呢朝嘅民宿早餐都好豐富，有蜜瓜有魚仲有艾菲至like嘅薯餅，至於燒腩仔份兒童餐都同樣豐富，但佢唔係好識欣賞，所以除咗玉子燒同蜜瓜之外，其他都係由艾菲同米高幫佢清晒落肚。
食飽上房執埋D行李就要走啦，出門口前見到呢塊畀客人桔你來自邊到嘅notice board，平時艾菲係唔會理㗎，但今次艾菲竟然主動問民宿主人拎大頭針，原因係佢真係好有誠意，連香港地圖都有貼出來，等艾菲可以桔返自己住個區囉，kakaka...
之後就出發去摘車厘子啦，本來米高完全無諗過來，但艾菲見帶燒腩仔來咗咁多日，睇風景睇花都好似唔係好啱佢玩咁，無意中聽到人哋話去摘車厘子，就口痕問吓米高邊到有，於是佢就改一改前一日嘅行程，一日之內去晒兩個花田，咁呢日朝早就可以free出來，專登揸成個鐘車去咗蘆別嘅大橋櫻桃園。
呢個車厘子園都幾大，分咗幾個唔同嘅車厘子區，價錢亦因應車厘子嘅收成而有所不同，本來我哋一心想去中價區玩吓就算，但門口接代我哋位姐姐就猛話呢一年天氣唔好，所以嗰邊D車厘子收成一般數目唔多，推介我哋去最貴嗰區，結果米高為咗艾菲可以影到靚相，就決定豪花三百幾蚊港紙入場（兩個大人嘅價錢）啦﹗
畀錢之後就有專車接我哋去貴價區，而車厘子園為免客人偷運車厘子走，所以客人係唔可以帶袋入去，佢哋會借一個透明袋畀你放跟身物品，入到園都有指示牌同職員教你點摘車厘子，入面嘅車厘子係無限時任食，D核食完就咁吐落地下就得（呢個係艾菲勁唔慣嘅動作），如果想帶走就用佢哋D專用膠盒裝，離開前磅重畀錢，規矩應該都同香港D士多啤梨園差唔多啦﹗
燒腩仔：依？咩來㗎？
燒腩仔：乜佢紅色一粒粒咁過癮嘅？
入園之後，燒腩仔又好似去花田咁，無厘頭喪跑唔停，搞到米高都有D無癮，咁艾菲當然唔會咁快放棄啦，不停浮誇地摘同食車厘子畀燒腩仔睇，又扮自己摘唔到D車厘子要佢幫手，幾經辛苦終於氹到佢埋去試吓摘車厘子，YEAH！
燒腩仔：點解明明係紅色，又忽然變咗黃色呢？
燒腩仔：等我試吓未先...um...
一向為食底嘅燒腩仔，明明Day 2下午茶請佢食車厘子時，佢都仲追住食畀慢少少都嘈，來到呢到以為佢實會幫手勁食啦，點知...佢只係食咗一粒落肚﹗﹗﹗其餘都係一食即摞出來﹗﹗﹗可能佢嫌車厘子有核唔食啦，但之後艾菲拆埋核佢都唔肯再食，真係勁勁勁可惜囉﹗所以話呢...帶小朋友出門，永遠都有好多估你唔到嘅嘢發生... >.<
由於自己唔啱食，所以燒腩仔摘咗幾粒之後就唔肯再摘，唯有出動米高畀佢騎膊馬先肯繼續努力摘多幾粒。
為咗畀多D動力佢，就不停叫佢摘出來餵我哋，嘻...有專人服侍，粒車厘子真係特別甜㗎﹗
最後我哋喺呢到玩咗一個鐘多D就收隊走人趕下場啦﹗講真入場費都幾甘㗎，不過呢到D車厘子又確係好好味，除咗普通車厘子
燒腩仔遊日本@2014：
Day 1 HK>札幌
Day 2 札幌>帶廣 part 1
Day 2 札幌>帶廣 part 2
Day 3 阿寒湖>知床 part 1
Day 3 阿寒湖>知床 part 2
Day 4 知床>網走 part 1
Day 4 知床>網走 part 2
Day 5 網走>美瑛>富良野 part 1
Day 5 網走>美瑛>富良野 part 2
沒有留言:
張貼留言