集大成之淘

自從上次挑起淘寶根之後，在一眾blogger媽媽的淘毒下，每個月都總是有些東西想淘，只是每次等集運等收貨再試用一下，結果拖了兩個月淘了兩轉正準備淘第三轉才記得blog，所以今篇要叫做集大成之淘，全因淘物太雜兼絕大部分都是在大家淘毒下淘回來的﹗;P



首先出場的有肚B媽介紹的水龍頭延伸器，一直都很想買都試過上淘寶找，只是找來找去都找不到，一度想過自己DIY算，結果肚B媽介紹淘寶有，才知之前找不到全因search錯keyword，淘寶有很多不同款式，但始終覺得肚B媽介紹這款最正常就買了個藍色，13.5人民幣包郵到惠州集運。



接著出場的有肚B媽都介紹過的貼紙，其實老死Ice媽媽之前淘過亦送了幾張給燒腩仔，艾菲大概知道質素如何，所以很放心地淘了50張回來（15人仔包郵）慢慢玩，特意選了男孩款，款式都頗平均，有反斗車王，叮噹，Mickey Mouse，Angry Bird，超人等，燒腩仔大愛。

P仔好煮意3

距離上篇《P仔好煮意2》足有三個月，終於的起心肝再update一下P仔麵包機在艾菲家的近況了（順便都放放毒啦XD），由於做磅麵包做得開始有點悶，越來越沒心機研究新花款，所以艾菲最近都轉投造型麵包的懷抱，一有時間和精神便會預早一小時放料進P仔，用麵糰mode搓粉發酵，然後襯燒腩仔午睡時走去搓包，每次成功做出比較像樣的造型包都會有很大滿足感呢﹗

 艾菲最愛P仔夠方便，某個不願開火煮飯的Friday night，只需將麵粉酵母放進麵包機，不消一會兒便搓成一個pizza麵糰，簡簡單單一個厚底菠蘿芝士Pizza已經很飽肚。

米高早上出門上班前說想食肉鬆包，艾菲在他下班回家前便做好了，食譜是跟《65℃

湯種麵包》（好多年前出trip去台灣時買，最近見香港D書局都好似有得賣）內的傳統肉鬆包來做，只是份量減了一半只做四個，除了麵包面滿滿的一層肉鬆，中間還塗了一層沙律醬，味道跟肉鬆超match呢﹗

Thomas毒

認識Thomas & Friends是六、七年前的事，因為前上司的一對孖仔是其忠實粉絲，閒聊間經常都聽到她說要買Thomas火車，Thomas路軌，Thomas餐具，Thomas貼紙，Thomas文具等等等等等物件給當時只有三歲的他們，不過坊間所見但凡印有Thomas圖案的東西的價錢都貴了一大截，於是仍未為人妻的艾菲當時已下定決心，他日有小朋友定必不許Thomas入屋，以防跌進喪買Thomas的無底深潭。

直至燒腩仔現在20個月大，艾菲這個不要Thomas毒的決心依然未有動搖，就算平日燒腩仔在玩具店見到Thomas，艾菲都只會介紹它是火車，簡單一句帶過就算，再加上他暫時只愛現實世界的車，對這些只在火車博物館見到的蒸氣火車頭，仍未有太大的興趣。



然而有些事情還是無可避免地會發生，早兩星期的某個晚上忽然收到好友Ice媽媽來電，叫艾菲下樓拿一份給燒腩仔的二手玩具，待燒腩仔睡著了艾菲才有時間拆盒研究，發現玩具正是一套會行會走的電動Thomas，O...No!!! 今次真的「打爛齋砵」啦﹗ Ice媽媽解釋她家裡共有三盒同款的Thomas火車，兩盒時Oscar哥哥開生日會時收到（呢個亦係艾菲有D抗拒幫小朋友開生日會嘅原因，收埋收埋咁多禮物玩唔晒其實好浪費），一盒是朋友轉送的，為免浪費便轉贈了其中一套給燒腩仔。

