因為有免費門票的關係，我們終於在兩星期前的星期一，帶了燒腩仔去科學館湊熱鬧看恐龍，而這個燒腩仔在進場時心情明顯是超靚，艾菲叫他影相還相當合作立即擺pose呢﹗
不過進場以後，他的好心情已經好不到多久，因為習慣「乜都驚一餐」的他，是一如艾菲所料的有點怕那些大恐龍，沒有在場內大哭大叫已經算表現良好，要他跟恐龍合照更是全程呆樣...
基本上艾菲對恐龍是零興趣，反而米高有認真看展覽，不過都頗欣賞場內的互動遊戲，有部分燒腩仔仍未懂得玩，但有些簡單如扭扭蛋或亂畫亂寫留言都可以讓他參與一下的。
看完恐龍展已經是下午三時，雖然還有一個小時便到燒腩仔的午睡時間，但跟米高商量後還是覺得一場來到不如進場逛逛科學館，但這個小朋友未知是被恐龍嚇倒，還是開始有點累，全程呆樣甚麼都表現得不太有興趣，只肯玩跟車軚差不多的圓形物體。
在他完全無電之前快手帶他去兒童天地玩，但他居然連拉泡泡都耍手擰頭不肯玩，但帶他去playroom那邊玩即興奮無比，勁喜歡走過這些用積木cushion砌的小屋，然而遇到兩個姐姐刻意將艾菲砌給他的積木屋推跌，而艾菲又表現得沒有事像在跟那兩個姐姐玩時，他即超級惡地在後邊大叫大鬧那兩個姐姐，望著眼前這個惡霸燒腩仔，艾菲自己也呆一呆，亦令艾菲不其然反思自己平日對他的態度會否太嚴厲，又或者有甚麼方法可以幫他改善他的壞脾氣。
在科學館外邊跟燒腩仔吃過下午茶後，我們便過了對面歴史博物館大堂閒逛，碰巧有個歲月拍照的活動，見不用排隊艾菲便拉米高和燒腩仔一起去玩，只需拿著道具卡對著鏡頭拍照，便會拍出一張手持懷舊物品的懷舊照，可惜當時的燒腩仔已經無電不肯離開BB車一起玩，否則出來的效果肯定更好呢﹗
題外話1：
因為今次米高只係放半日假，艾菲要自己一個帶燒腩仔去科學館同佢會合，又媽媽袋又大相機嘅重裝備，再加上燒腩仔肯定會係出面瞓晏覺，艾菲就決定帶埋BB車出動，原先都擔心推住架車燒腩仔無得落車玩會好悶，但畀佢落車佢又會發晒狂咁搶住推架BB車，點知去到科學館先知衣帽間可以免費暫存BB車，咁未瞓住嘅燒腩仔就可以自由行四圍玩，大人又可以顧少一樣嘢，啱晒我哋呢D小朋友越來越重，鐘意行又唔行得耐嘅家長呀﹗
題外話2：
買飛入場時艾菲問咗米高好多次買唔買全年pass佢都堅持話唔買，兩張成人飛加埋$50，我哋只係玩得一個鐘都無就走，艾菲真心覺得好唔抵囉﹗但當我哋走咗之後米高就突然改口，話下次再來會買全年pass，艾菲當時真係有D畀佢激死嘅感覺﹗家庭全年pass先$200一年，如果我哋去四次博物館已經係同一價錢，再加上帶住燒腩仔去博物館根本玩唔耐，實會有機會係一年內重複去同一博物館﹗然後係艾菲再三查問米高做咩忽然轉軚嘅情況下，佢先解釋自己一直誤會係科學館買嘅全年pass只可以係科學館用，後來睇到poster先知係七間博物館通用喎﹗>.<
博物館通行證
沒有留言:
張貼留言