹗



媽媽日等夜等，終於等到我今個月出多兩隻牙啦，我宜家總共有六隻牙仔，出牙時無發忟無發燒，不過就成日流口水流到塊面幾乎爆擦，而且成日口痕食手指食到扣喉咁聲（隻手指已經頂到喉嚨都仲係要繼續食），次次飲完奶都咬住個奶樽唔放係咁啜，瞓覺時又鐘意咬被咬枕頭袋，搞到媽媽連枕頭都唔敢畀我用，仲要等我瞓咗先敢同我蓋返張被。

聖誕燈飾

自從尖沙咀被強國人淪陷之後，每次出尖沙咀都需要鼓起勇氣才行，尤其是要帶燒腩仔同行的話，就更加要三思而後行，但一年一度尖東聖誕燈飾，真的很想帶燒腩仔去見識，好讓他感受一下節日氣氛，而且難得兩星期無假放的米高擠到一個星期六晚上出來，又興緻勃勃說帶我們去，艾菲也無謂撥冷水，一於go go go帶燒腩仔一起殺出尖沙咀﹗



看燈飾前先去尖東元氣晚飯，等了大半小時才有位，燒腩仔本來都有點扭，但艾菲和米高輪流帶他在商場行來行去，時間總算是過去了，進餐廳後第一時間跟燒腩仔開餐，而這個食飽無事做的小朋友，見艾菲和米高吃得很是滋味的模樣，即發難要食大人食物，我們都給了些燉蛋他吃，但吃進口不夠一秒又扭食（因為唔使咬可以入口即吞），幸好送他一個餐牌又肯乖乖地自己玩，其實相對艾菲朋友的小朋友，燒腩仔算是個合作的小朋友，平日帶他外出用餐，除了扭食之外暫時未會扭落地，隨意給他些小玩意又肯繼續坐定定。



食飽我們便爭取時間起行，原來現在的尖東海傍種了很多樹，想影燈飾唯有在天橋上影，不過今年的燈飾有點hea，幾乎跟十年前的沒分別毫無創意，連燒腩仔都是看了幾眼之後便沒興趣，反而更愛看天空上的飛機和海邊鈎魚的叔叔。

飲牛奶

自從被醫生勒令停餵母乳後，燒腩仔一直都是飲雅培1號奶粉，原因並非這奶粉有甚麼特別好，只是想當日在診所入會時有兩罐sample送，價錢不算貴而且不用跟大陸人搶（之前新年搶得最瘋狂時都輕易買到），最重要當然是燒腩仔飲完之後沒問題啦﹗

直至燒腩仔六個月大，艾菲都有想過要不要轉2號奶粉，始終1號奶粉不便宜呀，初時一星期一罐一個月就要花千多元買奶粉，但看過健康院指引說無這個需要，而且1號奶粉的成份必需乎合世衛標準， 感覺較2號奶粉不知有甚麼成份穩陣，再加上他開始減奶食固體，燒奶粉的速度減慢了，跟米高商量過之後便決定繼續飲1號奶粉。

艾菲和米高都有共識，待燒腩仔滿一歲後便轉飲牛奶，因為相信母乳才是BB最好食物的我倆，不太相信2號或3號等大仔奶粉成份，對所謂額外添加的營養到底是否適合小朋友，又是否吸收得到一直存疑，反正要轉奶就不如聽健康院建議直接飲純正全脂牛奶好了。

由於家裡存放了不少1,2,3號奶粉的sample，所以在正式轉飲牛奶前都花了個多月時間進行清倉行動，自燒腩仔一歲後我們便開始給他飲sample奶粉，起初都有逐餐慢慢轉（即第一餐飲舊奶，第二餐先飲新奶，等適應先兩餐都飲新奶），後來見他基本上甚麼奶都肯飲就直接轉，so far飲了五個大牌子的奶粉都完全沒問題，唯獨是飲惠氏2號時出現肚痾情況（一日痾四次水但個人好精神），後來我們停飲了便立即康復（艾菲真係好大懵，好彩燒腩仔婆婆問我哋係唔係轉咗奶粉先醒起，如果唔係我哋都完全搵唔到肚痾原因）。

