恭喜發財﹗
我燒腩仔係到祝大家身體健康﹗心想事成﹗大吉大利﹗財源廣進﹗
嘻...今年係我第二年過嘅農曆新年，爸爸媽媽話來緊一星期會好忙，要四圍去同D親戚朋友拜年同逗利是，仲由上星期開始密密同我練習做恭喜嘅手勢，唔...希望我呢幾日嘅表現好D唔會失禮佢哋啦﹗
而我亦想係到祝爸爸今年繼續畀心機搵錢養我同媽媽﹗媽媽就青春美麗對我溫柔D同煮多D好嘢我食﹗自己就聰明伶俐快高長大兼唔好成日激嬲媽媽﹗恭喜恭喜﹗
另外仲有個題外話呀，上次媽媽post咗有我樣D揮春出來，唔少姨姨睇完都問件衫咁sharp醒係邊到買，其實如果你哋有睇過我上年嘅賀年相就會知，件衫其實係媽媽上年係花園街買嘅雙面衫來，上年著時仲有大要靠厚衫撐住，今年就啱啱好fit身（好彩今年天氣熱唔使著厚衫係入面），咁上年著咗紅色嘅一面，媽媽話今年試吓著綠色呢邊，係唔係都一樣咁型仔呢﹗kakaka...
水太太祝你新春快樂﹗馬到功成﹗龍馬精神﹗一家平安﹗
回覆刪除大家咁話﹗燒腩仔都祝返姨姨心想事成﹗身體健康﹗
刪除南瓜仔都係拎上年件衫，但今年件衫已經唔係好啱著，手同腳都短左少少
回覆刪除燒腩仔著緊呢件係一歲碼來，只得上身外套，所以唔著厚衫係入面都仲OK
刪除件衫好醒神呀！
回覆刪除祝你地一家新年快樂
多謝EE﹗Mrs. Wu一家都要身體健康﹗心想事成﹗BB快高長大﹗
刪除祝燒腩仔快高長大, 身體健康~
回覆刪除晉晉都要身體健康同繼續聰明伶俐呀﹗
刪除燒腩仔疏個蛋撻頭好sharp 醒呀
回覆刪除祝你哋一個開心幸福
佢呢個天生蛋撻頭真係好正㗎﹗
刪除我都祝蛇仔明一家身體健康同心想事成﹗
新年快樂, 祝燒腩仔馬上快高長大, 艾菲馬上青春常駐
回覆刪除燒腩仔年年新年都有靚衫衫著, 好喜慶呀
嘻...都係同一件衫咋，出年應該唔啱著啦
刪除暲暲一家都要身體健康同幸福美滿呀﹗
燒煵仔真係好可愛呀，祝你地一家健康快樂，小朋友快高長大！
回覆刪除包包都一樣咁cute，祝包包精乖伶俐，媽媽就越來越靚﹗
刪除燒腩仔..得意到你丫~~
回覆刪除ee祝您一家永遠都咁開心常樂, 身體健壯!!!
嘻...鏡頭背後不知幾咁唔得意
刪除多謝EE，燒腩仔都祝你一家笑口常開同身體健康﹗
恭喜發財, 祝燒腩仔一家馬年大吉~
回覆刪除嘻...多謝EE，我都祝返你哋馬上行運﹗
刪除我果件都諗住著到佢4-5歲架! WAHAHAHAHAH
回覆刪除我都想呀，不過怕且件衫出年都未必頂得住啦....
刪除一樣咁型仔呢﹗點著都一樣咁型啦~~
回覆刪除嘻...多謝EE，我睇咗小檬著那件都係一樣咁型仔呀
刪除原來花園街買，我鐘意雙面款呀，我唸住出年都要買番件靚靚新年衫畀肚B（之前果件畀人話似舞獅 >_<）
回覆刪除旺角花園街，灣仔太源街，佐敦保靈街同深水埗福X街都好多呢D衫買㗎，燒腩仔呢個係男仔款來，如果女仔的話我見有好多好靚嘅小鳳仙款，再唔係一條中國裙咁都好殺食㗎
刪除