燒腩仔廚房

登...凳...這個就是艾菲之前賣關子那個DIY玩具——燒腩仔廚房了，花了兩個多月的時間籌備，好不容易終於順利完工﹗

由於艾菲實在太喜歡玩煮飯仔，又由於艾菲一直覺得廚房是煮飯仔的必須品，所以一直很想替同樣喜歡玩煮飯仔的燒腩仔添個廚房，一圓兒時未能擁有一個私家煮飯仔廚房的夢，但淘寶所見的煮飯仔廚房又貴又大件，不用問都知米高一定反對，無意間見到有台灣媽媽用Ikea紙盒做了一個紙廚房給小朋友玩，艾菲見難度好像不太高，而且自家製size能夠由自己控制，於是膽粗粗選了爐頭，鋅盤和焗爐這三個items來做。

跟米高提起這個idea，他總認為艾菲太瘋狂，覺得是mission impossible的事，但實情是整個製作過程中，最難只是搜尋合適的紙盒和配件這部分，其他都不過是簡單的剪剪貼貼，連艾菲這個Art最高分只有D的人都做得到，就足以證明這個紙廚房絕對不是甚麼複雜東西。



在講解製作過程之前，先讓大家看看這個紙廚房的用料和材料費吧...

大盒1個  free（用咗P仔麵包機個跟機紙皮盒）
細盒1個  free（用咗麵包超人入形狀玩具個紙皮盒）
透明膠1塊  free （咁啱聖誕節收到份禮物個盒有塊大透明膠，如果唔係可以用透明file代替）
蒸架1個 $10（如果雙爐頭就要用兩個）
水盤1個  free（有D媽媽會用真水盤，但咁啱屋企有個舊食物盒唔要，就俾艾菲拎咗來做水盤）
水龍頭1個 free（有D媽媽會用真水龍頭，艾菲就跟其他環保媽媽嘅建議，用舊lotion樽上個頭當水龍頭）
手柄1個  free（有媽媽用真嘅廚櫃手柄，又有D就咁用繩，咁啱做冬時燒腩仔姨媽拎咗個haagen daz雪糕火鍋返來，佢個盒面有個好實淨嘅膠手柄，就畀艾菲拆咗來用）
煲蓋1個  free（用咗牛奶盒蓋代替）
計時器1個 $11.9（呢個一定要買，因為扭到又有聲，最吸引小朋友）
磁石2粒 $12（唔用磁石可以用魔術貼）
煲1個  $12 （12蚊店貨色，貪佢又平又夠輕身，燒腩仔都實拎得起）
鑊鏟1-2個  $12（飯殼會啱佢哋手型D）
餐具1套  $19.9（只係買咗一套Ikea膠碗拆兩隻畀佢玩，其餘都係搵返之前入媽媽會時送嘅餐具畀燒腩仔玩）

Total: $77.8（呢個價錢連淘個膠廚房落來都唔得啦﹗）



集齊所需工具之後便可以正式開工﹗艾菲先做相對較為多工序的焗爐，修剪好盒蓋的四邊之後可以先裝上手柄，然後在下面開一個長方形的洞，再在洞的背面貼上透明膠，最後在開關位置貼上磁石就是一個可以開門關門的焗爐了﹗



做好焗爐那部分，餘下的便是將配件裝上大盒這個步驟，首先要度好位放水盤和爐頭，接著用些少暴力將蒸架插進盒面即成爐頭，在旁邊剪個洞將食物盒塞進去就是水盤（由於艾菲用嘅食物盒係透明底，所以艾菲係食物盒背後貼咗錫紙令佢無咁樣衰），然後在水盤上方剪個洞將水龍頭塞進去，再在盒中間剪個洞將焗爐放進去，確定全部配件的位置OK就用熱溶膠槍將它們貼好定型，封箱前記得要在盒內放一些不要的舊書或雜誌，讓小朋友沒那麼容易將它抬起，艾菲也同時塞了些發泡膠進去做支撐（用返麵包機盒入面D發泡膠，所以size啱啱好），以防燒腩仔整個人趴上去時也沒那麼容易被他壓扁。



封箱後只需在外邊貼上爐頭開關掣和計時器，那麼這個紙廚房便大功告成﹗現時廚房的高度對燒腩仔(78cm)來說是剛剛好，如果他日後長高了廚房變得太矮時，只需在盒底貼個扁身紙盒或者幾本不要的舊書即可，靈活度相當之高呢﹗



在搜集紙廚房配件的同時，艾菲也留了一個BB沐浴露試用裝的樽仔給他做洗潔精，亦特別裁剪了一個街市買蛋時附送的雞蛋紙皮給他放雞蛋，而燒腩仔最like的便是艾菲用益力多樽加幾粒米再封錫紙做的調味料樽，因為搖起來會有沙沙聲嘛﹗XD

既然廚房的setting已經準備就緒，也是時候請艾菲家的大廚燒腩仔出場了﹗



噠噠噠...開火...



炒呀炒...夠唔夠鑊氣呀？



落D鹽...再落D糖...



等我試清楚個味得唔得先﹗



夠鐘拎焗爐D食物出來啦﹗



終於食得﹗唔...好好味呀﹗

雖然燒腩仔明顯仍未太懂得玩，但見他不停摸摸這碰碰那的興奮模樣，拿起飯殼又會立即大大聲的叫「畢」，艾菲就知他很喜歡這個煮飯仔廚房，亦已經感到很安慰和心滿意足了﹗