試用：Hoppetta六重紗防踢睡袋

燒腩仔係個超級反瞓嘅小朋友來，自從自己瞓一張大人床之後就更加嚴重，每晚瞓到打風咁由床頭碌到去床尾，至於張被就更加係有用等於無用，每朝都唔知畀佢踢咗去邊，所以無論係咩天氣都好，我哋都一定要佢著睡袋瞓，以防凍親冷病，而最近艾菲就好好彩，又抽中MyBB嘅試用，可以試吓日本人氣品牌Hoppetta六重紗防踢睡袋。



呢個睡袋喺日本同台灣都有好多媽媽推介為育兒好物，事關佢六重紗嘅層疊設計，經過預縮加工之後，凹凸部分就會自然形成空氣層，透氣性同吸濕性都極佳，凍嘅時候保暖唔怕焗，熱嘅時候又夠通爽同吸汗快，一個睡袋一年四季都啱用，仲要係100%天然日本綿，媽媽可以放心畀小朋日日用，據講仲會越洗越軟同貼身添﹗



睡袋係拍鈕設計，打開全部拍鈕就可以輕輕鬆鬆咁幫小朋友著上身，而且佢個腳仔位係無封實，小朋友仲係BB時可以當睡袋，好似燒腩仔咁大識行識走嘅就可以當背心咁著，唔怕佢哋瞓瞓吓想起身時會跌親，而燒腩仔宜家著緊呢個就係toddler-kids size，可以由2歲著到7歲，超級抵著﹗



除咗睡袋之外，佢哋仲有六重紗多功能蘑菇夾手帕，紗巾都係用六重紗層疊設計來做，吸水易乾質地又夠軟，無論係抹汗定抹口水都very good，配合埋個多功能鴨嘴夾，仲可以當口水肩用﹗



不過燒腩仔已經大個仔，唔需要再用口水肩，所以個多功能鴨咀夾畀艾菲拆開咗來用，而呢日就用咗來做書包仔個安全扣，用夾固定住兩條帶嘅位置，就唔使再怕佢郁來郁去會搞到條帶甩落來，要艾菲keep住幫佢拉返上去咁麻煩啦﹗

10mois Hong Kong－日本Hoppetta六重紗嬰童用品專賣店

https://www.facebook.com/10moishk

http://www.10mois.com.hk