MaMa Mia嬰兒座椅帶試用之實戰情況

雖然艾菲係個FTM，但都唔代表會餐餐係屋企自己煮，我哋一星期總有幾晚出街食，所以燒腩仔都一早習慣同我哋出街食飯（佢當然係食BB飯啦），以前佢只係飲奶我哋抱住佢食唔要BB凳都OK，但佢開始食嘢之後艾菲就一定會request多個位畀佢方便我哋餵佢，但香港D餐廳唔係間間都有BB凳，有D就算有都只係就咁加上大人凳，只要佢稍為郁一郁都有機會跌落來，所以嬰兒座椅帶對艾菲來講係出街食飯嘅必需品。



做過媽媽嘅都知帶小朋友出街有幾多嘢要帶啦﹗每次帶燒腩仔出街食飯，除咗尿片濕紙巾之外仲要帶飯壺，餐具，口水肩同水杯，個媽媽袋一定塞到爆咁滯，所以嬰兒座椅帶夠輕身同摺得細真係好緊要，MaMa Mia呢條嬰兒座椅帶就可以摺到好似一包細濕紙巾咁細，超方便呢﹗



之前都提過，MaMa Mia呢條嬰兒座椅帶只需要扣三個扣就用到，唔似totseat一定要套落椅背先用到，就以燒腩仔係相入面坐緊呢款椅背突出來嘅凳為例，用totseat嘅話一定套唔入要問侍應有無得換過第二款凳先掂，但用MaMa Mia呢條就完全無問題，先將大扣扣實椅背再放燒腩仔落去，扣埋兩邊嘅細扣仔就搞掂﹗



就算餐廳有BB凳提供都未必穩陣，呢種舊式嘅BB凳就咁加上大人凳上面又無扣扣實，如果就咁放燒腩仔上去，佢稍為擰轉身望後面或者突然企起身已經好危險，所以艾菲就會係上面再加條MaMa Mia嘅嬰兒座椅帶，將燒腩仔固定係張大人凳到，感覺安全好多﹗

上次只係講咗米高激讚呢條座椅帶好方便，今次就輪到講吓燒腩仔反應啦﹗就咁睇燒腩仔兩張試用相，個樣好似不情不願有D呆咁，大家可能以為佢唔多like呢條座椅帶，但實情係佢超鐘意呢條座椅帶呀（呆只係因為要等艾菲影相無得開餐住囉>.<）﹗一來條座椅帶顏色夠sharp，又有佢最愛嘅扣玩，而且呢條座椅帶只圍到上佢條腰，等佢用咗好似無用咁唔會箍實唔舒服，每次放佢落去都好合作一定唔會反抗。

MaMa Mia嬰兒座椅帶試用之點樣用

～～～～～～～～～～

Mamamia以實惠價錢提供一系列高質素母嬰用品，現於全線荷花親子店、新都城百貨公司、爸媽部落等各大商店火熱發售。 
http://www.facebook.com/mmm.hkg
查詢電話&電郵: 3520 2026 / sales@parakeet.com.hk
更多分享: www.Yes-Parents.com / http://www.facebook.com/YesParents