呢排米高成日都撞正星期六日要返工，搞到連行山都無時間，所以趁前一個星期六一家大細出咗灣仔，艾菲就提議去赤柱行吓hea吓，放空一吓正正是艾菲最近需要嘅嘢...
入到赤柱差不多四點，遇著米高要先搵地方處理D工事，於是就齊齊去咗圖書館hea（原先想帶佢哋去體育館個遊戲室，點知咁啱維修緊無得玩），好彩嘅係BB豆豬好合作無大叫大喊，亦畀我哋喺到搵到好多平日喺屋企附近圖書館好難搵到嘅好書睇，走嘅時候我哋仲借咗五本Thomas書同一本視覺圖畫書返屋企睇添﹗
米高見差不多做完嘢，艾菲又開始嗌肚餓，就同咗我哋去食大pizza做下午茶，至於BB豆豬都有星星餅食㗎﹗
食飽就去行吓赤柱大街，忽然燒腩仔企咗埋去人哋架車到叫艾菲同佢影相，艾菲唔識車但米高話呢架係好嘢來，唔知要幾多百萬一架喎，睇過...
其實此行有D想買條裙仔畀BB豆豬來緊一歲生日時著，不過宜家嘅赤柱大街都少咗好多BB衫賣，而價錢亦無以前咁吸引，最終艾菲分別喺兩檔到買咗兩件都係廿蚊嘅衫畀我對大小寶貝，右邊妹妹條裙仲要係next來，標9個月碼但大件到歲半兩歲都著到，希望擺到今年秋天佢會啱著。
行完赤柱大街都就快天黑，我哋快手行埋過去赤柱廣場睇嘢，然後眼利嘅燒腩仔一見到個遊樂場即話要玩，快手畀佢玩陣我哋就走啦﹗
沒有留言:
張貼留言