我為車狂

一歲半的燒腩仔到底是甚麼模樣的呢？恐怕過多一陣子連艾菲自己都會忘記，所以很想替他影輯相紀念一下， 雖然之前團購了Face的影相package，不過米高最近比較忙難請假去影，近日天氣又持續不穩不敢帶他去公園影相，唯有襯米高星期日返工，艾菲在家親自操刀替燒腩仔影吧﹗



艾菲早前淘了張白色絨毛地毯，但要一個會行會走的小朋友在裡面坐定定影相，基本上是沒可能的事，特別是只得我倆單對單就更加高難度，思前想後考慮了多天之後，決定今次home studio以車為主題，將燒腩仔名下全部車放出來任他玩，至少都可以留得住他的人嘛...



主角燒腩仔埋位即自動波將地毯上的車推來推去，亦很罕有地完全沒有越獄的打算﹗Good!



艾菲：幫我截架車吖﹗
燒腩仔：Taxi﹗



行平地行得多見悶要轉行天橋（凳面）和隧道（凳底）。



自創新招坐巴士？先生...似乎超載喎...



燒腩仔：玩到悶悶地，等我chok吓先﹗



燒腩仔：再伸個懶腰順便放吓電添啦﹗嘻...暈低未呀？



燒腩仔：快樂嘅時光過得特別快，又係時間講bye bye啦﹗

單看相片大家應該以為燒腩仔當時很合作，實情是他除了很專心地玩車之外完全不肯理我，所以起初影出來的相，不是低頭連眼都看不見，就是只得毫無表情的三七面，到中段艾菲本來想放棄，打算食完馬仔休息一會便收拾殘局，怎料燒腩仔見艾菲有馬仔食即興奮地撲過來，於是叮一聲的艾菲立即想到用馬仔做餌，要他配合艾菲的指令做動作才有馬仔吃，結果啦...艾菲這個訓練員當然是大成功啦...啦...啦...不過單手拿相機的後果就是很多相片都變得「鬆郁矇」兼拿捏不到好角度，所以就只得上面幾張相叫做稍為見得人啦﹗