望道號又來啦﹗

前日巡facebook時發現，燒腩仔上年復活節去過嘅望道號又來香港啦﹗由今個星期日開始一連兩星期（25/7-9/8），泊喺海運碼頭開放畀公眾參觀，今次仲係佢哋亞洲之旅嘅最後一站，miss咗的話就唔知幾時再有機會去，所以有興趣嘅朋友記得mark實日子去啦﹗

望道號話就話係一個世界上最大嘅海上圖書館，實際其實係個海上書展來，大家睇啱的話係可以將D書買返屋企，書價亦唔算set得貴，而且除咗睇書之外，又可以畀小朋友見識吓郵輪入面係點，艾菲覺得都係個唔錯嘅親子活動來。

不過燒腩仔今次就未必會去啦，一來我哋上年已經同佢去過，二來我哋怕多人唔想逼，皆因今次架船停海運碼頭，真係方便過之前喺啟德，但咁方便就肯定更加多人去啦，仲要呢排D小朋友個個放暑假，所以諗住去嘅就要計劃吓幾時去先避得開D人潮啦﹗

如果想參考返上年燒腩仔去望道號嘅情況可以去呢到睇吓：Logos Hope@啟德郵輪碼頭

而望道號今次訪港嘅詳情就可以睇呢到：http://omhk.org/om_meeting.html