我愛波波池

由於燒腩仔這隻馬騮，除了好身手得擒梳化和拉high chair外，個多月前已經開始爬枱底和椅子底，有見及此艾菲便一心想買個隧道回來給他正正經經地爬，然後去反斗城格價發現一個隧道最平都要百多元，於是便又上淘寶搜尋，研究了幾天之後發現一條隧道都要50元人民幣，但連遊戲帳蓬買卻100元人民幣有找，那麼當然是身痕想連帳蓬一併買啦，畢竟小朋友有時會想躲起來尋找自己的空間嘛（艾菲細個就好鐘意暱係D遮下面扮露營），遊戲帳蓬就算現在沒用都總會有用得著的一日。

不過蝸居地方始終有限，一個standard size的遊戲帳蓬打開都90x100cm，在客廳放個如此大的帳蓬就算朝行晚拆都不是太好嘛，最後搜尋了一輪終於發現這個三件裝遊戲帳蓬連隧道，帳蓬打開以後只是70X70cm（差20cm真係差好遠呀），如果只打開一個帳蓬加隧道的size是剛剛好不會凸出playmat，而連50個波的價錢都只是90人民幣而已，於是艾菲便決定淘回來給燒腩仔玩。

收貨後艾菲立即開給燒腩仔玩，不過50個波實在零震撼，艾菲便索性將燒腩仔其他玩具都全部放進去，但燒腩仔對它的興趣始終不大，每次都是艾菲將他抱進去，要不是艾菲一併入內玩，他不消五分鐘便會爬出來不肯久留，就算只放隧道不開帳蓬，他都沒有爬進去的意慾，艾菲唯有將它全部收起留待他大個一點再玩。

後來無意間見到查媽美子替晉晉影的波波池相，艾菲才醒覺可以用燒腩仔熟悉的浴盤扮波波池，亦特別向Ice媽媽借來了200個波（200個波同50個波嘅效果真係差好遠），果然拍照出來效果是very good呀﹗而將這200個波全部倒進遊戲帳蓬內的效果都令人相當滿意，最滿意當然是燒腩仔終於愛上他的波波池啦，坐進去後不停踢腳勁興奮的模樣，總算沒有浪費艾菲一番心機呀﹗

好﹗事不宜遲﹗立即去相﹗

波波浴篇

波波浴，i'm loving it!

你做乜偷影我﹗

一片波海，特別鳴謝Ice媽媽借出200個波﹗

成千萬上落嘅波，都唔知咬邊個先好

波波池篇

歡迎參觀示範單位

Chok一Chok先﹗

等我話你知啦﹗D波除咗藍色，紅色，綠色，黃色之外仲有橙色﹗

波波池真係好好玩㗎﹗

嘩﹗救命呀﹗我就來畀D波浸親啦﹗

我要快D爬出去逃忙先得啦﹗

全部相最鐘意呢張係帳蓬外面影入去嘅相，感覺好自然同好純真