忽然有書讀？？？

之前兩次PN interview，燒腩仔都只得waiting list的回覆，基本上只是存心去吸收interview經驗，為報K1做好準備的艾菲丁點失望都沒有，還老早做好準備預他繼續在家多玩一年，特意淘了些貼紙書和手工書回來，打算未來一年自己在家慢慢教，再加上一星期一至兩次playgroup，大概都足夠應付不會浪費時間吧﹗

不過五月尾時卻忽然收到一間報了名，但講明要等小朋友滿歲半才進行interview的學校來信，約我們在燒腩仔20個月大當天進行interview，由於之前都問過學校，亦上網看過其他媽媽的comment，知道如果學校已經收齊了大B的話，基本上細B連interview的機會都不會有，他們會自動將PN的報名表轉到第二年直接約見K1，所以由收信那刻開始，艾菲已有預感燒腩仔會有offer。

因為網上見到的有關學校comment都很一般，多是指學校行政安排混亂之類（而我哋去interview時都親身證實咗佢哋真係幾亂），再加上他們的K1-K3都只得全日班（我哋唔係咁想燒腩仔讀全日班咁辛苦），就算PN收了燒腩仔我們都要再籌謀K1轉校事宜，所以有一刻都想過放棄interview，但見學校都算就近我們家（大概二十分鐘左右就行到），為了給大家一個機會當然最終都出席了。



由於已經踏入夏天天氣相當熱，我們又只是抱著即管一試的心態去interview，所以今次沒有出動戰衣， 只是hea穿T-shirt長褲而已（大家千祈唔好誤會學校有咁大，相入面只係我哋in完之後帶燒腩仔去公園玩），到達後先跟其他家長一起在學校大堂呆等（完全無人話你知等幾耐同之後會做咩，凳亦都唔多張畀家長坐），好不容易才等到夠鐘可以進課室interview，老師主要都是跟艾菲了解燒腩仔的日常生活習慣，是否懂得表達如廁需要，能否自行進食，有沒有跟其他小朋友相處，能否自行入睡等，燒腩仔則坐在旁邊跟米高玩玩具。

睇龍舟＠大埔海濱公園

事隔兩星期之後，終於有時間回顧端午節當天帶燒腩仔睇龍舟的盛況（其實呢排真係儲咗好多blog想出都無時間寫，希望佢哋最終唔會變成爛尾blog啦﹗），以往放假不到十二點都不願起床的艾菲，多年來說過無數次睇龍舟最終都只是看電視直播，今年居然在超熱和爆曬的天氣下帶了燒腩仔去睇龍舟，艾菲實在不得不送個「叻」給自己和米高呢﹗

其實睇龍舟是在端午節前幾天艾菲才臨時加插出來的節目，事源燒腩仔舅父最近比較忙，一直安排不到一晚時間出來做節食飯，艾菲為免燒腩仔婆婆有微言，便主動提出可以在正日當天中午回大埔娘家食飯做節，那麼既然都要一早起床回大埔做節，就不如再早一點帶燒腩仔到大埔海濱公園睇龍舟感受一下節日氣氛啦﹗



當艾菲提出睇龍舟的建議時，連續幾天假都沒好好休息過的米高明顯有點不情願，只是冷冷的回應一句「你起到身先講啦」，但為了燒腩仔可以見識到一年一度的龍舟比賽，艾菲再貪睡都不敢賴床一早爬起身準備，結果米高便無奈地忍耐著大汗疊細汗來陪太子讀書，幸好燒腩仔反應超級好，不停指著龍舟大叫「船船」，見到一隻隻龍舟在他面前經過即表現hyper，身為人肉大cushion的米高應該覺得自己的付出是值得的﹗

試用：噓噓樂透氣輕柔紙尿片

燒腩仔已經夠20個月大，亦都識得表達如廁需要，去廁所poo poo完全無問題，本來打算今年夏天開始同佢戒片，點知教佢去廁所VV原來難過poo poo好多，試咗兩星期艾菲已經大叫投降，唯有繼續同佢著片直至佢ready為止，但大家都明每塊片都係錢，作為父母點都想慳得一蚊得一蚊，好彩最近收到噓噓樂嘅尿片試用幫補吓，艾菲就一於試吓佢到底抵唔抵用啦﹗



