媽媽的新玩具

自燒腩仔出世之後，艾菲都很久很久沒買過東西給自己了，每次逛街逛淘寶買的都是給燒腩仔的物品，自己那份省得就省連衫都少買，但不知是怎樣挑起的根，今年四月時忽然很有衝動買部麵包機回來，自己在家做麵包吃，沒防腐劑沒化學物料又可以讓燒腩仔食，於是上網仔細搜尋資料逐款研究，最終瑣定panasonic的台版105T。

格價後跟米高商量，得到的答案當然是「No」啦﹗因為只得台版要買水貨無保養，還要拖一隻大火牛，二千多元的價錢，已經夠他食一年多麵包，對他來說絕對不值（D男人硬係唔明女人整完麵包出來個成功感唔係用錢可以計㗎囉），那麼艾菲唯有死心塌地，給自己半年時間等這部機返行貨（因為艾菲真係心意已決非P仔唔要）。

好不容易，終於在九月尾時知道這部機在香港出行貨，型號是SD-PM105，但一看其功能發現又是閹割版，說是新機卻只得19個功能（仲少過台灣D舊機），最重要是不能選擇只焗半磅（一家三口成磅麵包有時真係食唔晒），即時十五十六不知要不要回歸水貨懷抱，最後在米高力勸下還是決定買行貨（佢都知無可能勸艾菲唔買，所以只係勸艾菲買比較安全嘅行貨）。



在燒腩仔姨媽的協助下用panasonic員工價$1800買（街賣正價係$2380，格價網最平都$2000），不包送貨但送兩盒預拌粉（至衰miss咗$1600包送貨嘅員工優惠，唔係就更加抵），十月頭已經到艾菲的家，艾菲事前還特意跑到citysuper買了這個麵包切割器，短短一個月已經不知開了多少機了﹗只是其中一次酵母已死而失敗，其餘全部都很成功（只係部分比較樣衰但依然好味），總之這部機就是有買遲無買錯﹗自家製麵包真是very good呀﹗

第一機用跟機預拌粉焗了丹麥麵包，超香超鬆軟超好味﹗

 第二機想試自動投乾果功能，於是焗了這個合桃軟包，結果是大成功呢﹗

見麵包機一切運作正常便開始試新包，今次手動放入高溶點芝士，再放parmesan cheese在面，然後一磅double cheese bread就此出爐，拍得住美心那個芝士麵包的呀﹗

見跟機食譜教用果汁做麵包艾菲又試試看，用蕃茄汁和炒香洋葱焗了這個蕃茄洋葱包，放材料時再加少許胡椒和香草，焗的時候已經有很香的pizza味，讚﹗

 用蕃薯蓉和芝麻做的芝麻甜薯軟包，因為聽從跟機食譜指示只放了少許蕃薯蓉，結果麵包只有芝麻味，well...有點失望﹗

 麵包機除了可以焗麵包，還可以搓pizza麵糰，以前因為懶搓皮所以很久才會homemade一次pizza，現在有麵包機就可以叫它搓好放冰箱做存貨了，不過第一次焗就因為芝士焗不溶而焗到材料濃了有點樣衰﹗

菲爸菲媽不知那裡變出來的榮華月餅蓮蓉，忽發奇想拿來焗包，用菠蘿包mode在15分鐘內將餡料包入，但艾菲忘記將蓮蓉解凍再加上技術強差人意，結果製成品是超樣衰...

 

 再一次挑戰甜薯麵包，今次換了蕃薯粒做餡，但依然食不到蕃薯味，再加上朋友說就算用蕃薯糖水焗都只得薑味，唯有暫時放棄。

 

試過pizza mode之後當然要試蛋糕mode，焗了之前米高激讚的莎莉蛋糕，不過因為艾菲將全部材料一次過放進麵包機就開機焗，所以出來口感跟自己焗的差很遠呀﹗

忽然想起山崎那款一層層的咖啡麵包，於是上網研究自製咖啡抹醬，再用菠蘿包mode塗抹醬入內，今次還用了新包法，終於成功做出大理石花紋﹗

 難得家裡有剩米，於是用南瓜蓉做了這個南瓜米麵包，口感果然是特別煙韌，不過麵包不可放太長時間，到第三天已經變壞﹗

一直想試做全麥麵包，於是吩咐米高替艾菲到二德惠買包全麥麵粉回來，然後用跟機食譜高筋粉和麥粉1:1的比例焗了這個杏脯全麥麵包，又健康又好味﹗

上次莎莉蛋糕不太成功，於是想多焗一次來試試看，結果焗了這個超香的香橙磅蛋糕出來，今次參考了《百變麵包機》的食譜，在頭十五分鐘手動逐樣落材料，出來口感真是好很多呢﹗

接下來的目標：

1. Jam

2. 肉鬆

3. 烏冬

艾菲一定會繼續善用這部麵包機，不會被人看扁「玩唔耐」的﹗