衝上雲霄~Part 2

愉景灣是個交通受管制的地方，在閒逛時艾菲一直問米高到底Sam哥和Holiday是如何輕易出入機場和愉景灣的呢？即半夜落機再自駕回愉景灣是完全沒可能的事呀﹗怎麼他們可以回家回得如此輕鬆的呢？然後米高便決定帶我們去機場走一轉親身體驗一下。



這個小朋友手指指，到底指甚麼呢？



飛機是也﹗我們抵達機場已快將天黑，即問衝上雲霄經常出現那個sky deck怎去，原來是要在T2那邊的UA再坐電梯上去，但最意外的是到sky deck是要收費的，$15一位大人不限時間，不過門口完全沒人check門票，雖然我們很乖主動付上$30，但米高就非常懷疑到底有多少人像我們般主動付費買票上來...

衝上雲霄~Part 1

燒腩仔生日當天，艾菲一早吩咐米高請假，好讓我們可以一家三口去玩，但去那裡玩卻遲遲未有定案，只知道想帶燒腩仔遠離煩囂去離島，最終我們是一直徘徊在長洲和愉景灣之間，到出門的一刻才決定去愉景灣，一起去探衝上雲霄的Sam哥。



出發啦﹗當日天氣超級好，絕對適宜去郊遊﹗可能是平日的關係，船上的坐位幾乎是任坐，連燒腩仔都可以獨霸一個海景位，開心到呢...

 

開船之後就更興奮，不停望著窗外的風景咔咔笑﹗

MaMa Mia嬰兒座椅帶試用之決戰high chiar

星期日傍晚離開赤柱之後，我哋就去咗太古城行街，諗住食飯兼行吓AEON同Apita（貪佢比其他同集團分店多嘢買），見CoCo壹番屋唔太多人等位就決定食呢間，其實我哋平日間中都會幫襯CoCo，因為食物質素OK，而且又有high chair同BB餐具提供。

CoCo提供嘅high chair係可以摺埋嘅木凳款來，之前幾次畀燒腩仔坐都OK，所以艾菲本來都無打算拎MaMa Mia條嬰兒座椅帶出來用，點知碗飯都未食到一半就已經出事，因為呢款high chair係無安全扣扣實，呢隻馬騮托世嘅燒腩仔，居然食食吓自己企咗上張凳到﹗

呢個情況當然係好危險啦，艾菲同米高即時將燒腩仔拉低坐返落張凳到，起初都叫做乖乖地繼續食，但作反嘅嘢試得一次梗有第二次，食咗一陣之後佢又意圖企起身，我哋嘗試再拉返低佢，但佢已經開始扭計完全唔肯合作...



咁嘅情況下我哋唯有抱起燒腩仔，然後request換返張正常大人凳，跟手艾菲就拎返MaMa Mia條座椅帶出來，扣好之後就放佢落去坐，起初佢都唔多肯，但氹多兩氹又無問題喎，真係即時鬆一口氣﹗

MaMa Mia X型揹帶試用之安睡寶寶

自燒腩仔月中打完一歲針之後，艾菲就好乖咁聽姑娘建議，要佢係屋企守咗12日行為，廢事佢感染病菌剩機發燒（打針詳情之後再講），等了又等終於等到今個weekend刑滿，米高梗係即刻安排節目帶佢出街玩啦，而今次嘅目的地就係赤柱。

我哋等燒腩仔食咗中午餐飯仔先出發，係明知星期日嘅赤柱例必多人嘅情況下，艾菲今次選擇咗用X型揹帶帶佢出街，一來當然係貪佢夠輕便，就算佢要落地自己行，艾菲就咁摺返埋條揹帶放落袋就OK，二來係貪佢夠貼身，最好就係用來氹燒腩仔瞓覺﹗嘻...係唔係估你唔到呢？

隨住呢個小朋友越來越大個，要佢出街都定時瞓晏覺真係有D難度，試過有次明明扭眼瞓想瞓，但氹咗成粒鐘仲係唔肯瞓，艾菲都明呢個係好正常嘅反應來，不過個心始終想佢定時定候瞓覺，因為佢一瞓唔夠，到夜晚就會發癲好難搞，諗起艾菲都怕怕﹗