艾菲記得好多年前都聽過噓噓樂呢個名，但一直都無見過佢嘅真身，原來佢係台灣牌子來，香港可以買到佢嘅M，L，XL同XXL碼片，而價錢比起燒腩仔用開嘅日本片同某大品牌嘅片都要平。



不過幫小朋友揀尿片，除咗價錢相宜之外，質素都係好重要嘅，噓噓樂獨有C型動感透氣腰圍夠貼身，又有尿濕顯示，而打開之後最impress艾菲係片中間有塊藍色嘅超薄乾爽吸收體，摸上去都好柔軟舒服。

小小農夫

艾菲向來都喜歡花，奈何對種植一竅不通，更如宿命般「種乜死乜」，連仙人掌都可以死於艾菲手上，所以我們家基本上是絕少出現植物的，頂多新年時會放盤燒腩仔公公親手種的水仙，以及在花墟買的折枝年花，不過最近卻有點「pat pat痕」想教燒腩仔何謂種植，讓他感受植物生長過程的奇妙，正好屋苑最近舉行廚餘回收計劃，參加主戶可在指定區域內種植一棵植物，想也沒想的便參加了。



原先還以為種的只是一盤小花，去到簡介會才知是種粟米，wow...燒腩仔近期至愛呀﹗Like﹗艾菲首先根據導師的指示翻土和將幼苗放進泥土裡，然後便由燒腩仔將我們的小牌插進去，最後教他幫手淋水即大功告成﹗

20個月

YEAH！我終於都2字頭，有20個月大啦﹗不過媽媽呢排都比較忙，唔係出咗去整佢自己D嘢，就係帶咗我出去玩，所以呢篇20個月大嘅blog都搞到遲咗兩日先出到街囉﹗



講返呢個月嘅飲食狀況先，由上個月開始已經變咗一日四餐戒咗夜晚臨瞓前枝奶，早餐就用飲管杯飲七安奶加其他包餅或者cereal同糊仔咁，午餐晚餐就自己坐定定食晒一碗半大人碗既飯餸，下午茶就食零食加水果，開始會揀食物食，講咗要A就死都唔肯要B，有時仲會只撩D餸食唔願食飯。

2014美語嘉年華

身為香港媽媽，當然無可能不知道甚麼是迪士尼美語世界啦﹗之前去BB展和參加媽媽會，再加上去年有次在商場遇著prmotion填資料，都分別拿了幾隻不同的試用DVD，平日拿來給燒腩仔無聊時看，他的飲歌《ABC》就是這樣學回來，然後早兩星期忽然收到它們的email，邀請艾菲以體驗價$20一張門票，出席它們的2014美語嘉年華看一齣英語歌舞劇，正好艾菲一直想帶燒腩仔去看歌舞劇或音樂會，又怕他不喜歡會浪費了百多元一張的門票，一於襯這個機會試試他的反應吧﹗



嘉年華正好在端午節long weekend期間舉行，為遷就燒腩仔的午睡時間，我們特別選了星期日朝早那場，出發前先去食早餐醫肚，有個八卦小朋友為了可以聽到對面枱的三個男生討論打機情報，居然跟艾菲說要繼續坐BB車不跟我們坐，但見米高拿著餐盤回來知有份食，即又急急坐進high chair等食pancake﹗;P



準時抵達現場，艾菲換了門票便立即帶他進去，好讓他及早適應環境warm up一下嘛，每名小朋友進場時都獲分派一個沙槌，場內已經播放著一些聽慣聽熟的歌，有部分主角在台上say hi後更會走到台下跟小朋友簽名和拍照留念，對於慢熱的燒腩仔來說，這些當然是零興趣，他肯一個人坐定定等開show已經表現很好。

阿媽唔易做...

