表情王＠西九龍海濱公園

一連幾日嘅拜年拜年同拜年，對小朋友來講其實都幾悶，所以完成頭幾日嘅拜年活動後，我哋都開始plan吓去玩畀小朋友放電，可惜天公不造美，初一開始落雨到初四，連去樓下公園sir吓滑梯都唔得，好彩米高初五初六放多兩日假，雖然天陰陰但總算無雨，所以食飽lunch執齊嘢就出發啦﹗



初五帶咗燒腩仔去同同學仔玩，來到初六就留返畀我哋一家四口family day，呢晚約咗屋企人喺旺角食飯，所以諗住近近地帶佢哋去西九龍海濱公園玩，點知都不過係兩年無去，惜日我哋影結婚相同拍拖睇日落嘅地方，已經變咗做地盤，雖然早知會有呢一日，但心底裡依然覺得好可惜。



縮晒水嘅海濱公園，變到成個單車公園咁，燒腩仔一去到就指住D單車話要踩，不過此行逗留時間唔長，我哋無打算租車畀佢踩，然後行吓行吓見到幾張呢D可移動嘅綠色凳，一張張放喺草地嘅不同角落，哈哈...啱晒唔多鐘意掂草嘅燒腩仔。



一場來到，雖然無得踩單車，又無咗個遊樂場玩，仲要天陰陰無日落睇，不過都捉佢兩個一齊影返張到此一遊相啦﹗

喺凳到影完相，艾菲當然想同佢哋落草地影，燒腩仔例牌唔會有興趣可以不理，所以就到我家表情王BB豆豬出場啦...啦...啦...



先來一個奸豬妹﹗



緊接住有伸脷妹﹗



跟住有微笑妹﹗



同傻笑妹﹗



仲有唔少得嘅大笑妹﹗



最後出場就係委屈妹﹗

其實艾菲都不過係無無聊聊同BB豆豬影吓相留念，估唔到佢咁畀面畀足咁多個表情艾菲，不過哥哥一埋位同佢一齊影，就即變臉扭眼瞓委屈喊唔望鏡兼走佬，硬係唔畀艾菲影張相親相愛嘅兄妹相囉﹗>.<



又其實呢，表情王笨唔係BB豆豬嘅專利來嘅，哥哥嘅騎呢樣一D都唔弱㗎，就好似呢日燒腩仔無端端喺到扮大人講嘢，見佢講到樣衰衰咁即舉機想影低佢個浮誇樣，點知艾菲一拎起電話佢就整個咁嘅樣艾菲歎，影完睇返笑到艾菲肚痛呀﹗kakaka...