MaMa Mia嬰兒座椅帶試用之決戰high chiar

星期日傍晚離開赤柱之後，我哋就去咗太古城行街，諗住食飯兼行吓AEON同Apita（貪佢比其他同集團分店多嘢買），見CoCo壹番屋唔太多人等位就決定食呢間，其實我哋平日間中都會幫襯CoCo，因為食物質素OK，而且又有high chair同BB餐具提供。

CoCo提供嘅high chair係可以摺埋嘅木凳款來，之前幾次畀燒腩仔坐都OK，所以艾菲本來都無打算拎MaMa Mia條嬰兒座椅帶出來用，點知碗飯都未食到一半就已經出事，因為呢款high chair係無安全扣扣實，呢隻馬騮托世嘅燒腩仔，居然食食吓自己企咗上張凳到﹗

呢個情況當然係好危險啦，艾菲同米高即時將燒腩仔拉低坐返落張凳到，起初都叫做乖乖地繼續食，但作反嘅嘢試得一次梗有第二次，食咗一陣之後佢又意圖企起身，我哋嘗試再拉返低佢，但佢已經開始扭計完全唔肯合作...



咁嘅情況下我哋唯有抱起燒腩仔，然後request換返張正常大人凳，跟手艾菲就拎返MaMa Mia條座椅帶出來，扣好之後就放佢落去坐，起初佢都唔多肯，但氹多兩氹又無問題喎，真係即時鬆一口氣﹗



裝緊乜？咪就係裝坐佢對面嘅米高囉﹗放咗佢落條座椅帶到之後，佢都有嘗試過想掙扎出來，不過因為腳仔位兩邊有扣扣實，所以都無咁容易畀佢走到出來﹗但真係要睇實同盡量要佢坐返好，否則都係會有機可剩成功走佬﹗



間間餐廳D凳都唔同闊度，有D窄D有D闊D，而CoCo呢張就算係比較闊身，但對於MaMa Mia條座椅帶來講都完全無問題，只要輕輕拉兩邊嘅帶就可以輕鬆調較鬆緊，好似艾菲今次呢D危急關頭都唔怕搞太耐而令BB發炆扭計呢﹗

MaMa Mia嬰兒座椅帶試用之實戰情況
MaMa Mia嬰兒座椅帶試用之點樣用

～～～～～～～～～～

Mamamia以實惠價錢提供一系列高質素母嬰用品，現於全線荷花親子店、新都城百貨公司、爸媽部落等各大商店火熱發售。 
http://www.facebook.com/mmm.hkg
查詢電話&電郵: 3520 2026 / sales@parakeet.com.hk
更多分享: www.Yes-Parents.com / http://www.facebook.com/YesParents