噢﹗聖誕樹﹗

「噢！聖誕節托它歸家，我阿媽話幾貴㗎！噢！聖誕節托它歸家，放係廳度閃閃吓！」...雖然一年眾多節日之中艾菲獨愛聖誕節，不過由於蝸居地方有限我們又不會在家開party，真的從來沒有買聖誕樹的念頭，但原來做了媽媽之後真的有能力將不可能變成可能，為了燒腩仔...艾菲竟然肯的起心肝清理客廳某個小角落以騰出些少空間出來，並很堅持地要米高搬棵聖誕樹回家﹗

能夠令艾菲有買聖誕樹的決心，全因十一月初某晚路過AEON，正在學行無時停的燒腩仔，居然停了在幾棵閃燈聖誕樹前，聽著聖誕音樂邊搖邊拍手﹗那一刻艾菲還以為他只是偶意的興奮，怎料之後每次在街見到聖誕樹，他都會超興奮地指著要我們帶他去看，那種喜歡之情是有增無減，又怎叫艾菲不心軟呢﹗

決定買聖誕樹後，艾菲有想過淘寶，因為一棵三呎光纖聖誕樹在AEON賣$269，就算普通聖誕樹沒裝飾都要$80一棵，但一棵1.5米高普通聖誕樹連裝飾都不過廿多元人民幣（唔敢淘光纖聖誕樹怕漏電），只需另外買一條聖誕燈掛上去即可，只是想到太大型的貨件用雜運好像有點危險，直接運香港運費又不化算艾菲就不敢亂來，最終拖到上星期打算到深水埗格價再決定，卻遇上AEON特價有九折，基於米高不停遊說說深水埗的款未必及AEON的好，於是便決定在AEON買。

煮飯仔＠淘寶

煮飯仔是艾菲小時候超愛的玩意之一，想當年的夢想就是儲齊一套同色系家電和一個自家廚房，到長大後心癮仍然未斷，還會不時儲rement的食玩系列小擺設，而燒腩仔的出現就正好給了艾菲一個買煮飯仔的藉口了，呵呵呵﹗

對於買煮飯仔這東西，米高是不太贊成的，因為他覺得燒腩仔是男孩子，實在不應埋頭於煮飯仔之中，但艾菲一於少理堅持己見，更以幼稚園interview有機會考煮飯仔做擋戰牌，但艾菲都知道不可以太過份，買個廚房回家是沒可能的了﹗

由於未知道燒腩仔到底喜不喜歡（如果佢唔like艾菲實畀人話），所以艾菲都不敢太進取，本來想淘小b媽介紹那套膠造的煮飯仔，全set有齊爐具和食材都不過廿多元人民幣超抵的，但米高卻在艾菲付款前問怕不怕燒腩仔拿來咬，well...那不如考慮小檬媽買那套木製煮飯仔啦，但Mother Garden又有點lady（不過艾菲自己超鐘意，尤其綠茶tea set那款...），於是研究了一輪以後決定買同樣是日本牌子的Woody Puddy。



艾菲一口氣淘了兩套食材回來，分別是蔬菜和水果，連刀，砧板和一個木盒，雖然價錢較其他木製煮飯仔貴，一套要五十多元人民幣，不過他跟Mother Garden一樣，是用磁石而非魔術貼將食物黏合，一定較魔術貼那種耐用（因為魔術貼用得耐會黐塵，之後就會黐唔埋同好污糟），艾菲覺得這個價錢是可以接受的。

試用：Huggies學習褲

自燒腩仔識得爬同換片時不停走佬開始，艾菲間中都會畀佢用學習褲，試過幾個牌子之後始終覺得Huggies學習褲最好最方便，所以之前見到有試用就即刻參加，而好好彩嘅燒腩仔今次又抽得中啦﹗Yeah﹗



今次試用活動，除咗有兩包男仔大碼學習褲之外，仲有Huggies好出名嘅加厚嬰兒濕紙巾小熊維尼盒裝同補充裝，另外仲有一pack三包輕便裝柔潤濕紙巾，超讚呀﹗



燒腩仔已經13個月大，來緊呢個夏天就要正式開始戒片，而佢六個月大時艾菲已經開始同佢進行potty training，雖然經過半年嘅特訓之後，已經成功令佢絕大部分時間都係坐potty先痾便便，不過間中都有失手嘅時候，所以Huggies學習褲除咗可以畀燒腩仔當自己著緊底褲仔咁自己除自己著之外，佢獨有嘅魔術貼邊就可以方便艾菲好似換片咁換咗D有便便嘅學習褲出來，咁就唔怕打直除落來，又或者夾硬扯爛條學習褲時D便便有機會跌出來咁污糟啦﹗



