MaMa Mia X型揹帶試用之實戰情況

上次介紹咗X型揹帶到底係點用之後，今次就輪到講吓用佢揹燒腩仔出街嘅實戰情況啦﹗

艾菲之前都講過，每次自己一個帶燒腩仔出街都一定要用揹帶唔可以用BB車，但屋企條Eightex 5 ways揹帶用到燒腩仔六個月大時，艾菲已經唔多頂得住，行唔夠一個鐘膊頭已經好攰要坐低抖一抖，後來淘咗條free size嘅X型揹帶，叫做暫時解決咗呢個問題，但用吓用吓隨住燒腩仔越來越重，唔知點解就開始揹到佢跌咗落去唔係貼住艾菲心口，有時仲會好似就跌出來咁，艾菲揹住燒腩仔又較唔返緊個扣，所以膊頭痛嘅問題又再返來，本來艾菲都打算放棄用揹帶，考慮緊係唔係要換過架摺得埋同輕身嘅士的車來代替揹帶，點知試完Ma Ma Mia條X型揹帶，艾菲即刻打消買BB車嘅念頭。



X型揹帶只係得一塊布完全無扣，而呢塊布只係重249g，仲輕過一盒250ml檸檬茶﹗佢本身設計係好貼身，燒腩仔揹咗上去之後會貼住艾菲心口，一定唔會好似free size那種X型揹帶咁，因為小朋友重而令到個扣鬆，揹到個小朋友跌咗落去，亦搞到揹帶承受重量嘅位置唔同咗，所以就算燒腩仔宜家已經有22磅重，艾菲揹佢出街都明顯無之前咁辛苦，揹住佢行幾個鐘街都仲叫做頂得住。



隨住小朋友越來越大個，佢哋嘅好奇心亦越來越旺盛，所以可以畀佢哋向前望嘅話一定會好開心，燒腩仔就係一個最佳例子，每次向前揹佢都會超興奮咁踢晒腳，不過之前條free size X型揹帶實在太鬆，揹到佢個人好似就跌出來咁，所以艾菲都唔多敢畀佢向前揹，就算真係要揹都要用手攬實佢，伹宜家用Ma Ma Mia呢條X型揹帶艾菲就唔怕啦，因為燒腩仔個身一定貼實艾菲，條揹帶又包到去佢心口位咁滯，感覺係穩陣同可靠好多﹗



不過得艾菲自己同燒腩仔出街嘅時候，艾菲始終鐘意面對面咁揹，一來望到燒腩仔做緊咩又可以同佢面對面傾偈，二來佢無咁多嘢睇會乖D定D無咁難搞，特別係要氹佢瞓晏覺時，咁樣揹住佢邊行邊氹，佢分分鐘仲瞓得快過平日抱住佢來氹，而且一定會瞓得好過就咁抱住瞓添﹗

Ma Ma Mia X型揹帶試用之點樣用

～～～～～～～～～～

Mamamia以實惠價錢提供一系列高質素母嬰用品，現於全線荷花親子店、新都城百貨公司、爸媽部落等各大商店火熱發售。 
http://www.facebook.com/mmm.hkg
查詢電話&電郵: 3520 2026 / sales@parakeet.com.hk
更多分享: www.Yes-Parents.com / http://www.facebook.com/YesParents