係小檬媽安排下，一眾Blog Blog BB又可以出來聚一聚一齊玩吓啦﹗而今次嘅聚腳點就係大本型三樓間Play Academy﹗仲要係全日任玩，出出入入都無問題，Good呀﹗可惜我哋因為有下場，所以只係去咗早場，玩咗個幾鐘就要走啦﹗
唔知係唔係燒腩仔前一晚同婆婆玩得太high，佢成晚都瞓得唔多好，仲早咗成個鐘起身，出門口時已經有D扭眼瞓，艾菲都估到佢狀態不佳㗎啦，果然去到都係keep住呆呆滯滯，好彩有南瓜仔主動撩佢玩。
同南瓜仔玩咗陣之後就帶咗佢入迷宮玩，迷宮入面有拋波波，有滑梯波波池，有韆鞦，但燒腩仔竟然無樣like﹗唯獨呢個彈床佢勉強OK，不過...佢仲未識跳㗎喎。
唔like迷宮就帶返佢出去玩啦﹗睇吓佢玩搖搖馬個樣幾不滿﹗
一坐落車有得扭軚盤即刻變返笑樣，仲好快學識控制架車添，由初初向後行到後來識得向前行。
燒腩仔：唔...揸去邊好呢？
揸完私家車就轉渣跑車啦﹗型呀﹗
呢到仲有兩間艾菲細個好恨玩嘅玩具屋仔添﹗
之後同佢返去體操場爬吓高
又推吓積木咁
再呃佢坐入波波池
後尾見有D圓筒型軟墊，就將燒腩仔放入去困住佢
田鼠媽見到又放田鼠B落去玩吓﹗跟住南瓜仔係出面睇到好肉緊﹗
南瓜仔：你係入面搞咩呀？我都想入來玩呀﹗
燒腩仔：嘻...你想入來？無咁易呀﹗
南瓜仔：我終於都入到來啦﹗
燒腩仔：好兄弟﹗攬吓先啦﹗
南瓜仔&燒腩仔：好啦喎﹗你哋影夠未？唔好阻住我哋兩個商量越獄大計好喎﹗
後來燒腩仔開始扭得越來越勁，所以我哋決定徹退，臨走前同南瓜仔，龍BB同朗朗一齊影返張大合照先﹗呢張相真係出盡法寶先影得成，好彩龍B媽夠細心，帶定BB最愛星星餅同玩具﹗
其 實艾菲之前都來過大本型兩次，呢個商場係正地鐵站隔離真係超方便，而且都算多嘢食，一直以來嘅印象都唔錯﹗至於呢間Play Academy畀艾菲感覺都幾好，最重要係幾適合小BB來玩，除咗有好多啱佢哋玩嘅設施之外，仲有足夠活動空間畀佢哋去爬or行，就算有年紀較大嘅小朋友 來到，家長都睇到唔怕佢哋會整親小BB，感覺比較安心﹗
大本型Play Academy
南瓜仔同燒腩仔真係好兄弟，兩個迫響個筒裡面，燒腩仔仲要流晒口水，好搞笑呀
回覆刪除[Ivy08/27/2013 17:42:02]我都係返來睇相先見佢成口口水，唔知係唔係見到南瓜仔流晒口水呢
一齊迫入個筒個張好攪笑
回覆刪除[Ivy08/27/2013 17:41:34]只係啱啱好放到兩個BB
你影左好多靚相, 好犀利呀!
回覆刪除[Ivy08/27/2013 17:41:06]係因為佢仲未識行識走啦
真係好兄弟呀！
回覆刪除[Ivy08/27/2013 17:40:39]YEAH！！！
我唔記得同燒腩仔影返張相添
回覆刪除[Ivy08/27/2013 17:40:29]係喎...下次一定要影返
嘩, 同南瓜仔好friend wor~~~~
回覆刪除[Ivy08/27/2013 17:40:16]嘻...我都估唔到燒腩仔今次會咁主動
wa~乜原來燒腩仔同南瓜仔咁fd
回覆刪除4架車一齊平排真係好壯觀
[Ivy08/27/2013 17:39:53]嘻...做阿媽嘅見到佢識得同其他BB玩真係好開心﹗
4架車拍埋影呢張相真係搞咗好耐先影到㗎﹗
燒腩仔D 頭髮長左喎, 篤眼添啦~
回覆刪除原來架車要人肉開動嫁? 我睇艾菲既相先發現咋! 燒腩仔同南瓜仔真係FRIEND啦~
[Ivy08/28/2013 00:50:08]唔...又係時候要同佢剪頭髮啦!!!
呢架要佢自己係入面行㗎，但有個唔好就係佢哋呢D未真係識行嘅小B，好容易跌低被困有少少危險，我哋影大合照就係因為佢哋輪流跌低所以搞咗好耐呀
幾好玩喎，咦，今次全男班？
回覆刪除[Ivy08/30/2013 01:11:44]朝早得多多一個女仔咋，其他女仔有事唔得閒來呀，如果唔係一定會好玩D