小朋友由識得爬開始就無時停，而馬騮托世嘅燒腩仔就日日係屋企擒來擒去，好多時同佢換完條片都未趕得切著返條褲，佢已經九秒九爬咗上梳化搞搞震，好彩Huggies學習褲有透氣超彈腰圍，燒腩仔著住佢點郁都唔會箍住大脾仔而唔舒服，而且佢係吸尿呢方面都好似尿片咁強，so far燒腩仔用咗咁耐都未試過漏尿同pat pat紅，所以艾菲都好放心畀燒腩仔繼續用落去呢﹗

My Kiddy Gym試堂

燒腩仔一歲前我們都沒打算帶他上playgroup，因為覺得他年紀太小學不到甚麼又容易惹到病菌，再加上不少有小朋友的父母級朋友都說沒這個需要，大致意思是艾菲是個FTM可以自己教，要讓他多接觸小朋友的話去公園也可以，所以我們都打算在一歲後才決定要否帶他上playgroup。

不過，在燒腩仔十一個月大時，艾菲見My Kiddy Gym在facebook做promote有免費試堂，雖然明知報playgroup都一定不會報baby gym這種，還是貪得意報名帶燒腩仔去玩﹗



試堂當天我們比上課時間早到，之前一班還未下課呢，由於那裡沒獨立房間隔開，所以在外邊等候的人可以清楚看到上課情況，而燒腩仔看見其他小朋友上堂就勁興奮地手舞足蹈起來。

 

前一班下課後我們很快便可以進課室warm up，艾菲放了燒腩仔上彈床跟其他小朋友玩，因為他這班是6M-11M，所以有不少BB連爬都未懂爬呢﹗

水痘針＠康健

燒腩仔出世時我們沒有join打針plan，所有針我們都是在健康院打，就連輪狀病毒都沒有吃，唯獨是水痘針艾菲老早已經決定要打，而且是艾菲跟燒腩仔齊齊打，因為艾菲本身未出過水痘，很怕燒腩仔出水痘的話會兩母子齊齊中招超麻煩的，再加上很多人都說大人出水痘比小朋友更辛苦，艾菲真是很怕一把年紀才中招，尤其如果在再次懷孕時中招的話就更麻煩（雖然仲十五十六唔知生唔生，但有D嘢都係要預防咗先㗎嘛）。

水痘針要小朋友滿一歲才可以打，但由於看到不少消息指水痘針缺貨，所以在燒腩仔十一個月大時艾菲已經四出查問住所附近那裡有針打，結果是附近的兒科診所一概沒貨，有一間更是留針人數已達七十人﹗ 他們都說每次返貨只有一兩針，打完之後便不知下一批貨何時到，有些更勸艾菲不如不打健康院的一歲針轉打四痘針（要打兩針，每針大概$800，有D人話藥廠想逼D人打四痘針所以一直唔返水痘針）。

基於健康院已經有一歲針打，艾菲實在不想燒腩仔轉打四痘針，而且分開打好像反應沒那麼大，於是便繼續努力搜尋水痘針，致電查詢後一星期，終於收到幾間醫療集團診所回覆說有貨，果然醫療集團有support存貨都較多，但有些打針連醫生診金都近千元（上網睇明明四百幾蚊都有﹗），起初艾菲都打算燒腩仔打艾菲不打（因為姑娘話只得一針，而且大人打要打兩針，咁就會無咗二千蚊啦﹗），幸好後來康健的姑娘打來說公司有貨，而且打針連醫生診金都只需$570一枝，價錢相對比較合理，於是便相約在打健康院針後一個月去打。

N班interview＠德福幼稚園

對於要不要讀N班這問題，艾菲和米高一直沒有答案，讀的好處是可以早一些接觸群體生活，認識多一些同齡小朋友，而且由專業老師教總比艾菲在家教好，對於之後升K1當然都有幫助啦﹗不過我倆總覺得兩歲人仔，不是應該好好享受愉快童年嗎，如果是簡單的認字和自理能力，相信身為FTM的艾菲都有能力和時間教，而且記得有專家說過三歲以下的小朋友最重要是感受父母的愛而不是上學，做讀書機器的機會將來不愁沒有呀，何必要他們這麼快就跑進這個殘酷的世界呢（利申：艾菲本身係個超唔鐘意讀書同返學嘅懶鬼:P）？

