小朋友瞓得好唔好，足以影響佢一日嘅表現，由細到大艾菲都好著重燒腩仔嘅睡眠質素，而要小朋友瞓得好，除咗要有舒服嘅入睡環境，一個好嘅枕頭都好重要，所以艾菲今次見到MyBB有GIO PILLOW試用，就即刻報名參加。
市面上好多嬰幼兒枕頭都係單一尺寸，不過GIO PILLOW就根據亞洲BB月齡同頭圍發展，設計咗三個尺碼，相對更加有效為小朋友管理頭型，而且個枕頭入面有「3D蜂巢立體透氣層」，涼爽透氣不流汗，枕心同枕袋又可清洗兼速乾，杜絕塵璊過敏源，真係好啱大汗又容易皮膚敏感嘅燒腩仔。
枕頭寫明Made in Korea，仲擁有專利認證，能夠預防同改善因為睡姿而引起嘅頭像變型情況，再加上Airmesh有空氣層能呼吸嘅枕心，有助降低嬰兒窒息嘅風險，就連未足六個月大嘅初生BB都可以安心使用。
洗乾淨個沈頭同枕袋，艾菲就即刻拎畀燒腩仔試用，佢用嘅當然係適合2-8歲小朋友用嘅L碼，識貨嘅燒腩仔一瞓落個枕頭到就大叫舒服，然後唔使一陣就呼呼入睡，仲瞓瞓吓自己「咔」一聲笑咗出來添，睇來個枕頭真係舒服到連發個夢都特別甜咁喎﹗
沒有留言:
張貼留言