曾經有一段時間很迷戀指甲油，瘋狂地掃了不少不同顏色的指甲油，每次也很用心地塗，不過每次也塗得一敗塗地（特別是左手塗右手時），結果這個瘋癲的狀態只是維持了不足半年已經結束，現在艾菲只會在無聊又心情好或有重要宴會要出席，才會有塗指甲油的閒情，至於甚麼水晶甲Gel甲的艾菲更是試也未試過。
直至近日艾菲開始籌備明年一月影結婚相的東西，菲媽忽然一言驚醒的問艾菲影相前要否去整甲，well...說實話，除了自己又有誰那麼有聊的去留意自己的指甲呢？不過聽聞很多新娘都會在結婚當天做水晶甲，自己也有點心動想剩機一試其魔力（平日無事無幹的，實在沒有整甲的藉口呀）。
四出搜尋有關水晶甲的資料，但好友冰媽媽卻勸說不要做，說水晶甲會將指甲磨薄很傷指甲，而且做了一次便永不超生，否則要忍受一雙醜怪手大約半年才會回復現狀，那麼可怕的事情艾菲當然沒興趣去試啦，卻在無意間發現了美國牌子Kiss的假甲，只需將相同size的假甲用膠水貼上即可，亦可買洗甲水回家自行脫甲，不傷指甲又方便，似是可以一試呢﹗
本來打算聖誕節前才去試的（因假甲可以last兩星期，聖誕節前整便可以待除夕過後才拆），不過以艾菲急燥的性格又怎會忍得到手，結果今天便到了葵芳那間Kiss八卦，第一次光顧只需買一盒假甲，一枝底油，一枝面油和指甲銼，即有專人替你貼好假甲，以後每次光顧只需帶同底油，面油和指甲銼再買一盒假甲即可，甚至脫甲亦只需買其專用洗甲水即有專人協助脫甲。
而第一次光顧的艾菲當然是豪花了六百大元買齊一套工具啦﹗早就說女人錢是特別易賺的啦﹗由左至右：快乾面油$150，底油$120，專用洗甲水$125（因艾菲想自己在家脫甲而先行買了，否則留待要脫甲時才買也可以的），指甲銼$25，另有沒出鏡的一盒24隻假甲$180（其實一般都是$150一盒，只是艾菲今次選的是較貴款式）
至於搞了大半小時的成果就是這樣了，第一次做選了一些相對簡單的款式，大家覺得怎樣？艾菲自己就覺得都頗ok，肉眼看似是跟水晶甲沒太大分別，整甲姐姐說不用就住就住，一切如常即可，甚至連搣橙都得，不過不太習慣長指甲的艾菲就實在沒這股勇氣了，整晚也是小心翼翼怕會刮花或刮掉呢﹗
Kiss：http://www.kissusa.com/
呢個可以keep幾耐架? 幾靚wor!!!
回覆刪除[Ivy12/08/2009 12:10:00]可以keep到兩星期，我宜家整左個幾星期都無問題，只係d邊位開始出返來同埋dd花（真係好dd好唔覺眼果種）
做水晶甲真係好傷，要磨真甲既甲面，先要一層一層咁gel上去，結果十隻指甲都完成磨花晒，
回覆刪除我結婚前兩天去整，雖然可以keep兩至三星期，去完honeymoon返黎都仲完整無缺，無花無崩，但係d指甲生長，就會見到邊位，一係去補，一係去拆
於是去拆甲，結果仲傷，逐隻磨走，又係磨到差不多見到真甲面，甲面傷晒，到依家差不多四個月(仲差一星期就四個月)，磨左甲面既位置都未生長晒，未可以剪走晒，仲有三份一位置係磨過，好醜樣
所以有咩大時大節，約左人出街之類，都要塗甲油，遮番住.....
[Ivy12/09/2009 10:46:00]嘩﹗真係好嚴重咁喎...聽見都替你肉痛呀...
所以整過一次之後，我一定唔會再整第二次！
回覆刪除不過你講既貼甲好吸引.....
[Ivy12/09/2009 23:37:00]係呀，我覺得真係唔錯，至少隨時想唔整都得，唔會有手尾傷指甲