出發時，艾菲專登將燒腩仔面向自己，將兩隻手都塞埋落條揹帶到，因為夠貼身佢點撐都無可能向後拗到腰，所以絕大部分嘅視線都會畀艾菲擋住，再加上艾菲會特登用手or帽擋埋佢側邊D視線，咁佢揀無可揀嘅情況下就唯有捱係艾菲個心口到，無嘢望無嘢搞又有D攰嘅情況下，當然係唔使兩個地鐵站嘅路程就瞓著啦﹗

Mini生日會

米高和艾菲一直對於要不要為燒腩仔開生日會拿不定主意，其實燒腩仔只得一歲，跟他開了生日會也不知發生甚麼事，而且邀請親友出席，除了要人家破費送禮，最煩就是請了A又要請B，有些不想他來的又不可不請，再加上場地問題一直解決不了，所以我們沒有跟燒腩仔開正式的生日會，不過...艾菲又怎會肯就此罷手，畢竟是燒腩仔第一年過生日，再hea也總是要慶祝一下的，最終我們便決定在燒腩仔生日前一天，借公公婆婆家跟燒腩仔的姨媽，舅父和姨婆一家開個簡簡單單的mini生日會。



選擇在公公婆婆家開mini生日會，除了方便大家出席之外，另一個原因就是公公婆婆家那個百頁窗陣﹗艾菲小時候，每逢聖誕新年，婆婆都會跟我們一起布置這個百頁窗，好讓我們感受一下節日的氣氛，而艾菲當然要承繼這個傳統，老早便計劃好怎布置這個百頁窗，除了有姨媽一早買的王子生日旗，之前影相用過的生日蛋糕氣球，艾菲還特別用PosterMyWall和Photoscape設計了張birthday poster，以及在淘寶買了pack 印有Happy Birthday的字母氣球。

不過布置的時候也發生了一段小插曲，話說其中一個字母氣球居然在貼上窗時忽然爆開，艾菲立即O咀變得六神無主，只想到可以另吹一個新氣球然後用marker手寫字母上去，但婆婆就相當醒目地提議艾菲用白紙將字母剪出來再貼上氣球，結果出來效果是very good，艾菲不說其他人都看不出那個是特製氣球呢，嘻...大家又找不找到它出來呀﹗

山寨版cake smash

見波媽跟波哥玩cake smash好像很開心般，艾菲都心思思想跟燒腩仔玩，起初艾菲只打算用上次影相剩下來的微波爐叮蛋糕（一包有兩個），在上面加大堆cream便當是cake smash，亦順利用這個超hea方案令米高答應讓艾菲跟燒腩仔玩cake smash，但後來艾菲又pat pat痕起來，微波爐叮蛋糕實在太沒氣勢了﹗反正都是要玩何不盡情一點呢？於是把心一橫決定來個山寨版cake smash﹗

為了令米高不反對艾菲這個idea， 所以所有事前準備都是艾菲一手包辦，米高只需在艾菲做事前準備時幫手照顧燒腩仔，cake smash期間幫忙哄燒腩仔望鏡頭，以及完事後替燒腩仔洗澡讓艾菲有足夠時間收拾殘局即可。



由於時間實在太緊逼，艾菲只可以用之前淘回來預備跟燒腩仔開mini生日會用的物資來布置，最簡單當然是用colourful的氣球啦，除了用來圍邊還額外做了個cupcake小型氣球柱，不難做但就要花點時間囉﹗生日帽和鋪地的枱布都是一set的王子系列（揀王子系列只係因為燒腩仔幾個月大時，佢姨媽已經買咗王子系列嘅生日旗，所以艾菲唯有配返一set啦﹗），至於煲呔則是米高想當年結婚的剩餘物資。



至於蛋糕都是艾菲親自操刀自家製，一來時間太趕一定訂不切，二來花百多元買蛋糕只是用來玩的話米高定說艾菲浪費，所以艾菲唯有花一晚時間，用僅有的做餅技術做了這個爆多cream的海棉蛋糕，嘻...獻醜了﹗

MaMa Mia嬰兒座椅帶試用之實戰情況

雖然艾菲係個FTM，但都唔代表會餐餐係屋企自己煮，我哋一星期總有幾晚出街食，所以燒腩仔都一早習慣同我哋出街食飯（佢當然係食BB飯啦），以前佢只係飲奶我哋抱住佢食唔要BB凳都OK，但佢開始食嘢之後艾菲就一定會request多個位畀佢方便我哋餵佢，但香港D餐廳唔係間間都有BB凳，有D就算有都只係就咁加上大人凳，只要佢稍為郁一郁都有機會跌落來，所以嬰兒座椅帶對艾菲來講係出街食飯嘅必需品。



