放假先來落雨...

放假先來落雨...唔通連個天都唔鐘意我？？？



返咗三日學，難得等到星期六放假，但D雨落唔停仲凍凍地，咁咪無街去無得玩？



嘻...大家咁諗就錯啦，媽媽話落雨梗係要著齊全副裝備去踩水氹啦﹗



Ready...



Jump!!!



Done!!!

落雨天，小朋友最鐘意就係踩水氹，平日著到靚靚咁出街，梗係唔想畀佢踩到成身成腳濕晒啦，但你叫佢唔踩佢又點會心熄吖，所以艾菲就寧願畀佢著晒雨褸水鞋盡情地踩，等佢玩過試過滿足咗心癮，到平日stop佢時都肯聽肯停，知道就算要玩都要分時候，唔好一味say no好似好專制咁。



其實呢，落雨都唔代表無得玩嘅，我哋換過條褲又去咗藍田playroom玩啦﹗




呢個場其實好細同無咩嘢玩，但勝在人真係唔多同少野蠻朋友（之前去過其他playroom，真係有D小朋友好霸道，霸住大部分設施唔畀其他人玩㗎），而且小朋友有得玩有空間跑就夠，所以我哋過開來藍田都會來一來呢到畀燒腩仔放電，佢今次就玩到忽然趴落地下瞓，再調轉爬上滑梯，突埋個肚腩出來，仲專登大叫引其他小朋友注意，忘晒形咁勁開心。




艾菲都係一貫作風，畀得佢去玩就由佢喺安全情況下自由發揮，唔會跟住尾呢樣唔得嗰樣唔得咁煩，雖然未至於坐喺側邊玩電話完全唔理，不過就只係遠距離拎住相機不停偷影佢，專心影靚相來自娛囉，hehe...