基於N班對我們來說實在是可讀可不讀，所以艾菲一直都懶懶閒沒太認真準備，但想到今年不讀N班，明年還是要為K1而籌謀，為免屆時零interview經驗的艾菲不懂回答老師的問題，所以便想到今年也湊熱鬧報名去試試看，至少了解一下住所附近的幼稚園，老師和環境質素是怎樣的一回事吧，至於最終是否入讀便看有沒有學校肯收燒腩仔才再作打算吧。



雖然只是hea報，但艾菲在八月時還是認真地準備了一張全新的證件相，至少感覺「大個仔」一點印象分都好一點嘛，這張相是艾菲自己在家用相機影的，完成後用photoshop轉白底，再用software轉成證件相size即可去快圖美沖印。

由於燒腩仔是10月細B，所以可以報名而又有interview機會的學校實在不多，最終艾菲替燒腩仔報了四間（如果認真報可以報多D，但因為唔想燒腩仔咁辛苦，所以返全日同誇區果D艾菲都skip咗無報），只得兩間一定有interview機會，而其中一間便是最近我們家的德福幼稚園。

愛自己

 

正所謂「女人唔補好易老」，尤其是秋冬這些乾燥天氣，真的要多吃點滋潤的食物﹗艾菲平日照顧燒腩仔都只能hea食，難得有時間當然要食餐好來對自己好一點啦﹗而今次心血來潮便煮了這個花膠燉鮮奶了﹗

花膠是去年生燒腩仔前買來預備坐月時補身食的，但產後覆診時醫生忽然說艾菲要戒半年花膠和海蔘，怕開刀的傷口埋口埋得不好，於是便整包放在櫃裡原封不動，到現在事隔一年，艾菲終於的起心肝自己發來慢慢吃﹗（米高見到就話艾菲富貴，但呢包花膠本來一早就倒咗落艾菲個肚到㗎啦﹗）

一直以為花膠海蔘這些要發的東西超難煮，但上網找食譜才知發花膠一點都不難，而且發好的花膠可以逐隻pack好放冰箱，到用時解凍即可，實在是超方便呢﹗而這個花膠燉鮮奶，都不過是將花膠剪碎，加全脂奶，薑和冰糖燉45分鐘即可，絕對適合平日連煲湯都沒時間的人﹗

懷著燒腩仔時艾菲不知道花膠有多好，一直以為只是補身如此簡單，現在知道它除了養顏美白，和有豐富骨膠原之外，對長胎都絕對有幫助，如果再有機會陀BB的話，艾菲一定要對燒腩弟弟/妹妹好一點才行呢﹗呵呵呵﹗

媽媽的新玩具

自燒腩仔出世之後，艾菲都很久很久沒買過東西給自己了，每次逛街逛淘寶買的都是給燒腩仔的物品，自己那份省得就省連衫都少買，但不知是怎樣挑起的根，今年四月時忽然很有衝動買部麵包機回來，自己在家做麵包吃，沒防腐劑沒化學物料又可以讓燒腩仔食，於是上網仔細搜尋資料逐款研究，最終瑣定panasonic的台版105T。

格價後跟米高商量，得到的答案當然是「No」啦﹗因為只得台版要買水貨無保養，還要拖一隻大火牛，二千多元的價錢，已經夠他食一年多麵包，對他來說絕對不值（D男人硬係唔明女人整完麵包出來個成功感唔係用錢可以計㗎囉），那麼艾菲唯有死心塌地，給自己半年時間等這部機返行貨（因為艾菲真係心意已決非P仔唔要）。

好不容易，終於在九月尾時知道這部機在香港出行貨，型號是SD-PM105，但一看其功能發現又是閹割版，說是新機卻只得19個功能（仲少過台灣D舊機），最重要是不能選擇只焗半磅（一家三口成磅麵包有時真係食唔晒），即時十五十六不知要不要回歸水貨懷抱，最後在米高力勸下還是決定買行貨（佢都知無可能勸艾菲唔買，所以只係勸艾菲買比較安全嘅行貨）。



