不過五月尾時卻忽然收到一間報了名，但講明要等小朋友滿歲半才進行interview的學校來信，約我們在燒腩仔20個月大當天進行interview，由於之前都問過學校，亦上網看過其他媽媽的comment，知道如果學校已經收齊了大B的話，基本上細B連interview的機會都不會有，他們會自動將PN的報名表轉到第二年直接約見K1，所以由收信那刻開始，艾菲已有預感燒腩仔會有offer。
因為網上見到的有關學校comment都很一般，多是指學校行政安排混亂之類（而我哋去interview時都親身證實咗佢哋真係幾亂），再加上他們的K1-K3都只得全日班（我哋唔係咁想燒腩仔讀全日班咁辛苦），就算PN收了燒腩仔我們都要再籌謀K1轉校事宜，所以有一刻都想過放棄interview，但見學校都算就近我們家（大概二十分鐘左右就行到），為了給大家一個機會當然最終都出席了。
由於已經踏入夏天天氣相當熱，我們又只是抱著即管一試的心態去interview，所以今次沒有出動戰衣， 只是hea穿T-shirt長褲而已（大家千祈唔好誤會學校有咁大，相入面只係我哋in完之後帶燒腩仔去公園玩），到達後先跟其他家長一起在學校大堂呆等（完全無人話你知等幾耐同之後會做咩，凳亦都唔多張畀家長坐），好不容易才等到夠鐘可以進課室interview，老師主要都是跟艾菲了解燒腩仔的日常生活習慣，是否懂得表達如廁需要，能否自行進食，有沒有跟其他小朋友相處，能否自行入睡等，燒腩仔則坐在旁邊跟米高玩玩具。
後來老師都有嘗試跟燒腩仔溝通，只是簡單叫他say hi和吩咐他將玩具收好再拿另一件玩具回來玩，幸好燒腩仔最近已經不再怕陌生人，只是一直不肯開金口跟老師說早晨，但勝在有甜美的笑容搭夠，要他跟老師握手都願意，收玩具時不小心掉了在地上還懂得偷偷望過來看著艾菲和老師笑，哄得老師大叫他可愛，還問艾菲他是否文靜型呢﹗（艾菲一直覺得燒腩仔係個戲子來，第時出去呃D無知少女絕對無難度﹗）
跟老師聊了大概十分鐘左右，interview就突然結束（本來老師話要等同校長再傾吓，但校長同另一對家長講完就走咗喎，於是我哋都無再等佢自己走咗），離開前問另一位老師何時會有結果，她居然答艾菲兩個月左右（吓？兩個月咪即係八月？唔係就開學啦咩？）﹗結果兩天後艾菲已經收到學校電話，問艾菲會否考慮接受PM的offer（我哋原先揀AM，不過學校話已經full咗，waiting條隊都好長應該唔會等到）。
過幾天以後便收到這封正式取錄信叫我們交留位費和出席新生家長會，基於艾菲向來覺得燒腩仔有艾菲全天候照顧，根本沒有讀N班的需要，亦實在捨不得要他滿兩歲即去上學（學校要佢生日後第二日就返學呀），再加上只是PM的offer，學校又不見得有任何過人之處，收到offer的頭一天還是打算放棄的，但跟米高和其他親友商量過後，才發現大家都一致贊成燒腩仔去讀書，完全沒有人支持艾菲放棄的想法。
有朋友說返N班抱著帶小朋友上playgroup的心態就可以，重點是返N班的學費怎計都較playgroup化算，而N班另一好處是可以幫小朋友盡快戒片，上過N班習慣了學校上課模式後升K1都不會那麼辛苦，但成功令艾菲改變初衷的還是燒腩仔婆婆的一番話，她說燒腩仔是個相當聰明的小朋友（連幼潛老師都係咁講，仲話佢嘅行為問題都係因為太醒覺得自己已經乜都識先會出現） ，困在家裡對著艾菲不如讓他出去見識更多無謂浪費他的天資，再加上他的性格是需要出去受過挫折才知道爸媽好的那種，難得一班十二、三人都讓老師選中他就是天意要他去上學，後來發現連米高都想燒腩仔一試，亦想艾菲每天有些時間休息揣氣，所以艾菲便決定順應民意，交留位費confirm學位。
交留位費前的某天早上，艾菲再次確認燒腩仔的想法：
艾菲：你返唔返學呀？
燒腩仔：返學﹗
艾菲：讀書喎？
燒腩仔：讀！讀！讀！（狂點頭）
艾菲：真唔真㗎？
燒腩仔：真！
其實艾菲問了他不止十次，他每次的答案都是很確定的「讀」和「返學」，或者艾菲真的不應該如此自私，單純只為自己捨不得而扼殺了讓他去讀書的機會，學會放手可是為人媽媽要學的一大課題呀﹗望著他這副熱愛返學的模樣，艾菲就深信到他正式上學時，哭的一定不是他而是艾菲（平日艾菲有事要自己出街，佢都係一D唔捨得都無，只有艾菲自己唔捨得到唔願出門口>.<）﹗但願到他長大了想逃學的時候，還會記得想當日很堅定地說要上學的是他自己啦﹗
沒有留言:
張貼留言