新春行大運

襯現在還是「新精頭」，在剛過去的星期日帶了燒腩仔跟公公、婆婆、姨媽和未來姨丈一齊去行大運，由鰂魚涌一直行去大潭水塘。

其實艾菲都不知多少年沒行過山了，以前都是菲爸逼才會去（艾菲想當年係啱啱識行就畀菲爸捉去行山），但現在為了燒腩仔可以過些健康生活艾菲總不能再躲懶，而今次的路線是經公公精挑細選而來的，貪它簡單易行兼全程可以推BB車，的確我們沿途都見到很多外國BB坐著BB車一齊行呢﹗

一大清早就出發﹗（其實都已經十點幾十一點）

沿路真係無樓梯架，不過就有睇唔到盡頭嘅斜路囉﹗

全程最歎係呢隻燒腩仔，佢歎到幾乎瞓足全程添，不過就難為咗全程推BB車嘅米高囉，well...當減肥啦﹗

行咗兩個鐘左右終於見到大潭水塘，D風景又真係幾靚嘅，辛苦D都算值得吖﹗

行完大運之後仲行咗落去大潭水霸，不過撞唔啱放水，如果唔係肯定好壯觀

差唔多行完，呢位仁兄先終於捨得起身...