唔知大家仲記唔記得艾菲提過燒腩仔有個伍餐肉哥哥（即Monchhichi）呢？由於燒腩仔爸爸米高實在太似Monchhichi（艾菲D朋友個個都話佢似），所以艾菲想當日就愛屋及烏鐘意埋Monchhichi，之前睇雜誌見東港城有Monchhichi聖誕佈置已經好想帶燒腩仔去探「哥哥」，但要等埋前排忙到一頭煙嘅米高，一拖再拖就等到啱啱個星期日先成行。
講明係去探「哥哥」又點可以乜都唔帶呢？艾菲專登帶埋伍餐肉哥哥頂Monchhichi帽出發﹗:P
艾菲：燒腩Monchhichi，are you ready?
燒腩仔：大家好...我係真人版Monchhichi呀﹗
燒腩仔：我哋呢個O咀係唔係好似樣呢？
燒腩仔：等我暱埋係堆Monchhichi到等你哋搵我唔到先﹗
燒腩仔：唔...我覺得自己好似做咗電燈膽咁囉...
燒腩仔：大個做畫家？咪講笑啦﹗
現場其實仲有好多隻Monchhichi，全部造形都好可愛㗎，不過燒腩仔呢隻真人版Monchhichi實在走得太快，兼影到後期有D扭眼瞓同肚餓，艾菲唯有放棄無逼佢影落去，大家今次就睇住咁多先啦﹗
東港城都唔算太多人...影得幾舒服, 小B當日睇到唔願走添啵~
回覆刪除哈哈...我反而係自己睇到唔捨得走呀﹗
刪除比起海港城，東港城真係舒服好多，都有唔少人係到影相，但唔會好似海港城咁逼到行又行唔到影又影唔到
燒腩仔戴住頂帽好可愛呀, 佢又肯戴o既?
回覆刪除嘻...有無留意到佢手上拎住舊黑色物體？呢個就係令佢肯乖乖戴住頂帽影相嘅秘密啦﹗
刪除我哋係屋企同佢試咗好多次，只要畀D佢有興趣嘅嘢拎起手玩或者畀嘢佢食，佢就即刻唔記得自已戴咗帽好合作，咁啱佢又好like我個相機蓋，我就畀佢拎住來玩咗一陣啦﹗
頂帽好得意呀~~ EE見到想搣下你
回覆刪除搭咀 : 小檬之前都唔肯戴架，不停好浮誇咁讚佢靚仔就肯喇。。試吓得唔得
刪除燒腩仔到宜家都唔鐘意戴帽㗎，一戴落去九杪九就扯甩佢，但之前去影相時攝影師教我哋畀嘢佢食來分散注意，之後發現畀D佢有興趣嘅嘢佢拎來玩都work，於是我就畀咗個相機蓋佢拎住來影相啦﹗
刪除哈哈。。。好得意呀
回覆刪除嘻...我儲心積累咁要佢戴呢頂帽影相好耐㗎啦﹗
刪除咁Q我星期日都去左影！
回覆刪除我六點幾七點先去，影完就即閃，你哋幾點呀？
刪除我兩點幾去影！龍BB無得同燒腩仔相遇！！
刪除唔緊要啦，來緊都好快會見，到時又可以一齊玩啦﹗
刪除燒腩仔戴埋Monchhichi帽勁得意呀！
回覆刪除識行嘅小朋友，真係好難影到佢自己一個企定定響公仔前 XD
所以自己一個一定同唔到佢影靚相，至少要同老公一齊，一個負責陪跑捉仔一個set定機狂影先得
刪除嘩~~~戴咗頂Monchhichi帽真係勁可愛,一定迷死唔少女仔!!
回覆刪除燒腩仔真係好乖,肯戴帽,我一同妹豬戴,佢已經自己扯番落嚟
我係用個相機蓋利誘佢先肯戴住頂帽影㗎﹗
刪除之前影相時攝影師教用食物分散佢注意力，等佢顧住食唔記得咗自己戴緊帽，最近發現畀D佢有興趣搞嘅玩具都work，最緊要一戴完帽就塞啲玩具係佢兩隻手，咁就唔得閒兼無手扯返落來啦﹗
好可愛呀！我都諗緊佢拎住乜，原來係相機蓋！
回覆刪除哈...佢真係拎到實一實，影完相都唔肯放手畀返我
刪除