試用：QueenBEE Secrets 嬰兒呵護霜

燒腩仔已經十個月大，touch wood皮膚一向無乜大問題，好好彩無食物敏感亦無嬰兒濕疹，所以艾菲平時都只係同燒腩仔搽凡士林或者椰子油，不過最近聽其他媽媽講凡士林含石油好似唔多好咁，所以都想試用吓其他嬰兒護膚品，咁啱MyBB.com就邀請艾菲試用QueenBEE Secrets嬰兒呵護霜。

100%澳洲天然手工製造，包裝簡單嘅圓形鐵盒要扭先開到，咁燒腩仔就算拎到都唔會識得自己開，唔怕佢會食到落肚。

打開之後會見到枝刮，就咁用手指係唔會用到，一定要用枝刮好似筆雪糕咁筆出來先用到，佢嘅主要成份係澳大利亞原蜂蠟，薰衣草同番木瓜，味道唔會太濃，（艾菲本身唔太like薰衣草味都接受到）適合初生BB使用，除咗保護BB幼嫩嘅肌膚，仲可以預防口水疹，舒緩嬰兒濕疹，治療尿布疹，同去除嬰兒脂漏性皮膚炎。

燒腩仔最近上游水堂要用游水片，唔知係條游水片焗定D池水唔乾淨，好多時返到屋企都會有少少pat pat紅，艾菲換片時就同佢搽少少，到幾個鐘後再換片時已經唔再紅﹗之前燒腩仔pat pat紅艾菲都係用Mustela pat pat膏，雖然work但每次用完都會白咗一大撻，要沖涼時好用力咁捽先會甩，不過QueenBEE Secrets呢個呵護霜就無呢個問題，搽落去之後會有一層保護膜咁係皮膚到都幾潤，無色之餘過一段時間就會畀皮膚吸收晒唔使特別抹，Good﹗

見燒腩仔用得唔錯，艾菲自己都貪得意用埋一份，自從生完燒腩仔之後艾菲得到一對濕疹手，間中就發作痕到爆炸，搽咗椰子油好耐情況都係時好時壞，見介紹話可以舒緩嬰兒濕疹艾菲就拎來用吓，雖然搽完D濕疹都仲係好似想發出來咁，但的確令到艾菲舒服D無咁痕同令對手無咁乾，唔錯唔錯﹗