做過媽媽嘅都知帶小朋友出街有幾多嘢要帶啦﹗每次帶燒腩仔出街食飯，除咗尿片濕紙巾之外仲要帶飯壺，餐具，口水肩同水杯，個媽媽袋一定塞到爆咁滯，所以嬰兒座椅帶夠輕身同摺得細真係好緊要，MaMa Mia呢條嬰兒座椅帶就可以摺到好似一包細濕紙巾咁細，超方便呢﹗



之前都提過，MaMa Mia呢條嬰兒座椅帶只需要扣三個扣就用到，唔似totseat一定要套落椅背先用到，就以燒腩仔係相入面坐緊呢款椅背突出來嘅凳為例，用totseat嘅話一定套唔入要問侍應有無得換過第二款凳先掂，但用MaMa Mia呢條就完全無問題，先將大扣扣實椅背再放燒腩仔落去，扣埋兩邊嘅細扣仔就搞掂﹗

MaMa Mia X型揹帶試用之實戰情況

上次介紹咗X型揹帶到底係點用之後，今次就輪到講吓用佢揹燒腩仔出街嘅實戰情況啦﹗

艾菲之前都講過，每次自己一個帶燒腩仔出街都一定要用揹帶唔可以用BB車，但屋企條Eightex 5 ways揹帶用到燒腩仔六個月大時，艾菲已經唔多頂得住，行唔夠一個鐘膊頭已經好攰要坐低抖一抖，後來淘咗條free size嘅X型揹帶，叫做暫時解決咗呢個問題，但用吓用吓隨住燒腩仔越來越重，唔知點解就開始揹到佢跌咗落去唔係貼住艾菲心口，有時仲會好似就跌出來咁，艾菲揹住燒腩仔又較唔返緊個扣，所以膊頭痛嘅問題又再返來，本來艾菲都打算放棄用揹帶，考慮緊係唔係要換過架摺得埋同輕身嘅士的車來代替揹帶，點知試完Ma Ma Mia條X型揹帶，艾菲即刻打消買BB車嘅念頭。



X型揹帶只係得一塊布完全無扣，而呢塊布只係重249g，仲輕過一盒250ml檸檬茶﹗佢本身設計係好貼身，燒腩仔揹咗上去之後會貼住艾菲心口，一定唔會好似free size那種X型揹帶咁，因為小朋友重而令到個扣鬆，揹到個小朋友跌咗落去，亦搞到揹帶承受重量嘅位置唔同咗，所以就算燒腩仔宜家已經有22磅重，艾菲揹佢出街都明顯無之前咁辛苦，揹住佢行幾個鐘街都仲叫做頂得住。

相片背後

為了跟燒腩仔影一歲相，艾菲再hea還是花了些心思去準備一些簡單道具，畢竟難得出去找專業攝影師影一次相嘛，總想相片內有些比較個人化的原素，艾菲實在很怕那些一號表情二號動作的流水作業相片呢...



跟影pre-wedding一樣，艾菲今次同樣選擇了波波做道具，但就沒有再扭波如此認真（湊住燒腩仔根本無時間慢慢扭），只是淘了兩個14寸生日蛋糕氣球，最正是可以循環再用，之後cake smash和mini生日會時都有用到呢﹗



本來想過淘氦氣和幾個大氣球回來的，但氦氣價錢不便宜而用它吹的氣球又keep不了很久（因為我哋九月中影相，十月頭先係燒腩仔生日），再加上帶著燒腩仔同行，艾菲都擔心我們有沒有能力拿那麼多東西所以放棄了，但後來在youtube見到一條教人做氣球柱的片又pat pat痕起來，於是淘了大包氣球和一個18寸1字氣球回來想做個小型1字氣球柱做背景，怎料那個1字氣球在吹氣時突然「呯」一聲的便爆了，艾菲為此而失望了大半天呢﹗

一歲相

燒腩仔出世前，艾菲已經盤算著要帶他出去影輯初生BB相，可惜到燒腩仔出世後，艾菲仍未找到心水攝影師，再加上陪月姨姨走了之後要獨力照顧燒腩仔，又終日為餵母乳的事宜埋頭苦幹，結果就是不了了之，只是燒腩仔兩個多月時，跟公公婆婆去FACE影家庭相時順手替燒腩仔影了幾張單人BB相而已。

