之前喺facebook見到有人介紹香港藝術節搞嘅Super Pool，見D燈會不停變色幾得意又幾靚，估燒腩仔應該會鐘意，就試吓mark定日子上網報名，原先以為會好搶手好難報（之前智樂嘅報名經驗實在太差），點知又唔係喎，仲畀艾菲揀到前星期日，喺海事博物館搞嘅四點半親子時段。
出發前收到大會嘅溫馨提示，叫我哋要廿分鐘前到，但check完飛入咗場又未玩得，於是成班小朋友就走咗去落地玻璃前望海，估唔到燒腩仔咁都可以識到女仔喎，艾菲見佢同隔離個妹妹有傾有講，堅有交流㗎﹗
一入場，燒腩仔應艾菲要求，畀艾菲影咗一張相，就消失得無影無蹤，自己一個滿場飛，好興奮咁不停圍圈跑。
咁艾菲唯有捉住仲未識走嘅BB豆豬影相啦...啦...啦...
幾經辛苦，終於捉返哥哥返來影張合照。
無乜幾何有得咁玩，艾菲都抱一個拖一個影返張相先﹗
之後艾菲就將BB豆豬交咗畀米高，再拖住燒腩仔一齊跑，哈哈...又真係幾好玩㗎喎﹗
玩到攰攰地，就叫燒腩仔坐低影吓相抖吓，仲咁啱畀艾菲影到佢大愛嘅紫色添呀﹗
雖然全程只係得20分鐘玩，不過燒腩仔同艾菲都玩得好開心，係一個幾特別嘅體驗，個活動最後一站喺文化中心搞，好似去到今個星期六咋，預約雖然已經爆晒但就可以即場排walk in，有興趣嘅可以去佢哋個facebook page睇吓呀﹗
沒有留言:
張貼留言