反轉圖書館

上星期五有些事要獨自帶燒腩仔過海走一轉，完成任務後又未到米高的放工時間，艾菲這個路盲要找地方hea又怕四處走會認不得路回家（基本上艾菲連係屋企附近都有機會盪失路），於是便決定帶燒腩仔坐電車去中央圖書館見識一下（至少艾菲實講到畀米高知我哋去咗邊）。



到達圖書館已是燒腩仔飲下午茶奶之時，艾菲立即上二樓問職員借育嬰室用，又想不到育嬰室環境都OK喎，有換片墊又有餵奶梳化和cushion（出街餵人奶最需要呢樣嘢），因為艾菲沿途揹著燒腩仔又拿著大包小包的實在累到手軟，再加上明知育嬰室每次只讓一個家庭使用不會有其他人騷擾，所以便很懶地開奶給燒腩仔自己躺在梳化上飲就算。



飲完奶本來應該要逼燒腩仔午睡一會兒的，但艾菲就心軟打算看看外邊的玩具圖書館有沒有後補位給他玩，結果是最近五點那節的後補位都排到31，即肯定沒有他玩的份兒啦，但職員說當晚七點有正選位問艾菲要不要，問過米高說他趕得及過來陪燒腩仔玩便跟他報名，但足足兩小時的時間，燒腩仔又不肯睡該怎辦呢？

基本上燒腩仔一到達兒童圖書館已經爆high，不停指著天花上的吊飾興奮地叫（呢排學識手指指），放他落地見到勁多圖書更是雙眼發光逐本伸手去摸，想帶他坐梳化講故事但他見到其他小朋友留低的圖書便即時失控狂掃，見到坐在傍邊的大哥哥大姐姐又大大聲尖叫意圖要人家跟他玩。

眼見燒腩仔越來越失控，為免艾菲被職員趕走，唯有立即將燒腩仔塞回揹帶，再用盡方法打暈他，終於在艾菲走上一層到成人圖書館，沒有熟悉的小朋友臉孔出現時，燒腩仔終於即時入睡，而艾菲就爭取時間看書，更被艾菲找到本DIY玩具和斷乳食譜的書呢（遲D有機會再分享）﹗



好不容易終於等到米高放工過來幫手，我們夠七點便立即帶燒腩仔去玩具圖書館玩，之前聽南瓜仔媽媽介紹過之後已經想帶燒腩仔去玩，館內有些遊戲設施給小朋友玩，亦有三歲以下鋪滿軟墊的專區，小朋友又可以跟職員借玩具玩，雖然地方不算大但放電的話還是可以的，碰巧今次遇到個13個月大的BB女一起玩，這個霸王燒腩仔居然一反常態專搶人家的玩具，O...他以前絕對不會這樣的（之前畀人推同搶嘢玩都仲騎騎笑），看來艾菲要回家努力教育一下他才行了﹗