在燒腩仔姨媽的協助下用panasonic員工價$1800買（街賣正價係$2380，格價網最平都$2000），不包送貨但送兩盒預拌粉（至衰miss咗$1600包送貨嘅員工優惠，唔係就更加抵），十月頭已經到艾菲的家，艾菲事前還特意跑到citysuper買了這個麵包切割器，短短一個月已經不知開了多少機了﹗只是其中一次酵母已死而失敗，其餘全部都很成功（只係部分比較樣衰但依然好味），總之這部機就是有買遲無買錯﹗自家製麵包真是very good呀﹗

明愛賣物會2013

明愛賣物會，聽就聽得多，去真是未去過，不過早幾年聽舊上司說過，明愛賣物會有很多很便宜的玩具買，只要早去一定尋到寶，幾星期前無意間發現明愛賣物會在剛過去的星期日在花墟球場舉行，於是便決定帶燒腩仔去見識一下。





原先計劃燒腩仔起床飲奶後即出發，但起床後發現外邊正下著雨，於是艾菲和米高都猶豫了一會兒，最終等到十時多還是決定如期出發，去到已經是十一時（十時開始），雖然雨未有停下來，不過已經有不少人拉著行李箱或買餸車進場，想逼到攤位內尋寶的話都有點難度﹗



賣物會的形式有點像新年年宵，一個個攤檔並排而立，有賣衣服手袋，碗碟餐具，聖誕佈置物品，相架，嬰兒用品和玩具，就連BB車，網床和baby gym玩具都有賣，全部以低價發售，當然有些是明顯看得出的次貨，亦有些只是沒了招牌或者包裝盒爛了，所以不介意的話絕對抵過淘寶，而且可以同時做善事，艾菲覺得相當有意義呀﹗

13個月

話都無咁快，我就13個月大啦﹗本來呢篇blog應該準時出街㗎，點知媽媽就係我13個月大嗰日病咗，結果我就要遲兩日先見到大家啦﹗大家有無掛住我呢？嘻...相信唔少眼利嘅姨姨都發現我最近剪咗個新髮型，事源媽媽話我D頭髮長得太快，一長咗就好似成頭雜草咁見到都覺煩，所以叫公公幫我剪短D（自從第一次艾菲係公公協助吓剪完之後，每次同燒腩仔剪頭髮公公都搶住剪，咁艾菲梗係Q埋手由佢慢慢剪啦，呵呵呵...），咁公公剪吓剪吓就剪咗呢個花家姐頭出來啦，媽媽見到話好cute好襯我，但姨媽就話我好薯仔，你哋又覺得點呀？

 

自從上個月中去健康院打完針之後，媽媽就聽姑娘建議幫我減一餐奶，宜家我只係早晚兩餐奶飲七安，其餘三餐都係食固體食物，午餐晚餐都食一個大人碗嘅飯仔，下午茶就食吓生果，餅乾，麵包，蕃薯，麥皮或者pancake咁，但就唔係食得好多，一夠我就會推開D食物唔肯食㗎啦﹗至於新食物都無再好似之前咁要專登逐樣試幾日，媽媽宜家無論食正餐定零食都會畀D我試吓，唔...原來大人食嘅嘢係寧捨好味㗎﹗

今個月除咗繼續學用BB匙羹「畢」嘢食之外（暫時仲係要捉住手先識畢，仲未成功自己畢到），媽媽話要開始戒奶樽，佢有時都會試吓倒D奶落個飲管杯到畀我飲，但我通常飲兩安左右就顧住咬飲筒唔願再啜，要媽媽倒返落奶樽到先肯乖乖地飲埋去。另外佢都專登買咗個Avent學習杯畀我學用杯飲水，但我就學極都唔識囉，佢唯有拎返個新幹線鴨咀杯畀我學吓舉高手飲水先，練咗半個月之後都叫做有少少進步㗎啦﹗

賀壽sukiyaki

剛過去的星期六是米高的生日，以往艾菲都會陪這個蟹王去食大閘蟹餐，或有長腳蟹的buffet慶祝，再親自做一個生日蛋糕給他賀壽，但去年燒腩仔剛出世沒多久，艾菲坐月中那裡也去不到，當然沒這枝歌仔唱啦，好不容易等到今年生日打算雙倍奉還，怎料主角臨近生日才忽然說不想吃大閘蟹，說大閘蟹有激素blablabla...

