今次試用活動，除咗有兩包男仔大碼學習褲之外，仲有Huggies好出名嘅加厚嬰兒濕紙巾小熊維尼盒裝同補充裝，另外仲有一pack三包輕便裝柔潤濕紙巾，超讚呀﹗
燒腩仔已經13個月大，來緊呢個夏天就要正式開始戒片，而佢六個月大時艾菲已經開始同佢進行potty training，雖然經過半年嘅特訓之後，已經成功令佢絕大部分時間都係坐potty先痾便便，不過間中都有失手嘅時候，所以Huggies學習褲除咗可以畀燒腩仔當自己著緊底褲仔咁自己除自己著之外，佢獨有嘅魔術貼邊就可以方便艾菲好似換片咁換咗D有便便嘅學習褲出來，咁就唔怕打直除落來，又或者夾硬扯爛條學習褲時D便便有機會跌出來咁污糟啦﹗
小朋友由識得爬開始就無時停，而馬騮托世嘅燒腩仔就日日係屋企擒來擒去，好多時同佢換完條片都未趕得切著返條褲，佢已經九秒九爬咗上梳化搞搞震，好彩Huggies學習褲有透氣超彈腰圍，燒腩仔著住佢點郁都唔會箍住大脾仔而唔舒服，而且佢係吸尿呢方面都好似尿片咁強，so far燒腩仔用咗咁耐都未試過漏尿同pat pat紅，所以艾菲都好放心畀燒腩仔繼續用落去呢﹗
嘩嘩嘩...我好想咬佢隻大脾呀~~~~~~~
回覆刪除哈哈...佢隻肥脾真係好誘人㗎﹗快D埋來咬多幾啖啦﹗
刪除留番一邊脾脾比我咬呀唔該~
刪除呢次試用好抵喎!!!
隨便慢慢咬﹗wakaka﹗
刪除真係好抵好吸引，所以抽到真係好開心呀﹗
原來六個月大時都可以potty training, 我諗我都係時候要開始！
回覆刪除有D老人家話兩個月已經可以，我就等到佢識坐同我返屋企做FTM比較多時間先開始，不過有D人又話咁早train對佢心智發育唔好，但我就覺得最緊要睇吓佢有無便便意識（燒腩仔好細個去便便時已經會自己「唔唔」聲），同埋抱住痾唔痾到都唔緊要嘅心態唔好夾硬逼佢，最重要係成功之後一定要好誇張咁大讚佢﹗
回覆刪除我仲未俾過學習褲佢用，係唔係方便好多?
回覆刪除我覺得都OK，有時佢唔肯瞓低換片時可以企係到著，而且可以等佢快D有著底褲仔嘅concept
刪除燒腩仔企得咁誘惑，我都好想咬下燒腩脾呀 ^^
回覆刪除用學習褲真係方便好多，出街一定用佢，不過我地響屋企仲係用片，有時要同肚B博鬥一番先著 到片 XD
埋來咬啦﹗埋來咬啦﹗
刪除佢哋越大越有主見，宜家換片真係高難度動作來，特別係條片有便便時，要乾乾淨淨咁換到片就要好似打仗咁﹗
妹豬有無用學習褲,不過唔知係咪佢著唔好,攪到成日漏尿
回覆刪除會唔會無撩返實大脾側邊？燒腩仔用咗咁耐都無事喎
刪除