燒腩用品~奶樽篇

飲完奶成個癲佬咁攬住個奶樽...
一直都想寫個post說說燒腩仔的奶樽，只是一拖再拖便到現在才有時間round up，雖然有點遲但寫下總好過日後忘記啦，畢竟想當日都的確花了些心機才研究到適合燒腩仔的奶樽和奶咀嘛﹗

由於燒腩仔出世時不肯埋身的關係，所以奶樽是他飲奶的必須品，為配合艾菲用的Avent奶泵，想當日艾菲沒理會朋友說Avent樽會漏的意見，堅持買了兩個Avent 4安奶樽給他，結果燒腩仔是出奇地食得好，5分鐘便可以KO 100ml奶，其實Avent樽沒想像中差，只是它的奶咀的確流得比其他牌子快，初生BB有機會飲唔切而已，而其闊身樽設計，到BB長大了以後，除了可以當水樽，也可以當食物樽出街食糊仔，都頗好用的。

因為家裡的Avent奶樽只有四個（連消毒機和跟奶泵的），燒腩仔的奶量自滿月後又已經超越4安，所以陪月姨姨走了以後艾菲都要開始讓燒腩仔用8安大奶樽，於是便拿了老早之前買的Chu Chu 窄身PPSU奶樽出來用，怎料同樣份量的奶，燒腩仔用Avent樽10分鐘內一定完事，用Chu Chu樽竟然可以飲45分鐘﹗﹗﹗這對艾菲和米高來說當然是不可接受啦，米高一直說燒腩仔飲Avent奶樽飲得好不如買Avent八安奶樽了事算，但慳媽艾菲就不想浪費這些Chu Chu奶樽，所以堅持要研究令燒腩仔飲得快一點的方法。

上網做了一輪research，試過扭鬆奶樽給燒腩仔飲不成功，見有媽媽教用隨奶樽附送的針桔著它的十字奶咀烚又照跟都完全沒好轉，於是艾菲忍不住親自試啜了一次，啜後簡直把幾火（好彩當日無買母乳咀），無論艾菲多用力啜，到口的奶都是點到即止，那麼一個初生BB再努力啜都啜得慢是理想當然的事呀，亦難怪燒腩仔每次飲Chu Chu樽到尾時都筋疲力竭不願飲啦﹗

於是艾菲便決定換奶咀，因為Chu Chu奶樽的配件跟Nuk和Pigeon奶樽的配件是可以通用的，艾菲醒起燒腩仔曾經在醫院飲過Nuk咀便買了兩個回來試，但燒腩仔飲奶的情況依然不太理想，平均要30分鐘才可完事（有用Nuk的媽媽教艾菲餵奶時搖奶樽幫BB排氣，但呢個方法對燒腩仔來講唔work，因為奶樽飲到中間一離口佢多數唔肯乖乖飲到底），所以艾菲決定買Pigeon咀回來作出最後嘗試。

Pigeon Silicon咀有分㘣咀和扁咀，因燒腩仔一直飲Avent咀是圓型的，艾菲便膽粗粗買了圓咀（本來想買2號咀，但圓咀只有1號），試後情況繼續沒有改善，艾菲於是把心一橫買個Pigeon奶咀打窿器回來自行打窿（反正唔得個奶咀都係唔要），結果竟然讓艾菲得到了大成功，燒腩仔又回復到10分鐘內完成150ml奶的速度﹗

起初艾菲以為自己真的完成使命，怎料試多幾次才發現燒腩仔出現飲唔切漏奶的情況，有時更因奶流得太快而發脾氣狂喊不肯飲奶，艾菲唯有又買了幾個Pigeon Silicon咀回來打算打細窿（Ice媽媽教奶咀打窿器有時會打得太大，反而用針消毒後桔窿，可以慢慢桔到夠為止），亦碰巧Ice媽媽知艾菲在試Pigeon奶咀，她便送了幾個Pigeon黃色rubber圓咀給艾菲，艾菲順手打窿然後又給了燒腩仔試，最後艾菲終於試到適合燒腩仔的奶咀而不用換Avent奶樽了﹗

原來Silicon咀打了窿後奶會流得很快，對當時只有兩個月的燒腩仔來說是not OK，反而Rubber咀打窿後流得相對較慢，但對燒腩仔來說卻是剛剛好，用了Rubber咀後他終於可以快速而舒服地完成150ml奶，唯一麻煩是Pigeon Rubber咀不是周圍有得買，Ice媽媽說要大萬寧才有，所以艾菲見Piago有便急急掃了兩pack回家打窿用，好不容易艾菲終於解決這項Mission Impossible的任務了﹗