MaMa Mia X型揹帶試用之點樣用

作為一個FTM，揹帶係艾菲帶燒腩仔出街嘅必需品，特別係艾菲除咗落樓下商場係真正嘅無障礙之外，幾乎去邊都一定要經過一條要行樓梯先過到嘅天橋，所以艾菲根本無可能一個人推BB車帶燒腩仔去街（有時都覺得係香港做傷殘人士好慘﹗），揹帶係艾菲嘅唯一選擇。

艾菲對揹帶嘅要求好簡單，最緊要就係輕身，燒腩仔出世前艾菲已經買咗條Eightex 5 ways揹帶，都算係咁多款初生揹帶之中較輕身之選，不過隨住燒腩仔嘅磅數一日一日咁增長，艾菲每次揹完燒腩仔返屋企個膊頭都超酸軟，後來上網見有媽媽推介X型揹帶，艾菲就貪得意淘咗條返來，結果係一用即愛上，因為真係超輕超舒服，但有個缺點就係free size比較鬆，揹住燒腩仔又好難較到個扣，燒腩仔成日揹揹吓跌咗落去好似就跌出來咁，到今次試MaMa Mia條X型揹帶先知原來X型揹帶都可以揹燒腩仔揹得咁貼咁安全。

講多無謂，都係畀大家睇吓實物先啦﹗今次先講吓條揹帶點用，下次再畀大家睇吓燒腩仔嘅試用實況。



揹帶嘅外型名乎其實係一個大X來，雖然只係簡簡單單一塊布，但就可以向前揹又可以向後揹，負重仲可以去到15kg，因為有分S/M碼同L/XL碼，所以揹帶唔需要再用扣調較，媽媽只需要按自己身型揀返啱size去用就OK，而艾菲呢種矮小型用S/M碼已經OK。



最鐘意就係佢跟埋一個袋仔，唔用時將條揹帶摺起放落個袋仔到就OK，放落超多嘢嘅媽媽袋都好容易就搵到唔會亂，而且全set揹帶都洗得，洗完無甩色兼布料都依然挺身，感覺較艾菲條淘寶貨可靠呢﹗



全條揹帶只得一個開口，好隱閉咁係揹帶嘅正前方，用嘅時候只需要好似著衫咁將條揹帶穿落個身到，拉好D布之後再打開呢條拉鏈同魔術貼，然後放BB入去，確認BB對腳同pat pat都放好，再貼返魔術貼同拉好接鏈就搞掂，完全唔會有扣錯扣同較鬆緊嘅煩惱，實在係超級方便呀﹗

～～～～～～～～～～

Mamamia以實惠價錢提供一系列高質素母嬰用品，現於全線荷花親子店、新都城百貨公司、爸媽部落等各大商店火熱發售。 
http://www.facebook.com/mmm.hkg
查詢電話&電郵: 3520 2026 / sales@parakeet.com.hk
更多分享: www.Yes-Parents.com / http://www.facebook.com/YesParents