一轉眼你已經一歲啦，到宜家仲好記得當年今日，半夜開始陣痛搞到成晚無得瞓，一大朝早忍住痛入院等你出世，但痛咗十幾個鐘之後醫生忽然話你心跳慢要緊急開刀，到你終於平安出世媽媽望住你眼都唔捨得眨一眼，然後第二朝為咗落床見你一面同餵母乳你食勁到完全唔記得自己有個大傷口...
望住你一日一日咁長大，作為媽媽真係又開心又好唔捨得，開心係你每日都有進步畀媽媽無限驚喜，唔捨得係你真係大得太快，無幾耐之前仲係一個只識哇哇聲喊嘅手抱BB，宜家已經開始有自己嘅喜好，想抱緊你多一陣都未必得。
你嘅出現令到媽媽嘅人生變得更豐盛，每一日都充滿愛同挑戰，亦令媽媽更加了解自己，為咗你媽媽原來可以不眠不休咁為餵人奶而搏鬥連自己健康都唔理，為咗做個好榜樣媽媽知道要控制自己D臭脾氣，當你教極都唔識or講極唔聽時媽媽就明白有D嘢真係唔可以比較要順其自然。
未來一年，媽媽唔奢望你忽然變成神童乜都識，只求你可以開開心心咁過每一日，健健康康咁成長，繼續做個天真活潑嘅燒腩仔就夠啦﹗
永遠愛你的媽媽
睇到我眼濕濕添! :p
回覆刪除媽媽繼續努力啊！
嘻...做咗人阿媽係寧捨感慨
刪除燒腩仔一出世同而家兩個樣呀.......
回覆刪除生日快樂呀燒腩仔，希望努力聽教聽話！！
我懷疑佢偷偷地走咗去整容來
刪除HAHA ~ 又整得幾好WOR ~ XD
刪除做左媽媽，真係可以為左BB犧牲任何野，不眠不休都唔覺攰架，母愛嘅力量！
回覆刪除燒腩媽依番說話好感人，第時燒腩仔睇番一定好感動^^
希望呢隻馬騮仔大個咗唔好唔記得阿媽姓咩
刪除母愛真係好偉大! 為左個仔, 乜都得, 只願佢地繼續健康活潑落去...
回覆刪除真係為咗個仔可以能人所不能﹗
刪除睇到我係公司鼻酸酸,,含住泡眼淚....
回覆刪除大家都係媽媽..睇到呢d真係好感動好有感覺~~
ee希望燒腩仔做個快活bb...大個一定要孝順呢個默默為你付出不求回報既燒腩媽!!!
哎吔...我放咗催淚彈出來添... :P
刪除不過做咗媽媽真係寧捨容易感慨，希望我哋D BB都可以健康快樂咁成長啦﹗
睇到你呢篇文真係好感動....做咗媽媽至知道,原來為咗仔女,真係咁都可以付出同犧牲
回覆刪除真係連條命畀埋佢都得...好鬼變態...
刪除真係要做左媽媽至感受到, 為左自己小孩係可以連命都俾埋佢!
回覆刪除燒腩仔要快高長大, 孝順媽媽呀~~
無錯，呢股力量實在唔係嘢少
刪除越大越似媽媽, 大加繼續加油呀!
回覆刪除聽到你話燒腩仔似我真係好感動呀﹗我其實都覺得佢大個咗個樣開始有D似我，但一直無人support我，個個都話佢似十足佢阿爸>.<
刪除燒腩仔收到晒嫁啦!
回覆刪除原來燒腩仔個樣子好快就"成形" 嫁播, TAREBABY 細個時真係一PAT野左好耐...
嘻...希望佢大個睇到唔好嫌阿媽長氣同老土啦﹗
刪除佢真係一過咗兩個月已經差唔多成形，個樣好老積都唔BB
做左媽媽，感受好大
回覆刪除係...好容易就會好感觸
刪除Happy Birthday ar~ 燒腩仔
回覆刪除多謝姨姨﹗
刪除好感人！身同感受！
回覆刪除做咗媽媽先會明，大家要一齊加油呀﹗
刪除好感動~ 生日快樂呀燒腩仔~
回覆刪除嘻...媽媽一時感觸﹗
刪除happy birhtday燒腩仔, 快高長大呀~
回覆刪除多謝EE﹗
刪除生日快樂呀。。燒腩仔，大個記得孝順媽咪呀!! (爸爸都要-p）
回覆刪除哈哈...呢句米高聽到一定好開心
刪除開心同健康最緊要~燒腩仔要快高長大好好孝順媽媽呀~
回覆刪除~happy birthday~
真係無嘢比健康同開心緊要
刪除剛剛才看到你的yahoo blog, 睇到你的陪月姨姨好好, 好細心, 唔知可唔可以俾佢啲聯絡資料我呢？thank you!!
回覆刪除成日聽人地講，小朋友一大個就唔願意被抱，我們能抱住孩子的時光，又能有幾多年？而你都係咁講，咁我都要寬容一下對瞕瞕扭抱既態度先。
回覆刪除佢哋大個識得反抗，你抱佢時會郁來郁去，好難再好似手抱BB咁任你抱㗎啦
刪除