特大加厚地墊＠淘寶

自燒腩仔學懂爬和開始學企後，每次艾菲行開去廚房洗碗，不時都會聽到很響亮的「呯」一聲，接著便是燒腩仔淒厲的嚎哭聲，再加上燒腩仔特愛「撼頭埋牆」，明知無路行都要將個頭鑽向牆，艾菲唯有上淘寶淘砌圖形特大加厚地墊回來，放牆邊盡量作保護。

其實類似特大加厚地墊香港都有得買，但艾菲看過至少要$50一塊，買四塊已經要$200，但在淘寶買一樣size的地墊，60cm x 60cm x
2.5cm厚，還要每塊地墊額外附送兩條膠邊，連運費只需$30左右一塊，現在艾菲淘六塊都不過是百多元，雖說是有點小瑕疵和膠味（膠味吹半日已經無咗），但絕不影響質量（塊地墊真係好厚，質地當然無得同Dwinguler呢D比，艾菲試過用自己個頭撞埋去，痛都係痛但肯定無直接撞落牆咁痛）。

因為我們本身有playmat，所以今次只淘六塊便可以，原先打算三塊放牆邊（艾菲識得有朋友用膠紙黐實，但艾菲就咁用玩具箱同梳化拍住企直就算），三塊留待燒腩仔長大後，要到自己睡房睡普通床時鋪地下，以防他下床時跣腳出意外，不過燒腩仔最近對playmat旁的電視櫃越來越有興趣，經常借意去摸和撞電視櫃門，為免出意外唯有暫時加多兩塊擋住（遲D佢識行應該會成塊地墊拎走，斷估唔會再咁豬撞個頭埋去啦掛），但大人開電視就麻煩一點要先拉一拉開才可以。

眼見燒腩仔已經懂得企，甚至想學大人舉步行路，艾菲今次淘寶都順道淘了一條學步帶回來備用，艾菲曾經見Ice媽媽用過，待BB站得穩以後，將學步帶圍著BB心口，便可以讓他嘗試學行，雖然大條但帶出街用都算輕身，而最重要是只需13人民幣一條而已﹗（上星期聚划算香港都有，連到港運費只需18人仔﹗）