母親節快樂﹗

今天是母親節，艾菲和燒腩仔先在此祝各位靚媽母親節快樂﹗

今年是我們第一年過的母親節，只得七個月大的燒腩仔當然不懂跟艾菲慶祝，但艾菲老早便跟米高申請，要求今天放幾小時假，由米高負責餵燒腩仔食第一餐奶和陪他玩，讓艾菲好好睡覺好，本來艾菲想同時申請不用準備燒腩仔的粥仔，但米高一句「唔識煲」，艾菲唯有乖乖爬起床...

以往燒腩仔未出世，艾菲逢weekend都可以睡至中午十二點自然醒，但燒腩仔出世後當然不可能這樣啦，燒腩仔不時半夜喊醒，再加上艾菲本身容易失眠，艾菲現在每天都不知道有沒有七小時睡眠（之前返工仲慘，頂多瞓到五個鐘﹗），但看著燒腩仔逐漸長大和懂性，艾菲頓覺這個犧牲是值得的﹗

跟燒腩仔食過粥仔後我們便出發回婆婆家慶祝母親節，而額外收獲竟然是艾菲終於可以跟米高兩個人去拍拖﹗放低燒腩仔在婆婆家我倆便出去shopping了一會兒（本來都想帶燒腩仔同行，但佢有D流鼻水都係多休息好），難得公公婆婆見到燒腩仔便開心，艾菲又可以放心去輕鬆一番（做咗FTM之後幾乎對足佢24小時完全無氣透），如此一舉兩得，這實在是本年度最好的母親節慶祝活動﹗

自結婚後都已經覺得媽媽好，今年正式加入慶祝母親節的行列後就更甚，特別是坐月後不久艾菲乳腺炎引致連續發燒四天那次，除了自己媽媽還有誰會願意毫無怨言，放下手上所有工作，頻頻撲撲的由老遠走出來照顧艾菲和燒腩仔？直至現在都不時傳授育兒和做人媽媽的心得（菲媽湊仔經驗豐富），讓艾菲這個新手媽媽能夠越戰越勇，所以「世上只有媽媽好」是真的，但願燒腩仔長大後都明白這個道理，懂得孝順媽媽和婆婆吧﹗