Mini生日會

今年同上年一樣，我哋繼續唔幫燒腩仔大搞生日會，只係借咗公公婆婆屋企搞個Mini生日會，請咗好錫燒腩仔嘅姨媽同姑婆一家來玩就算，簡簡單單又容易handle，最重要係主角燒腩仔唔使怕陌生人被逼應酬，可以盡情地投入地玩﹗



生日會場地布置，絕大部分都係淘寶貨來（遲D出篇淘寶blog介紹吓），之前有諗過度身訂造一set有theme有名嘅布置㗎，不過艾菲呢排實在太懶散，最終拖到最後先落order，所以只可以揀現成款（仲搞到差D收唔切貨添呀﹗），用燒腩仔最鐘意唱嘅「一閃一閃小星星」做theme，另外吸收咗上年嘅經驗，艾菲今年hea得來都認真返少少，上網donwload咗D file，DIY咗條細嘅Happy Birthday banner，Birthday poster同回禮曲奇餅。



今次生日會終於有小朋友加入啦﹗表妹仔越來越大個，就快識得同燒腩仔玩啦﹗



登...凳...主角出場啦﹗呢排明明忙到癲，晚晚搞到凌晨四五點先得閒瞓，艾菲依然pat pat痕整咗件birthday tee畀燒腩仔，連個badge都係艾菲捱通宵逐針逐針聯㗎﹗只可惜燒腩仔生日前突然爆出一班藍色絲帶暴徒，搞到艾菲勁後悔揀咗藍色做底色囉﹗



氹到口水都乾先成功氹到燒腩仔帶呢副眼鏡畀艾菲影相，不過佢帶咗唔夠半分鐘就即刻除返落來，之後就點都唔肯再帶啦﹗



燒腩仔：人齊啦﹗開餐啦﹗

今年終於有份同大人一齊食，所以特別興奮同緊張。



呢餐主打都係一田超市外賣食物，不過艾菲都好有心咁整咗吞拿魚薯仔沙律，同星星型菠蘿，至於燒腩仔公公就整咗勁好味嘅茶葉蛋同鹵水雞翼，Yummy!



食飽飯就到生日蛋糕出場啦﹗艾菲今年唔想再訂美心蛋糕咁hea，於是上網search咗好耐料，終於訂咗個麵包超人蛋糕畀燒腩仔，一拎出來大家都忍唔住嘩嘩聲呢﹗



燒腩仔：嘩﹗麵包超人呀﹗



燒腩仔：Happy Birthday to you, Happy Birthday to you, Happy Birthday to 謙謙, Happy Birthday to you﹗（為咗吹蠟燭佢真係練咗呢首生日歌好耐㗎﹗kakaka...）



燒腩仔：終於唱完啦﹗Ready﹗



燒腩仔：呼﹗呼﹗呼﹗呼﹗呼﹗呼﹗



燒腩仔：好嘢﹗



燒腩仔：um...我真係好鐘意食蛋糕㗎﹗

食完蛋糕就梗係到拆禮物環節啦，不過因為佢前後分咗三次拆禮物，所以艾菲決定下一篇再續。