試用：Hallmark Babies嬰童裝產品

最近天氣開始轉涼，又係時候幫燒腩仔準備換季，而咁啱艾菲就喺呢個時候抽到MyBB.com嘅試用，收到幾件Hallmark Babies嘅衫仔，燒腩仔來緊呢個冬天又有靚衫著啦﹗

Hallmark Babies相信無乜邊個媽媽會未聽過，佢哋出名衫仔質地好摸落舒服之外，仲選用不含有害物質嘅無線鈕扣，通過金屬測試，確保無斷針或者殘留金屬，媽媽可以安心畀小朋友著上身。



而艾菲今次收到嘅就係一件禮服裇衫連煲呔，同埋一條型仔啡色棉褲，睇件禮服裇衫嘅details位就知設計認真，同大人嘅禮服裇衫絕對有得fight一D都唔馬虎，而條褲仔除咗夠型同質地好之外，艾菲最欣賞就係個修腳位，就算宜家燒腩仔著落有長都唔怕褲腳跌落來。



另外仲有一件有Hallmark's Mason Bear圖案嘅開胸外套，質地好又唔太厚，可以喺秋天同冬天唔太凍時著，仲要係用綠色做主色啱晒艾菲杯茶，Good﹗



洗乾淨D衫就要請小model燒腩仔出場啦﹗燒腩仔個紳士look得唔得呀？來緊去飲表姑姐結婚餐酒就啱晒啦﹗至於外套搭型仔長褲嘅look，casual得來不失書生氣質，燒腩仔平日嘅霸氣即刻減退唔少，來緊去interview可以考慮咁著去呃吓人，哈哈...

由於艾菲揀咗要100碼for 2-3歲，唔知係唔係外國碼真係大D呢，D衫全部都有大，尤其件禮服裇衫一定要摺袖著，睇來出年都應該仲會啱著喎，一件小朋友衫可以著到兩年，抵呀﹗