試用：SHISEIDO Urban Environment UV Protector Extra Mild SPF30 PA+++

正所謂一白遮三醜，艾菲雖然天生白底，就算曬黑咗都好快白返，依然著重防曬呢一環，由讀中學時已經開始日日做足防曬措施先出門口，而眾多品牌之中最有信心就係SHISEIDO啦，全因三年前嘅北海道之旅天氣實在太好，睇住自己D手腳用咗防曬都變咗鴛鴦色，忍唔住買咗枝SHISEIDO ANESSA來即用，膚色先終於keep住無再黑落去，所以今次收到MyBB.com邀請，試用佢哋一款連初生嬰兒都用得嘅防曬產品同出席一個親子防曬工作坊，艾菲真係超級開心﹗



SHISEIDO Urban Environment UV Protcetor Extra Mild SPF30 PA+++嘅配方溫和到出世28日以上嘅BB，小童同敏感肌人士都用得，佢採用咗獨家SuperVeil-UV360TM技術，可以360度抵禦UVA同UVB嘅傷害，重點係不含紫外線吸收劑，酒精，香料或者防腐劑，大人同BB都可以放心使用，來緊艾菲同燒腩仔去旅行，帶一枝就可以兩母子齊齊防曬，終於唔使再好似以前咁佢一枝我一枝咁麻煩啦﹗



艾菲平日就算只係同燒腩仔落街行吓都會同佢搽防曬，或者好多人都覺得BB仲細唔使做防曬，又或者大家會係帶BB去戶外活動時先搽防曬，但睇完上面呢條片你就會明，無論陰天晴天室內室外都好，紫外線係防不勝防，所以防曬真係要由細個開始做起，等佢哋培養出一個習慣，到大個先會識得好好保護自己嘅身體。



而工作坊教嘅都係圍繞住上面條片帶出來嘅concept，SHISEIDO靚姐姐先介紹UVA同UVB對皮膚所帶來嘅傷害，之後就講解PA同SPF兩個指數，PA係針對UVA，通常以＋來代表個防護性，越多＋就越高，至於SPF就針對UVB，係以時間來計算防護性，1度防曬就有10分鐘防曬效果，即SPF50嘅防曬產品，就已經有500分鐘防曬效果，不過流汗同埋其他活動都會影響防曬效果，所以建議每2-3個鐘要補搽一次。



SHISEIDO靚姐姐同各位媽媽講解呢D咁理論性嘅嘢，燒腩仔又點會有興趣聽吖，好彩佢哋都安排咗D顏色筆同畫紙畀燒腩仔填顏色，油到佢停唔到手，仲係咁叫艾菲幫佢換顏色添呀﹗



之後仲有得玩鬥快砌砌圖，最快砌完嘅會有一份小禮物，不過燒腩仔仲未識砌要由艾菲代勞，結果艾菲一邊砌，佢就一邊幫艾菲拆返出來玩，志在參與啦﹗



然後SHISEIDO靚姐姐就教我哋點樣搽防曬，仲特別提醒我哋唔好忽略頸背，耳仔，同鼻翼呢D位添﹗



當然都有講埋點清潔，普通嘅防曬乳霜用一般清潔皮膚嘅產品已經可以洗走，相當方便﹗



跟住就到燒腩仔示範點搽防曬啦﹗佢起初死都話唔搽㗎，艾菲於是花咗好多口水氹佢，不停話搽完會好靚㗎，佢先終於肯畀艾菲同佢搽上塊面同影相，仲好開心咁自己捽勻D防曬添﹗可惜佢呢個其實係錯誤示範來，正確應該係劑一粒豆大嘅防曬產品出來，點齊鼻，兩邊面，額頭，同下巴，再用手指輕輕推開搽晒全面。



後尾艾菲摞咗燒腩仔好耐，佢終於肯做乖仔幫艾菲搽吓，艾菲以前用過D推極都仲一撻撻，或者有個白印嘅防曬產品，真係諗起都覺得怕怕，不過SHISEIDO呢隻類近lotion嘅質地，好容易就可以推得開，仲唔會有立痴痴嘅感覺，搽咗好似無搽咁，Good﹗



同場SHISEIDO靚姐姐都有介紹呢隻Perfect UV Protector SPF50+ PA++++，係最高級數嘅防曬，質地係水狀來，適合運動同休閒活動時用，可惜燒腩仔到尾聲開始有D失控，艾菲要睇實佢而無機會試。



上完堂仲一人有一份試用裝收返，而SHISEIDO靚姐姐就幫艾菲同燒腩仔影咗張即影即有相做留念，真係好貼心呀﹗