睇龍舟＠大埔海濱公園

事隔兩星期之後，終於有時間回顧端午節當天帶燒腩仔睇龍舟的盛況（其實呢排真係儲咗好多blog想出都無時間寫，希望佢哋最終唔會變成爛尾blog啦﹗），以往放假不到十二點都不願起床的艾菲，多年來說過無數次睇龍舟最終都只是看電視直播，今年居然在超熱和爆曬的天氣下帶了燒腩仔去睇龍舟，艾菲實在不得不送個「叻」給自己和米高呢﹗

其實睇龍舟是在端午節前幾天艾菲才臨時加插出來的節目，事源燒腩仔舅父最近比較忙，一直安排不到一晚時間出來做節食飯，艾菲為免燒腩仔婆婆有微言，便主動提出可以在正日當天中午回大埔娘家食飯做節，那麼既然都要一早起床回大埔做節，就不如再早一點帶燒腩仔到大埔海濱公園睇龍舟感受一下節日氣氛啦﹗



當艾菲提出睇龍舟的建議時，連續幾天假都沒好好休息過的米高明顯有點不情願，只是冷冷的回應一句「你起到身先講啦」，但為了燒腩仔可以見識到一年一度的龍舟比賽，艾菲再貪睡都不敢賴床一早爬起身準備，結果米高便無奈地忍耐著大汗疊細汗來陪太子讀書，幸好燒腩仔反應超級好，不停指著龍舟大叫「船船」，見到一隻隻龍舟在他面前經過即表現hyper，身為人肉大cushion的米高應該覺得自己的付出是值得的﹗

 

由於當天天氣實在太好，再加上各場龍舟比賽都是大同小異，我們看了兩場左右便收隊離場，為免米高太辛苦，艾菲都相當識趣地在離開時用盡方法哄燒腩仔自己行，最終他更自己跑了一整段緩跑徑呢﹗



燒腩仔：等我做定熱身先﹗



燒腩仔：跑呀﹗衝呀﹗



燒腩仔：最近D天氣咁熱，大家去戶外玩記得要定時補充返足夠水份呀﹗



難得帶了燒腩仔來大埔海濱公園，又有帶相機同行，當然要帶他四處逛逛和拍照啦﹗回歸塔是大埔海濱公園的地標，不過上塔也只是看風景，所以我們只是路過下面的小食亭買了枝寶礦力就離開。



沒帶野餐墊又沒有泡泡在身，所以沒有過去我們想當日影pre-wedding的草地玩，但就帶了燒腩仔過來這個想當年艾菲影畢業相的大廣場，這個小朋友原先走來走去完全不肯坐定，艾菲最後唯有出動剛買的寶礦力才成功將他收服，不過拍出來的照片就有點像賣廣告囉... >.<



燒腩仔的happy face最近都變成了單手，感覺有點騎呢...kakaka...



離開前見大家反正都已經熱得全身濕透，順路帶燒腩仔去遊樂場多玩一會兒，將他身上僅餘的電都放掉。



好不容易終於成功讓他鼓起勇氣爬這些梯上去，又他自從克服了害怕滑梯的心理障礙之後越來越大膽，就連這些旋轉型滑梯都完全不怕了﹗GOOD﹗