直至燒腩仔半歲，帶他出去影相的念頭是再次出現，但身旁那個不愛影相的米高一直不支持（即唔反對又唔支持咁囉，如果艾菲堅持要影佢都會配合），既然明知影相的quota只得一個，六個月大的燒腩仔又未懂爬好像影不到甚麼，於是便決心留待一歲才帶他去影生日相作慶祝﹗

多得波媽介紹Alvin Yau，艾菲一看到波哥的相便有「叮」一聲的感覺，簡單自然不造作，不過燒腩仔生日當天碰巧攝影師有booking，再加上當時正值他搬studio的時期，艾菲唯有提早在九月中跟燒腩仔影這輯生日相﹗

影相當天艾菲其實都有點擔心，朝早十一點的booking，但燒腩仔才剛剛戒掉午餐前的一覺，之前帶他去play house玩時還會「扭眼瞓」，而且平日九點半才起床的他竟然提早在八點半醒，艾菲勁怕他不夠電不肯合作，幸好他最終是玩得超開心，生日相的任務順利完成，認真抵鍚呀﹗



當天到達之後跟攝影師閒聊了一會兒，簡單溝通一下我們便開始，先warm up影casual wear的家庭相，見燒腩仔開始進入狀態便跟他換浴袍，起初攝影師給了他一條大懶蛇，但燒腩仔對它沒太多興趣，每次放低他便九秒九爬出鏡頭之外，單是捉他回去都捉到艾菲一身汗﹗幸好最後這個大笨象成功吸引到燒腩仔圍著它團團轉。

MaMa Mia嬰兒座椅帶試用之點樣用

自燒腩仔開始食固體食物開始，艾菲已經好堅持一定要佢坐定定食嘢，係屋企就坐high chair，出街就坐BB凳，有D朋友話BB唔肯坐會扭計同發脾氣，於是心軟放佢落地任佢四圍走，最終大人就要追住BB來餵勁辛苦，但可能燒腩仔自細坐慣，暫時都無唔肯坐定定食嘢嘅問題。

不過出街食飯，未必間間餐廳都咁好有BB凳，好彩呢個世界仲有樣嘢叫餐椅帶，可以畀BB好安全咁坐係大人凳到，艾菲都一早淘咗條老翻totseat來用，但totseat一定要全個套落個椅背到先用到，如果個椅背比較闊套唔入就即刻用唔到，而米高都一直好抗拒條totseat，成日話成堆布整來整去唔識點用，至於今次試用MaMa Mia嘅嬰兒座椅帶，就竟然獲得米高嘅高度讚賞，話好方便好易用。



條座椅帶獲得米高大讚都唔係無理由㗎，因為成個座椅帶拆開之後就只係得一塊布同三個扣，摺埋之後明顯比艾菲個老翻totseat輕同細好多，而且佢係用冼水布料來造，就算滴咗餸汁落去都無咁容易索咗入去難清潔，唔...如果佢好似totseat咁都有個袋仔入住就更加好啦﹗

MaMa Mia X型揹帶試用之點樣用

作為一個FTM，揹帶係艾菲帶燒腩仔出街嘅必需品，特別係艾菲除咗落樓下商場係真正嘅無障礙之外，幾乎去邊都一定要經過一條要行樓梯先過到嘅天橋，所以艾菲根本無可能一個人推BB車帶燒腩仔去街（有時都覺得係香港做傷殘人士好慘﹗），揹帶係艾菲嘅唯一選擇。

艾菲對揹帶嘅要求好簡單，最緊要就係輕身，燒腩仔出世前艾菲已經買咗條Eightex 5 ways揹帶，都算係咁多款初生揹帶之中較輕身之選，不過隨住燒腩仔嘅磅數一日一日咁增長，艾菲每次揹完燒腩仔返屋企個膊頭都超酸軟，後來上網見有媽媽推介X型揹帶，艾菲就貪得意淘咗條返來，結果係一用即愛上，因為真係超輕超舒服，但有個缺點就係free size比較鬆，揹住燒腩仔又好難較到個扣，燒腩仔成日揹揹吓跌咗落去好似就跌出來咁，到今次試MaMa Mia條X型揹帶先知原來X型揹帶都可以揹燒腩仔揹得咁貼咁安全。