臨急臨忙要找新地方慶祝實在不容易，再加上之前忙燒腩仔生日已花盡心神，艾菲實在沒太多idea再想慶祝的事宜（無心就無心啦;P），到後來米高說不如在家吃蟹宴就算，眼見主角興緻勃勃，艾菲唯有捨命陪君子啦﹗

米高說的蟹宴，其實就是買松葉蟹或長腳蟹回家慢慢吃，但蟹腳總不能就此當成一餐嘛，艾菲眼見天氣開始轉涼，實在有shabu shabu的衝動，於是便提出吃sukiyaki，不用花時間煮一大餐，只需買齊料就可以開餐，絕對是懶人最愛﹗



早兩天開始去買料，燒腩仔都有份幫手的呀﹗拿著芋絲在超市走來走去，拿起這包又摸摸那包，緊接著是做完壞事後的奸笑聲﹗wakaka﹗

一歲針

燒腩仔一歲生日之後又是時候去健康院打針了，登記後便帶他去磅重，艾菲原先以為姑娘會叫他站著磅，但最終都是用初身磅來磅，磅的時候燒腩仔的手手腳腳都撐到外邊，好不容易才磅到，9.8kg是75成長線，然後艾菲剩機要求姑娘度高，不過他全程掙扎只能取約數75cm，接近50成長線。

之後見姑娘都是遁例問燒腩仔飲奶和食固體食物有沒有問題，對燒腩仔如此「為食」的小朋友來說當然沒問題啦，姑娘見燒腩仔情況OK就叫我們開始給他減奶，可以用其他固體食物代替一餐奶，即以後外出行街終於可以不用帶奶樽和熱水了﹗Good﹗

接著姑娘便問燒腩仔有沒有用雙手拿細小東西，有沒有扶著傢俬行，以及是否懂得聽電話和bye bye等，全部都是艾菲答有便OK，就算艾菲說燒腩仔未懂得聽電話都只是說他有模仿大人就可以，而最正就是燒腩仔襯艾菲看打針須知時也搶著拿來看，離開時又主動跟姑娘揮手bye bye，連姑娘都笑說「你咁精靈，一睇就知無問題」。

艾菲今次都順便問了姑娘關於走路姿勢的問題，因為燒腩仔走路時左腳經常向內彎，以至腳踏腳而跌倒，但姑娘則說他現在仍在摸索階段，走路姿勢是怎樣都不用擔心，如果半年後仍是這樣才跟他們說就可以，至於燒腩仔有沒有免費水痘針打的問題，姑娘是極安全的答未知屆時怎安排，但在外邊診所打的話就建議隔一個月才打。

試食：Gerber鮮果乳酪乾

一直都想畀燒腩仔食BB乳酪糖，感覺比星星餅更有益嘛，但乳酪糖唔係周圍有得買，雖然大大包不過價錢唔係平，如果買咗返來佢唔食都幾浪費，所以就拖咗好耐都無買到，然後早排行萬寧見Gerber出咗鮮果乳酪乾，大大包賣三十幾蚊已經心思思想買，後來上網見到有試食就梗係參加來玩吓啦，估唔到又抽得中有得食喎，呵呵呵﹗



乳酪乾有蜜桃味同雜莓味兩款，係用真正乳酪同鮮果製造，而且不含防腐劑，人造甜味同香料，媽媽絕對可以放心畀BB食。



倒出來睇，好似一粒粒迷你肚劑餅咁嘅樣，適合十個月大以上小朋友食用，食嘅時候仲可以順便訓練小朋友用手指拎細小物品嘅能力添﹗

衝上雲霄~Part 2

愉景灣是個交通受管制的地方，在閒逛時艾菲一直問米高到底Sam哥和Holiday是如何輕易出入機場和愉景灣的呢？即半夜落機再自駕回愉景灣是完全沒可能的事呀﹗怎麼他們可以回家回得如此輕鬆的呢？然後米高便決定帶我們去機場走一轉親身體驗一下。



這個小朋友手指指，到底指甚麼呢？



飛機是也﹗我們抵達機場已快將天黑，即問衝上雲霄經常出現那個sky deck怎去，原來是要在T2那邊的UA再坐電梯上去，但最意外的是到sky deck是要收費的，$15一位大人不限時間，不過門口完全沒人check門票，雖然我們很乖主動付上$30，但米高就非常懷疑到底有多少人像我們般主動付費買票上來...

