左上：咦？呢個乜東東來㗎？有枝嘢咁光嘅？
右上：（艾菲同婆婆一齊唱生日歌之後）嘩﹗你哋同我慶祝生日呀？好開心呀﹗
左下：（真正主角姨媽終於出現）哈哈...我好開心呀﹗
右下：吓？乜個生日蛋糕唔係我㗎？
呢張相，艾菲真係睇幾多次都覺得好好笑﹗話說當日係慶祝燒腩仔姨媽生日，婆婆一拎個生日蛋糕出來，燒腩仔已經好興奮踢晒腳咁，不過我哋一點生日蠟燭，佢就即時變咗個奇怪樣出來，於是婆婆就叫我哋一齊大大聲對住佢唱生日歌，等佢以為我哋係同佢慶祝睇吓佢會有咩反應，而呢個小朋友都非常受落，到真正主角姨媽出場話要同佢影合照，佢就好似知道我哋玩佢咁，歪晒咀郁身郁勢唔肯合作。
仔呀仔，你仲有個幾月先一歲生日呀，呢次當係rehearsal先啦，到時我哋再同你慶祝同切蛋糕啦，媽媽已經好努力咁安排緊點同你慶祝，雖然你到時都仲係一舊飯唔會知同記得發生乜事，但媽媽都會盡量令你有個難忘嘅生日㗎﹗
同場加映一張艾菲一歲生日時影嘅相，其實點解燒腩仔婆婆咁想試吓燒腩仔對生日蛋糕有咩反應，就係事源艾菲想當年一見到自己個生日蛋糕，就好認真咁拎上手研究咗一輪，所以佢好想知燒腩仔會唔會有同樣反應囉﹗
燒腩仔婆婆當年已經安排cake smash俾艾菲, 吾知艾菲會安排咩野俾燒腩仔呢?
回覆刪除[Ivy08/30/2013 17:29:12]哈哈...經你咁講先發現婆婆咁潮添
我暫時都只係安排咗D行貨小型生日會來同佢慶祝，但正日點搞仲未有idea呀
好珍貴O既相呀, 到時燒腩仔要影返張一模一樣~
回覆刪除[Ivy08/30/2013 17:29:37]good idea!!!等我諗吓點樣可以令佢同我有一樣嘅反應同表情先﹗
咁細個就有蛋糕呀你，你屋企人都好錫你呀！
回覆刪除[Ivy09/01/2013 02:28:34]嘻...燒腩仔婆婆每年都好重視我哋生日㗎﹗