成長線：燒腩仔一直是個細碼B，出世時才剛剛好6磅，先後三次到健康院磅重，無論是頭圍，重量還是身長，都只是成長線中10的位置。因為姑娘每次都說沒問題，所以艾菲和米高都不覺得有問題，只是在街上遇見其他差不多周數的BB，便會覺得他相對細粒，但見他食得玩得訓得痾得，就不會有甚麼擔心。
笑：老人家說BB大約要兩三個月才懂得笑，不過燒腩仔未滿月已經懂得笑，雖然只是無意識的笑，但艾菲睇見就冧，最開心是他在艾菲生日當天，一早起床沒扭飲奶，而是望著艾菲笑，簡直是本年度最好的生日禮物﹗爛玩燒腩仔滿月後已經越笑越多，飲飽奶跟他吹吹水他會笑得勁開心，現在更已經進化到懂得笑出聲呢﹗
說話：燒腩仔大概是個口水佬，兩個月大已經開始伊伊吖吖想說話，慢慢越講越多，每日至少一講極度長氣，最正是每次講到中間定必扁咀似想投訴。
抬頭：為著令燒腩仔的頸部更有力，方便艾菲用揹帶帶他出街，自他滿月起艾菲便每天跟他練習抬頭，但練極都沒有進展，直至接近三個月的某一天，他忽然懂得抬起他的頭來﹗但至今仍然未懂得用雙手將自己撐起，所以單用頸力頂多維持10秒...
用手拿物件：唉...艾菲總覺得燒腩仔在這方面的能力發展得較慢...燒腩仔的雙手其實很有力，但至今仍然不會拿著物件超過半分鐘，爬著時亦不太懂得用雙手支撐自己的身體，每次放玩具在他的手，他總是立即鬆開雙手，但讓他玩baby gym都總算肯伸手去碰架上的玩具，其實這是否與艾菲之前一直長期用手套有關呢？
坐：自燒腩仔踏入三個月後便開始學懂坐，靠著梳化可以自己坐5分鐘也不會倒下，不過我們暫時仍然未敢讓他坐在high chair或BB車，怕會影響他的脊骨發展，其實BB多大可以正式讓他坐呢？
流口水：踏入三個月便開始學識流口水，多數是一條接一條的流出來，但有時是口水波，每日至少要跟他換四五條口水肩，否則很容易會爆擦。
食手指：這星期突然開始食手指，還要食到極陶醉的嗒嗒聲，因為未懂得自己拿著玩具，所以Sophie仍未可以出動...
艾菲一直對食手指有個疑問，小朋友食那隻手是否代表他日後拿筆拿筷子都會用那隻手？因為燒腩仔現在只是食左手，給他右手都不肯食，艾菲想知燒腩仔將來會否要用左手寫字呀﹗
好可愛
回覆刪除[Ivy01/28/2013 10:04:55]多謝
我BB成長線只係3 tim呀, 唯有安慰自己就算宜家細粒/吾肥都吾代表日後都係錦, 最重要佢健康就得喇
回覆刪除[Ivy01/28/2013 14:15:29]係呀，健康院姑娘教，千祈唔好同人比，最緊要自己同自己比係有進步已經夠
其實早幾個星期，阿仔都已經開始扭唔要訓床仔，所以有時我都俾佢坐下sofa，
回覆刪除不過，坐o既時間唔長~^^~
[Ivy01/29/2013 10:09:43]因為坐係到望野同訓係到望野真係差好遠嘛，個個BB都會好奇想八卦吓周圍發生乜事
[manchi回覆01/29/2013 08:42:38]bb 鐘意坐，真係好自然o既事，有時一放低俾佢低，佢就自己起度笑
[Ivy01/28/2013 14:17:15]因為佢坐得好開心，我地最近個weekend已經開始俾佢坐，但就較斜少少個背囉
柑 B 5個幾月都唔識坐呀 ~
回覆刪除我覺得個個 BB 都有自己的快慢, 不用擔心呢 ~
[Ivy01/28/2013 18:15:13]都係，不過我最近估我隻仔應該係懶唔肯用手多而唔係唔識，睇來要認真咁逼吓佢拎野
呢個祝裙安好既口水肩唔錯喎!
回覆刪除[田鼠b回覆01/28/2013 21:57:48]仲以為係g.o.d., 因為都係d玩野design
[Ivy01/28/2013 18:13:06]哈哈...係想當年honeymoon時係新加坡買的手信來架
好叻仔wor< 咁快識得坐~~~
回覆刪除條祝君安好好正~~~
[Ivy01/29/2013 17:25:30]嘻...條口水肩係當年去新加坡honeymoon時買的手信