衝上雲霄~Part 1

燒腩仔生日當天，艾菲一早吩咐米高請假，好讓我們可以一家三口去玩，但去那裡玩卻遲遲未有定案，只知道想帶燒腩仔遠離煩囂去離島，最終我們是一直徘徊在長洲和愉景灣之間，到出門的一刻才決定去愉景灣，一起去探衝上雲霄的Sam哥。



出發啦﹗當日天氣超級好，絕對適宜去郊遊﹗可能是平日的關係，船上的坐位幾乎是任坐，連燒腩仔都可以獨霸一個海景位，開心到呢...

 

開船之後就更興奮，不停望著窗外的風景咔咔笑﹗

MaMa Mia嬰兒座椅帶試用之決戰high chiar

星期日傍晚離開赤柱之後，我哋就去咗太古城行街，諗住食飯兼行吓AEON同Apita（貪佢比其他同集團分店多嘢買），見CoCo壹番屋唔太多人等位就決定食呢間，其實我哋平日間中都會幫襯CoCo，因為食物質素OK，而且又有high chair同BB餐具提供。

CoCo提供嘅high chair係可以摺埋嘅木凳款來，之前幾次畀燒腩仔坐都OK，所以艾菲本來都無打算拎MaMa Mia條嬰兒座椅帶出來用，點知碗飯都未食到一半就已經出事，因為呢款high chair係無安全扣扣實，呢隻馬騮托世嘅燒腩仔，居然食食吓自己企咗上張凳到﹗

呢個情況當然係好危險啦，艾菲同米高即時將燒腩仔拉低坐返落張凳到，起初都叫做乖乖地繼續食，但作反嘅嘢試得一次梗有第二次，食咗一陣之後佢又意圖企起身，我哋嘗試再拉返低佢，但佢已經開始扭計完全唔肯合作...



咁嘅情況下我哋唯有抱起燒腩仔，然後request換返張正常大人凳，跟手艾菲就拎返MaMa Mia條座椅帶出來，扣好之後就放佢落去坐，起初佢都唔多肯，但氹多兩氹又無問題喎，真係即時鬆一口氣﹗

MaMa Mia X型揹帶試用之安睡寶寶

自燒腩仔月中打完一歲針之後，艾菲就好乖咁聽姑娘建議，要佢係屋企守咗12日行為，廢事佢感染病菌剩機發燒（打針詳情之後再講），等了又等終於等到今個weekend刑滿，米高梗係即刻安排節目帶佢出街玩啦，而今次嘅目的地就係赤柱。

我哋等燒腩仔食咗中午餐飯仔先出發，係明知星期日嘅赤柱例必多人嘅情況下，艾菲今次選擇咗用X型揹帶帶佢出街，一來當然係貪佢夠輕便，就算佢要落地自己行，艾菲就咁摺返埋條揹帶放落袋就OK，二來係貪佢夠貼身，最好就係用來氹燒腩仔瞓覺﹗嘻...係唔係估你唔到呢？

隨住呢個小朋友越來越大個，要佢出街都定時瞓晏覺真係有D難度，試過有次明明扭眼瞓想瞓，但氹咗成粒鐘仲係唔肯瞓，艾菲都明呢個係好正常嘅反應來，不過個心始終想佢定時定候瞓覺，因為佢一瞓唔夠，到夜晚就會發癲好難搞，諗起艾菲都怕怕﹗



出發時，艾菲專登將燒腩仔面向自己，將兩隻手都塞埋落條揹帶到，因為夠貼身佢點撐都無可能向後拗到腰，所以絕大部分嘅視線都會畀艾菲擋住，再加上艾菲會特登用手or帽擋埋佢側邊D視線，咁佢揀無可揀嘅情況下就唯有捱係艾菲個心口到，無嘢望無嘢搞又有D攰嘅情況下，當然係唔使兩個地鐵站嘅路程就瞓著啦﹗