濕疹秘方

燒腩仔本身沒有濕疹問題，不過最近天氣乾燥，加上他經常用手捽面和開始流口水，每天回家見他都是臉紅紅的爆擦，艾菲唯有密密替他搽凡士林（其實同事俾咗幾枝Mustela Facila Cream試用裝，但搽完之後硬係覺仲好乾)，後來見家裡那枝Mustela Body Lotion試用裝都快要用完，他又開始食手指食到津津有味的，艾菲便把心一橫決定跟Ice媽媽風，買椰子油給燒腩仔搽。

決定買椰子油之前上Baby Kingdom搜尋了大堆資料，看罷才知椰子油好處多多，更是嚴浩介紹很出名用來醫治濕疹的偏方，有些用過的媽媽說濕疹BB有機會因此而發得更嚴重，但只要堅持用下去便會得到好效果，既然夠潤成分又天然可以食用，那麼用在燒腩仔身上大概都不會有問題啦﹗

襯lunch hour跑去香港心腦保健會有限公司買椰子油和甜杏仁油（因為嚴浩教的秘方是椰子油與甜杏仁油1:1，而甜杏仁油唔係周圍都有得買），店員一聽到艾菲買椰子油和甜杏仁油即提醒艾菲要用闊口的樽來調教份量，因為椰子油在冷空氣下會凝固，問過用家Ice媽媽意見後發現體溫都足以將椰子油溶化，所以不用擔心凝固後會用不到。

回家後立即取了100ml椰子油出來，座在暖水中溶解，再在椰子油液化後加入100ml甜杏仁油拌勻，然後便倒進不同size的小樽內，小樽方便外出時用，大樽可以放在家中使用，如果見它開始變白凝固便放在暖水中座熱，出街就將小樽放褲袋用體溫將它液化即可。

燒腩仔用了大概一個月，暫時感覺不俗，搽上手時好像很「立」，不過搽上臉後沒多久便不會有「立」的感覺，而且還會有陣陣椰子糖的香味，連他頭上的頭泥也可以捽走，而艾菲自己都試過搽面，冬天勁甩皮的情況是立即有好轉（之前已經試過好多隻保濕都唔得），甚至之前被蚊咬到腳腫，當時又沒無比膏or白花膏旁身，用它都真是可以止痕消腫呢﹗

嚴浩秘方集：濕疹保濕有椰油

椰子油的神奇妙用（二）