試用：Redwin維特護「適保梨」潤膚乳

每逢踏入夏天轉秋天嘅季節，艾菲就會出現皮膚痕養同甩皮嘅情況，有時會嚴重到皮膚敏感塊面忽然紅咗一大撻，而生完燒腩仔之後隻手長年出現疑似濕疹嘅情況，所以一枝保濕夠潤嘅潤膚乳真係好重要，咁啱最近收到MyBB邀請試用Redwin維特護「適保梨」潤膚乳，Good﹗



Redwin維特護係澳洲銷量第一嘅適保梨(Sorbolene)護膚產品，適保梨配方經由澳洲皮膚科專家研配，性質溫和，獲澳洲皮膚科專家認可，適合嬰兒至成人每日使用，特別針對嚴重乾燥痕癢，濕疹同敏感性皮膚（尿疹，主婦手，牛皮癬），深入肌膚底層鎖水保濕，提升肌膚水油平衡，時刻滋潤修護，pH值平衡，無人造香料/無鹼性，不含羊毛脂成份。



潤膚乳適合全身用，就等艾菲搽少少落手到試吓，好容易推開而且都確係幾潤同快吸收，可以紓緩乾燥、繃緊嘅感覺，最重要係無味同好乾爽唔會立黐黐，唔使怕搽完之後會出現冼手開唔到樽蓋，或者拖唔實燒腩仔之類嘅情況。



講開皮膚問題，都順便講吓燒腩仔D濕疹，由一歲左右開始發出來，起初以為佢個人忟同多汗先會四圍R，到最近返學情緒波動得多就更加嚴重，R到頸，耳背，手跤，膝頭後面D位損晒，呢頭好返少少，轉頭又畀佢R損，講極勸極佢都唔肯停手，起初艾菲都只係同佢密密搽潤膚等佢舒服D就算，直至佢最近手腳忽然出現紅點（醫生話係皮膚敏感）帶佢睇醫生，醫生見到都忍唔住話情況嚴重，奇怪艾菲點解之前無帶過佢睇醫生拎藥膏搽（實情係只要佢忍到手唔R，D紅點同損咗嘅地方好快會好返啦），建議燒腩仔搽含輕量類固醇嘅藥膏舒援吓，暫時只係搽咗兩日已經明顯好咗，但類固醇係唔可以成日搽，所以艾菲好希望佢快D好返，之後都會畀佢試吓用呢枝潤膚乳，睇吓情況會唔會有好轉。