同米高講咗三次，終於喺上星期日最後一日，落雨無得去邊時，先肯同我哋去，本來諗住一早起身就出發，再落深水埗食好嘢同睇玩具，成個行程睇落好perfect，點知...先係艾菲瞓過龍，搞到遲出門口，要喺樓下商場食埋午餐先走到，然後...輪到燒腩仔食完成碗意粉嘔返晒出來，要急急腳上樓清潔休息一輪，確定佢無發燒只係食太飽，我哋先敢出發。
去到都成三點幾，大堂位置放咗D蘭花畀人欣賞，亦有個位係可以扮種蘭花，但怕污糟嘅燒腩仔係完全唔識欣賞。
行入室內諗住睇吓有咩玩，點知當日所有workshop已經full晒，包括燒腩仔最想玩個滑梯，一場來到又乜都無得玩，小朋友當然失望兼扭計，連艾菲都有D後悔來咗，然後講咗一大輪道理，先拉到佢行落下一層，見到呢個secert garden排隊就玩得，拿拿聲行埋去排。
好彩燒腩仔最近唔再抗拒填色，都叫做肯參與有專心油，不過由於係最後一日嘅關係，場內嘅填色位幾乎被填滿，我哋只可以搵D未填晒嘅畀燒腩仔油，例如呢塊葉中間紅色部分嘅少少位咁。
YEAH!
填完色見隔離有個攤位係整明信片，都係排隊就可以玩，我哋又排來玩吓，雖然燒腩仔唔太知自己整緊咩，但都叫做有D嘢畀佢玩，唔好空手而回咁慘慘豬啦﹗
我哋行咗一個鐘左右，已經玩完成個知蘭而行，然後就喺賽馬會創意藝術中心到逐層逛吓，其實呢到係無咩嘢睇，大部分都係D要預先報名先參加得嘅workshop，間中先有一兩間shop可以行吓睇吓嘢。
行完見燒腩仔個樣有D攰，我哋就決定搵間茶餐廳坐低食個tea畀佢休息吓，不過佢啱啱嘔完咩都唔食得，好彩車迷有車就乜都得，呢期至愛已經由工地車轉咗做校車啦﹗
至於艾菲啦，難得呢餐唔使同燒腩仔share，真係放監咁要食好D，叫咗個N咁多年無食過嘅沙嗲牛肉包，嘩﹗超好味呀﹗^^
沒有留言:
張貼留言