山寨版cake smash

見波媽跟波哥玩cake smash好像很開心般，艾菲都心思思想跟燒腩仔玩，起初艾菲只打算用上次影相剩下來的微波爐叮蛋糕（一包有兩個），在上面加大堆cream便當是cake smash，亦順利用這個超hea方案令米高答應讓艾菲跟燒腩仔玩cake smash，但後來艾菲又pat pat痕起來，微波爐叮蛋糕實在太沒氣勢了﹗反正都是要玩何不盡情一點呢？於是把心一橫決定來個山寨版cake smash﹗

為了令米高不反對艾菲這個idea， 所以所有事前準備都是艾菲一手包辦，米高只需在艾菲做事前準備時幫手照顧燒腩仔，cake smash期間幫忙哄燒腩仔望鏡頭，以及完事後替燒腩仔洗澡讓艾菲有足夠時間收拾殘局即可。



由於時間實在太緊逼，艾菲只可以用之前淘回來預備跟燒腩仔開mini生日會用的物資來布置，最簡單當然是用colourful的氣球啦，除了用來圍邊還額外做了個cupcake小型氣球柱，不難做但就要花點時間囉﹗生日帽和鋪地的枱布都是一set的王子系列（揀王子系列只係因為燒腩仔幾個月大時，佢姨媽已經買咗王子系列嘅生日旗，所以艾菲唯有配返一set啦﹗），至於煲呔則是米高想當年結婚的剩餘物資。



至於蛋糕都是艾菲親自操刀自家製，一來時間太趕一定訂不切，二來花百多元買蛋糕只是用來玩的話米高定說艾菲浪費，所以艾菲唯有花一晚時間，用僅有的做餅技術做了這個爆多cream的海棉蛋糕，嘻...獻醜了﹗



一切準備就緒便叫主角燒腩仔出場了﹗本來有想過給他穿birthday tee，但為了方便清潔艾菲最終決定要他脫光光，逼他性感演出這場cake smash﹗大家見到他肯乖乖戴上生日帽，又合作地望著我們笑，全因我們給了兩塊餅讓他拿在手﹗超感激Alvin教我們的方法，真是萬試萬靈呀﹗



燒腩仔：波波同蛋糕兩樣揀，我鐘意波波多D喎...



燒腩仔：咩話？一歲生日要玩cake smash？係咁易掂吓得唔得呀？（睇吓佢個樣幾嫌棄﹗）



出盡法寶叫他去玩，好不容易才哄到他伸手去摸蛋糕，平日一直是「爛撻撻」的大叔mode，居然在這個時候潔癖上身﹗



燒腩仔：試埋味啦，得未呀？



燒腩仔：嘻...真係要去盡D？



燒腩仔：咁呀...用埋腳啦﹗



燒腩仔：呵呵呵...我反轉個盤之後咪唔使再玩落去囉﹗



經過十分鐘的warm up，終於有點像樣了﹗



完全入戲mode，但他硬是不肯將蛋糕放進口（平日乜都塞入口㗎喎），所以上半身仍然很乾淨，只是不停將cream抹在腳上。



玩到蛋糕面的cream全部掉下來，艾菲都已經好滿意了，收貨啦﹗

雖然玩cake smash，事前準備和事後收拾殘局都很甘，但看回這些照片艾菲就覺值得，畢竟一生人只得一個一歲生日，只要是艾菲能力範圍內做得到的，艾菲都想盡量為燒腩仔留下美好的回憶呀﹗