睇到呢單新聞，艾菲真係好shock同好sad，雖然明白產後抑鬱有幾恐怖，都係好難相信有阿媽會忍心殺咗自己個小朋友，仲要係個只得歲半大嘅可愛BB女，可以想像呢個媽媽呢段日子以來一定係撐得好辛苦，好希望佢接受治療之後能夠康復，同個仔一齊堅強面對以後嘅一切...

可能燒腩仔都係歲半大，所以艾菲特別感觸， 亦咁啱燒腩仔尋日先無端端為咗條新浴巾喊咗成個鐘，叫極都唔肯收聲仲抓到成身損晒，再加上艾菲呢幾日病病地，畀佢嘈到個頭超級痛，真係有一吓情緒幾乎崩潰，不過艾菲最終只係自己坐咗係梳化到喊咗一陣，一諗起佢唔扭計時係幾咁可愛就唔捨得做傻事啦。

做全職媽媽廿四小時對住小朋友，好多時開心唔開心都會受到小朋友影響，如果再加埋其他負面嘅外在因素，例如父妻感情唔好，或者經濟有問題咁，真係好容易鑽牛角尖，所以艾菲呢年幾以來就算幾攰都好，都好堅持每日要抽返D時間出來做自己想做嘅嘢來平衡吓，例如整包整蛋糕，睇吓myTV，寫吓blog，上網淘吓寶，簡中都會搵婆婆或者嫲嫲幫手湊住燒腩仔，自己出去處理D私務順便透吓氣，至少令自己嘅生活唔會只係變到得返湊仔做家務同瞓覺咁枯燥乏味。

夏水禮＠2014

一連幾星期的下雨天後，就是熱到爆炸的大晴天，最好當然是去游水消暑啦，但去年試過星期六帶燒腩仔去清水灣，多人到沖身都要大排長龍，艾菲實在不想再在公眾假期去沙灘或泳池跟人逼，碰巧米高在做兄弟後那天請了半天假，艾菲就超級殘忍地拉了他陪燒腩仔進行本年度的夏水禮（好明顯佢放假係想瞓吓抖吓，結果畀艾菲捉咗去勞役囉...）﹗



決定去游水後便立即從櫃桶底找回燒腩仔的泳衣出來，去年的泳衣和用剩的游水片到今年穿仍然相當good fit，只是泳衣上的熨印圖案有部份像要掉出來般，但慳媽艾菲完全不打算給他買新，因為這些圖案沒有影響泳衣的功能，而且一件泳衣可以穿兩年的感覺實在是超值嘛﹗

魔鬼與天使

雖然剛過去的端午節長假期節目異常地豐富，但艾菲還是想先date back一星期前的事，因為之前在《Trouble 2事件簿》內爆了燒腩仔的醜事，都想記低他天使的一面來平衡一下，因為接下來要說的事，是連米高都覺得很amazing，我倆事後都超懷疑這個小朋友到底是否平日在家惡形惡相的燒腩仔﹗

話說前一個星期日，正是伴郎先生的大好日子，米高當然是晨早出發幫忙做兄弟，艾菲就和燒腩仔兩個獨留在家，留待傍晚時份才出發去酒店，碰巧當天艾菲整晚眼光光望天光都沒睡好過，在精神相當之差的情況下，遇上食飽早餐即病發「摞地」的燒腩仔，艾菲完全是招架不住不夠他來，唯有軟攤在梳化上一直跟米高Whatsapp，不停update燒腩仔的瘋狂狀況。

好不容易，跟這隻魔鬼化身的燒腩仔洗澡和食飯再要他提早午睡，一心想襯這個空檔時間休息和打扮一下，怎料他睡了一小時左右便醒過來吵著不肯再睡（平日係屋企瞓晏覺閒閒地都瞓兩三個鐘㗎喎...），為免再多生事端艾菲也懶得跟他糾纏，唯有快手在超混亂的情況下換衫化妝，然後提早帶他去酒店會合米高，順便見證伴郎先生的證婚儀式（本來諗住佢瞓覺就唔咁早去怕佢會發癲）。