Happy New Year!
緊接著聖誕節後面的就是新年，由聖誕節開始我們幾乎天天有節目，未知是否出街太頻密玩得太開心，燒腩仔這幾天開始有點反常，不太聽從指令之餘很容易便發脾氣，最死是平日勁為食的他忽然節食，每餐食半碗飯便收工，連早晚七安奶都可以飲剩，所以2014年第一天也不敢再帶他四處走，只是平平靜靜地在家吃個外賣Good Morning早晨全餐慶祝算。
回顧2013年，最大的轉變是做了FTM，一手一腳照顧燒腩仔的起居飲食，說不辛苦不覺悶一定是假話，但最重要是自己要懂得調節心情，亦要感激米高一直在身後毫無怨言地默默支持，除了每晚放工回家幫忙做家務，還要陪艾菲傾訴忍受艾菲的臭脾氣，難得放假都要早起照顧燒腩仔好讓艾菲睡多一會兒，調換角色的話相信艾菲一定做不到他如此包容。
雖然湊著個小豆丁，所有生活都變成圍著他來轉，連私人時間都少得可憐，但能夠見證著他由一個只懂哇哇叫的手抱嬰兒，到現在開始能夠跟我們互動的小朋友，有事的時候又懂得哭著來找媽媽，已足以令艾菲覺得做FTM的選擇是正確的。
生燒腩仔前艾菲是個比較悲觀的人，但經過跟燒腩仔一年多的相處之後，連米高都覺得艾菲變得正面了很多，所以做父母絕對不是單向灌輸子女，而是實實在在地跟他們互相影響一起成長，但願艾菲和燒腩仔這個化學作用，在未來一年能夠繼續發揮作用，讓燒腩仔一直在一個充滿愛和歡笑的家庭裡長大吧﹗
2014年，艾菲的目標只有一個，就是繼續努力學做一個好媽媽好太太﹗
遲來的HAPPY NEW YEAR~~~~
回覆刪除做爸爸媽媽(由其係FTM)，真係好辛苦,不過見到佢一日一日咁長大,真係覺得好開心。我同你一樣,以前個人比較悲觀,諗嘢有時會好灰,但有咗妹豬之後,真係成個人都唔同咗,誇張啲講,覺得自己幸福到好似擁有咗全世界，2014年大家繼續努力學做一個好媽媽好太太~~~~~~~~
一D都唔誇張呀，宜家真係佢快樂所以我快樂㗎﹗大家來緊一年一齊加油呀﹗
刪除happy new year ah! 大家繼續做好媽媽!
回覆刪除我都覺得啲人仔愈大愈有性格, 心又野晒. 不過唔同階段有唔同既玩法. 哈哈!
一齊加油﹗佢哋真係越大越多古怪嘢，真係鬥智又鬥力少D精力都唔夠佢哋來
刪除happy new year~~
回覆刪除add oil!! i will also resign after my maternity leave n be a FTM ~~
O...歡迎加入FTM行列，不過你一個湊兩個肯定仲辛苦呀﹗加油呀﹗
刪除happy new year ！！
回覆刪除Happy New Year!
刪除Happy New Year~~
回覆刪除你一定會係一個好媽媽 & 好太太. 加油﹗
你都係啦，一齊加油﹗
刪除happy new year !! 艾菲媽媽努力加油，我好多野要跟你學習，我真心覺得你係好媽媽，買嘅用嘅都係實而不華，而且又肯同我地分享！
回覆刪除嘻...你咁朆包包，你都一定係好媽媽來﹗Happy New Year!
刪除祝願望達成﹗
回覆刪除新年快樂，過健康、幸福、甜蜜的2014(愛你一世)啦﹗﹗
Thx! 大家咁話﹗開開心心過一年﹗
刪除新年快樂! 我都打算今年遲D 做FTM 呀, 希望到時唔到CHI SEEN 啦...
回覆刪除wow...歡迎加入FTM行列呀﹗辛苦但值得㗎﹗而且習慣咗就OK，唔使太擔心﹗
刪除我只係諗過做好媽媽，無諗過做好太太，哈
回覆刪除咁無好老公又何來好爸爸呢，嘻...
刪除燒腩媽好叻叻，做FTM真係唔容易，尤其燒腩仔開始大又瞓得少，真係由朝踩到晚。燒腩爸放工會幫手做家務，真係難得，抵讚呀！
回覆刪除咁橋，我以前都好悲觀，乜都唸左差先，有左肚B之後都慢慢改變，變得開心同樂觀左。我仲好內向，因為肚B而多左同啲媽媽傾下偈，我都估唔到 ^^
哈哈...係呀，我以前好摺，唔多肯同人講嘢，成日畀老公笑我有社交障礙，但生完個仔之後會成日陪個仔撩D陌生人玩（即佢撩完人走咗去我幫佢執手尾），有時見到D新手媽媽搞唔掂都會主動幫手
刪除老公咁肯幫手好難得呢！一個成功 FTM 背後要有老公支持㗎！
回覆刪除係呀，無佢支持真係無可能做到FTM呀
刪除米高真是一個好老公。
回覆刪除嘻...FTM背後總需要一個好老公嘅
刪除