證件相

在米高的再三催促下，艾菲終於跟燒腩仔影了人生的第一張證件相，大家覺得OK嗎？

由艾菲回家做full time mum後，米高已經日提夜提要艾菲跟燒腩仔影證件相做特區護照，為的就是明年暑假跟燒腩仔去北海道旅行，起初艾菲只當米高吹水，因為要帶小朋友去旅行絕對是件苦差，而且他們長大以後都不會記得感覺有點不值，但當艾菲知道米高原來一直在努力儲asia miles換機票後（原來係燒腩仔出世前佢已經plan緊），艾菲都不敢怠慢對此事認真了一點，不過畢竟都是明年夏天的事實在不用急呀，然後米高一句「你宜家同佢拎咗護照，遲D我放假咪可以帶佢一齊去澳門囉」，艾菲即叮一聲決定全速行動，由我倆拍拖開始已經每年去澳門玩一次，只是去年因為懷著燒腩仔而不能去，所以一聽到可以去澳門艾菲就覺得很吸引了。

要跟燒腩仔影證件相，慳家的艾菲一度想過在家自己影，不過想到又要上網download software，米高又一定不會配合所以打了退堂鼓，亦想過等屋苑暑假做「$10一打」才影，但感覺沒太多保障，除了要等之餘又未必影得好，最後決定豪一次帶他到快圖美影，$60八張，加$10多八張，艾菲「pat pat痕」想取回softcopy再加$10要隻光碟，貴是貴了一點，但勝在影相次數無限，影了五、六張之後再讓你自行選一張，保證你滿意才沖曬。

跟一個只有七個多月的BB影證件相絕對不是一件容易事，艾菲聽過有朋友的BB試過影到喊，所以影相的首要條件是要燒腩仔心情好﹗見他跟公公婆婆飲茶後心情不俗又沒扭眼瞓，於是便立即go go go take action，由於影證件相一定要坐在高凳上，所以艾菲就負責站在旁邊扶著他，公公婆婆則在前面落足力引他笑和望鏡頭（如非必要真係唔好自己一個帶BB去影相呀），好不容易才影到這張又望鏡頭又沒皺眉的相片（呢個小朋友最近影親相都唔笑，但你一拎開相機佢就笑到咔咔聲），唔...收貨啦﹗

上網search了有關申請特區護照的資料，最方便的方法當然是郵寄申請待取護照時才親身領取，亦可以網上預約親身申請然後領取護照時就毋須燒腩仔現身（有無人知宜家仲可唔可以request佢寄來屋企？）但除了填普通的申請表之外，因為燒腩仔還未返學所以要找一個副署人和填一份副署事項表格，以證明燒腩仔真是燒腩仔，再加上沒有兒童身份證要額外交多一張相，即total要用三張相，那麼其餘的便可以用來跟他報N班（如果真係同佢報嘅話...），以及派街坊了（已經給了四大長老一人一張）。