講多無謂，都係畀大家睇吓實物先啦﹗今次先講吓條揹帶點用，下次再畀大家睇吓燒腩仔嘅試用實況。



揹帶嘅外型名乎其實係一個大X來，雖然只係簡簡單單一塊布，但就可以向前揹又可以向後揹，負重仲可以去到15kg，因為有分S/M碼同L/XL碼，所以揹帶唔需要再用扣調較，媽媽只需要按自己身型揀返啱size去用就OK，而艾菲呢種矮小型用S/M碼已經OK。

給燒腩仔的話

一轉眼你已經一歲啦，到宜家仲好記得當年今日，半夜開始陣痛搞到成晚無得瞓，一大朝早忍住痛入院等你出世，但痛咗十幾個鐘之後醫生忽然話你心跳慢要緊急開刀，到你終於平安出世媽媽望住你眼都唔捨得眨一眼，然後第二朝為咗落床見你一面同餵母乳你食勁到完全唔記得自己有個大傷口...

望住你一日一日咁長大，作為媽媽真係又開心又好唔捨得，開心係你每日都有進步畀媽媽無限驚喜，唔捨得係你真係大得太快，無幾耐之前仲係一個只識哇哇聲喊嘅手抱BB，宜家已經開始有自己嘅喜好，想抱緊你多一陣都未必得。

你嘅出現令到媽媽嘅人生變得更豐盛，每一日都充滿愛同挑戰，亦令媽媽更加了解自己，為咗你媽媽原來可以不眠不休咁為餵人奶而搏鬥連自己健康都唔理，為咗做個好榜樣媽媽知道要控制自己D臭脾氣，當你教極都唔識or講極唔聽時媽媽就明白有D嘢真係唔可以比較要順其自然。

未來一年，媽媽唔奢望你忽然變成神童乜都識，只求你可以開開心心咁過每一日，健健康康咁成長，繼續做個天真活潑嘅燒腩仔就夠啦﹗

永遠愛你的媽媽

一歲啦﹗

號外呀﹗號外呀﹗我燒腩仔今日一歲大啦﹗媽媽話要貼張bithday poster出來公告天下呀（實情係之前開生日會design咗唔好浪費）﹗為咗隆重其事，媽媽已經一早同我影咗輯一歲相，玩咗cake smash，開咗mini生日會，生日蛋糕都已經食咗幾個，佢話今日會再帶我去街玩呀﹗YEAH!



等我講返今個月嘅進度先，繼續一日五餐三奶兩固體，今個月胃口好返少少，無再搞好耐都未食完一碗粥，但飲奶就依然餐餐有餘，不過自從媽媽上個月開始每餐都畀枝BB匙羹我拎住，我終於有D意識枝BB匙羹係用來「畢」嘢食，我有時會用隻匙羹敲個餐盤來叫媽媽畀我試吓自己「畢」，雖然仲未成功自己「畢」到嘢食，但我一定會繼續努力練習㗎﹗

係生日之前，我第四隻牙終於都爆出來啦，不過因為今個月多咗出街玩，媽媽又忙住幫我慶祝生日，連帶試新食物嘅數量都少咗好多，只係試過椰菜花，同係婆婆屋企偷食咗苦瓜同蓮藕咋，但我就學識咗樣絕招餵媽媽食橙，氹到媽媽好開心呀﹗

Yummy Yummy Food (9-11M)

之前不是忙搬blog就是忙著上網敗家，一直也沒時間寫這篇Yummy Yummy Food (9-11M)，拖到燒腩仔第三隻牙仔都終於爆出來，就快一歲要正式進入食爛飯的新階段了，所以都是事不宜遲快點記低這幾個月的BB菜式才行﹗（因為儲咗成三個月， 所以會比較長，有興趣睇嘅媽媽要畀D耐性呀﹗）

