MaMa Mia嬰兒座椅帶試用之點樣用

自燒腩仔開始食固體食物開始，艾菲已經好堅持一定要佢坐定定食嘢，係屋企就坐high chair，出街就坐BB凳，有D朋友話BB唔肯坐會扭計同發脾氣，於是心軟放佢落地任佢四圍走，最終大人就要追住BB來餵勁辛苦，但可能燒腩仔自細坐慣，暫時都無唔肯坐定定食嘢嘅問題。

不過出街食飯，未必間間餐廳都咁好有BB凳，好彩呢個世界仲有樣嘢叫餐椅帶，可以畀BB好安全咁坐係大人凳到，艾菲都一早淘咗條老翻totseat來用，但totseat一定要全個套落個椅背到先用到，如果個椅背比較闊套唔入就即刻用唔到，而米高都一直好抗拒條totseat，成日話成堆布整來整去唔識點用，至於今次試用MaMa Mia嘅嬰兒座椅帶，就竟然獲得米高嘅高度讚賞，話好方便好易用。



條座椅帶獲得米高大讚都唔係無理由㗎，因為成個座椅帶拆開之後就只係得一塊布同三個扣，摺埋之後明顯比艾菲個老翻totseat輕同細好多，而且佢係用冼水布料來造，就算滴咗餸汁落去都無咁容易索咗入去難清潔，唔...如果佢好似totseat咁都有個袋仔入住就更加好啦﹗



佢嘅用法都相對簡單得多，只需要將上面個大扣扣係椅背到再較好鬆緊，然後放BB坐落去，將前面塊布拉上來，圍住BB腳仔扣埋兩邊個細扣仔就OK，真係方便過之前要先套好個椅套，再抱起燒腩仔對準兩個腳仔位先坐到落去好多，宜家就算得艾菲一個人都絕對可以將燒腩仔放到落去（之前要一個負責抱一個拉開個腳仔位先掂﹗）﹗Good呀﹗

講咗咁耐都好似只係得艾菲同米高嘅感受，咁到底真正用家燒腩仔又like唔like呢？嘻...暫時先賣個關子，下次再話畀大家知﹗

～～～～～～～～～～

Mamamia以實惠價錢提供一系列高質素母嬰用品，現於全線荷花親子店、新都城百貨公司、爸媽部落等各大商店火熱發售。 
http://www.facebook.com/mmm.hkg
查詢電話&電郵: 3520 2026 / sales@parakeet.com.hk
更多分享: www.Yes-Parents.com / http://www.facebook.com/YesParents