Merry X'mas

Merry X'mas!

轉眼又到2013年的尾聲，聖誕節是艾菲最喜歡的節日，不過這幾年都沒精力出街逼了，一家三口留在家裡齊齊整整開開心心地過已經心滿意足。



平安夜當晚，米高老早便說要在家encore他生日時吃過的sukiyaki，更一手包辦買料和洗切的功夫，艾菲只需預備好湯底即可，Good﹗而左下角那隻從大埔墟街市梁九記以$65買回來的北海道毛蟹就更抵讚，蟹身小小但有勁多蟹膏和蟹肉超好味呢﹗（梁九記呢期好似好紅得到唔少blogger激讚，不過艾菲作為半個大埔人其實一早知呢間鋪D嘢又平又正，艾菲返娘家又有時間嘅話都會去入貨同尋寶㗎﹗）



為了令艾菲和米高能夠安心食sukiyaki，艾菲特意開了波波池給燒腩仔進去玩，雖然他睡醒一覺見到時都有「波﹗波﹗」的興奮地叫著想衝進去，不過見我們開餐還是跑了過來拉著我們褲腳狂叫「mum mum...um呀...um呀...um呀...」，最終我們都敵不過他的尖叫放了他上highchair跟我們一起吃（其實牛肉，菜同烏冬都食得嘅）。



後來見他越食越多，我們怕他食滯便想stop他（佢真係完全唔停口食完一啖又嘈要第二啖，而且我哋開餐前佢先啱啱食完碗半飯仔），只是燒腩仔始終堅持扭食，幸好艾菲突然醒起剛在Piago買了隻聖誕歌DVD，立即開給燒腩仔看來轉移視線，然後我倆便終於有啖「安樂茶飯」下肚了﹗