正餐：



之前試過煮甘筍忌廉湯但燒腩仔麻麻like，今次決定用同樣的材料來煮一個菜式，結果便煮了這個焗芝士甘筍忌廉汁肉碎天使麵，他又OK全部掃清喎﹗

食譜：

材料：
天使麵1個
豬肉適量
甘筍1/3條
BB奶適量
BB芝士半粒

造法：
1. 將天使麵弄碎成1cm長（其實煮完先剪都得，但艾菲覺得煮之前好似細個食媽咪麵咁整碎佢會方便D）
2. 滾水煮天使麵五分鐘
2. 將天使麵過冷河
3. 用水煮天使麵五分鐘
4. 熄火焗十分鐘讓天使麵索水變淋然後倒去水份備用
5. BB芝士切粒備用
6. 甘筍切粒蒸熟再用攪拌機打成甘筍蓉
7. 倒入適量BB奶到甘筍蓉內再用攪拌機打成甘筍忌廉汁
8. 豬肉切粒蒸熟再用攪拌機打成肉蓉
9. 將肉蓉與天使麵拌勻放焗爐杯，再鋪上甘筍忌廉汁，最後灑上BB芝士粒
10. 放200度焗爐焗10分鐘左右至芝士溶化或變金黃色即成（如果BB大個D食到大塊芝士可以用片裝效果會更好）

反轉圖書館

上星期五有些事要獨自帶燒腩仔過海走一轉，完成任務後又未到米高的放工時間，艾菲這個路盲要找地方hea又怕四處走會認不得路回家（基本上艾菲連係屋企附近都有機會盪失路），於是便決定帶燒腩仔坐電車去中央圖書館見識一下（至少艾菲實講到畀米高知我哋去咗邊）。



到達圖書館已是燒腩仔飲下午茶奶之時，艾菲立即上二樓問職員借育嬰室用，又想不到育嬰室環境都OK喎，有換片墊又有餵奶梳化和cushion（出街餵人奶最需要呢樣嘢），因為艾菲沿途揹著燒腩仔又拿著大包小包的實在累到手軟，再加上明知育嬰室每次只讓一個家庭使用不會有其他人騷擾，所以便很懶地開奶給燒腩仔自己躺在梳化上飲就算。

MaMa Mia母嬰用品初體驗

之前收到Yes-Parents.com邀請參加MaMa Mia媽媽Blogger試用大募集，艾菲向來少參加呢類facebook投票活動，不過同Yes-Parents.com那邊了解過，入選媽媽會獲贈全套九件MaMa Mia母嬰用品，而每位媽媽只需試用其中兩至三件再寫返用後感就OK，艾菲先夠膽參加來玩吓（好怕自己選中咗又做唔來啦...），估唔到最終又真係被選中喎，嘻...所以來緊幾個星期都會係到幫佢哋寫幾篇試用文啦﹗



MaMa Mia畀每位媽媽Bloger嘅母嬰用品有孕婦托腹帶、收腹帶、母乳喂哺圍巾、2合1嬰兒睡袋、嬰兒包被、環型揹帶、X型揹帶、多功能揹帶、嬰兒座椅帶，全套共有九件，不過有D暫時仲未有貨，佢哋D職員就好貼心咁安排遲D寄返畀各位媽媽等大家唔使走多轉，讚呀﹗

由於燒腩仔宜家都差唔多一歲大，而且佢已經做咗奶粉B一段長時間，所以托腹帶、收腹帶、母乳喂哺圍巾、嬰兒包被同2合1嬰兒睡袋呢D已經用唔著，不過...如果佢咁好彩會有細佬/妹的話（艾菲只係話如果...），呢堆產品就將會變成艾菲嘅好幫手﹗

阿卡將敗家誌

到日本想買BB用品，艾菲之前只認識西松屋，多得豬脾媽的介紹，才知道還有一間阿卡將Akachan，但就令艾菲一直心癢癢很想找機會去敗家，雖然有不少貨品在香港的日本代購網都有售，不過自己直接在阿卡將買的感覺好像抵和開心一點呀，只是最近都沒一個可靠又「抵得諗」的朋友去日本。

好不容易，終於等到之前留學日本的老死回日本探朋友，還主動問艾菲有沒有東西買，艾菲當然老實不客氣托她帶貨啦﹗為減低對老死做成的煩憂以及買錯東西的風險，艾菲決定網購叫她整件貨帶回來算（老死未有小朋友，無謂要佢逐件搵啦），問她拿了地址和電話後便極速上阿卡將網頁登記，再花了一整晚時間上網敗家（因為怕自己太瘋狂，所以只畀一晚時間自己完成全部交易），然後貨件不消三天已經送達老死在東京借宿的地方﹗超高效率呢﹗



老死超級好人和體貼，回來後還要親自送貨到艾菲娘家，total八件貨，全部用「啪啪紙」pack好，以防貨件有任何損傷，Good!