美人魚睡袋

燒腩仔：Oh! Baby! 我呢條美人魚靚唔靚呀？

事源有人每晚超級反瞓加踢被踢到飛起，又事源有人朝早起床換片時尿尿弄濕了全屋唯一一個睡袋（佢四個幾月大已經學識爆睡袋，所以只係得一個新買嘅睡袋可以用），但天氣實在太熱有人又太大汗不得不開冷氣睡，為免這個人半夜反瞓踢被冷倒生病，艾菲想過要他穿著冬天厚外套睡（但之前千辛萬苦先將佢哋收埋），亦想過較鬧鐘起床為他蓋被（呢個對勁懶瞓嘅艾菲來講仲難過搵返件厚外套出來），最終在艾菲想無可想下忽然靈機一觸，泡製了這條燒腩仔美人魚出來﹗

只是一張平日燒腩仔寧死都要踢開的冷氣被以及一個魔術貼肚圍，就解決了艾菲所有煩惱﹗先用被將他像捲春卷般捲好，再在外邊圍上肚圍就可以（圍係條腰到，封口在背面，但一定唔可以太緊，等佢仍然有足夠空間活動），測試了兩晚以後發現，無論他怎反瞓和雙腳怎踢都好，都解不開這個自製美人魚睡袋，實在是Very Good呀﹗