電線收納盒

小朋友的好奇心總是特別旺盛，就算家裡有再多的玩具，都很難令他乖乖坐定定，而燒腩仔便很喜歡跨境離開playmat拉電線，無論艾菲用盡一切方法（試過打到佢手仔紅佢都仲可以對住我笑...），跟他說了過千遍不可以，他還是轉頭就再爬過去玩，無奈蝸居地方始終有限，有些電線不是說收便可以收起，無意間在淘寶發現電線收納盒這東西，艾菲即淘了兩個回來用，以防燒腩仔出意外。

客廳的另一邊和電視櫃後都放了個拖把插滿電器，用電線收納盒前電線混亂一遍，只是用安全插座蓋著以防燒腩仔將手指插進去有危險，不過熱愛玩繩的他見電線即雙眼發光（佢真係好貫徹始終咁勁鐘意玩繩，由出世時玩臍帶搞到心跳慢要開刀，到出世後玩和尚袍D蝴蝶結，床圍D繩同米高短褲D褲頭繩，屋企無一條繩狀物體會畀佢放過），經常借意爬過去玩電線相當危險。

用了電線收納盒後，感覺整齊了而且只有幾條電線外露，燒腩仔即時少了爬過來搞事，就算過來都只是意圖玩盒上的花花，艾菲絕對有充足時間捉他走﹗雖然只是四十多元人仔一個（艾菲呢個係超大號，如果細D size會平D同有多D款揀），但貨品的質素絕不兒戲，電線盒的四邊都有位置可以將電線穿過方便使用，木板實淨而且四邊平滑沒披口，跟盒的安全扣都很易用，本來有其他顏色比較靚，不過艾菲為免太吸引將燒腩仔引過來所以才選最平淡的實木色。

燒腩仔另一至愛便是家裡的坐地風扇，夏天不開冷氣我們兩母子便是靠他渡日，所以風扇根本沒收起的可能，唯有見燒腩仔爬過去玩即將他捉走（又係講咗十萬次NO佢都仲繼續搞），最擔心除了怕他觸電外，當然是怕他將手指插進去被扇頁弄傷（因為佢已經進展到會爬過去借力企起身嘅地步），所以某天見AEON有風扇套賣便買了個來用，至少睇漏眼時都減低他插手指入內的危險嘛。

雖則添置了這些家居安全的物品，但說到底還是要靠自己stop他才是最有用，其實小朋友要到多大才會有意識明白大人say no即不可以做？又要怎樣才會令他們懂得危險知驚不去玩這些危險物品呢？