好彩小朋友天生就鐘意玩，來遠見到公園燒腩仔已經即刻開心返，雖然唔認得大家嘅小朋友，但一埋位已經識同肚B爭一仔枝泡泡槍來玩，起初佢係完全唔夠肚B爭㗎，但後來肚B比其他嘢吸引咗，所以就鬆開手畀咗枝泡泡槍佢玩。
肚B畀咩吸引咗？之唔係呢個吹落去會有咇咇聲嘅泡泡囉，至於龍BB就好乖，全程拎實自己枝泡泡慢慢吹，完全無打算埋去爭埋一份。
玩到D泡泡水無晒，小朋友們就轉戰公園爬上爬落啦﹗
不過燒腩仔唔係自己玩，就係追住D唔識嘅哥哥姐姐跑到老遠，搞到艾菲同其他媽媽傾唔夠兩句又要走去追仔。
但亦因為咁而畀艾菲成功影到兩張靚相，嘻...
玩咗陣之後南瓜仔同南瓜妹終於來到，第一時間捉佢哋影返張大合照先﹗（大合照要借龍B媽嘅相，皆因艾菲枝鏡唔夠wide影唔晒:P）
之後同南瓜仔一齊玩吓波波，你追我我追你咁已經可以好開心（汽球好似又係一仔媽帶來嘅法寶，讚﹗） 。
行過見到南瓜妹又走去撩吓女仔，燒腩仔返到屋企仲好記得南瓜妹，話南瓜妹畀咗個波佢。
玩吓玩吓終於同龍BB friend咗，兩個小朋友追來追去走唔停，幾經辛苦先捉到佢兩個坐低影張合照，點知...呢兩個人仔影影吓忽然瞓咗喺到大笑...
加個女仔入去即刻坐返好D無咁癲。
肚B走咗之後，佢兩個又來過...不過呢張相嘅亮點，唔係終於畀燒腩仔搵到個伴陪佢一齊玩扶手咁簡單， 而係後面個唔識嘅女仔，唔單止姿勢同燒腩仔一模一樣，仲要係有望鏡頭㗎﹗﹗﹗呢張相艾菲真係睇幾多次都忍唔住笑﹗kakaka...
燒腩仔：我今日真係玩得好開心呀﹗下次一齊再玩過吖﹗
玩咗兩個鐘，大人細路都放夠電就去食飯啦，原來男子組個個都係車迷，個個媽咪都有幾架車旁身，所以食飽飯佢哋要來多個車迷gathering先散得，好彩肚B都唔抗拒車，唔會悶親佢姐。（張相係一仔媽影，艾菲只係顧住傾偈都唔記得影佢哋玩車>.<）
沒有留言:
張貼留言